അവിയൽ..!

നിലാമഴ മാഞ്ഞു.....

2012-02-12T04:06:00.000-08:00

മലപ്പുറം പൂക്കോട്ടൂർ പി.കെ.എം.ഐ.സി. സ്കൂൾ വിദ്യാർത്ഥിനിയും, കവയിത്രിയും, ഇളം തലമുറ ബ്ലോഗറും, നമ്മുടെയൊക്കെ പ്രിയങ്കരിയുമായിരുന്ന നീസ വെള്ളൂർ അന്തരിച്ചു. ‘നിലാമഴകൾ’ എന്ന ബ്ലോഗിന്റെ ഉടമായാണ് ഖമറുന്നീസ എന്ന ‘നീസ’.

തുഞ്ചൻ പറമ്പു മീറ്റിൽ വച്ചാണ് നീസയെ ആദ്യം കണ്ടത്. കൊട്ടോട്ടിക്കാരൻ പറഞ്ഞതനുസരിച്ച് അവളുടെ ഫോട്ടോയും എടുത്തിരുന്നു. മീറ്റിനെക്കുറിച്ചിട്ട പോസ്റ്റിൽ, അവളുടെ കവിത ഉൾപ്പെടുന്ന ‘കാ വാ രേഖ’ യുടെ ഒരു പ്രതി മനോരാജിൽ നിന്ന് സ്വീകരിക്കുന്ന ചിത്രം ഇടുകയും ചെയ്തിരുന്നു.

രക്താർബുദം ബാധിച്ച് ചികിത്സയിൽ കഴിയുകയായിരുന്നു നീസ. ബൂലോകത്തിന്റെ സഹായം ഒരു കൈത്താങ്ങായി ഉണ്ടായിരുന്നെങ്കിലും, നൂറുകണക്കിനു സുമനസ്സുകളുടെ പ്രാർത്ഥന അവൾക്കായി ഉണ്ടായിരുന്നെങ്കിലും, കരുണകാട്ടാൻ പിശുക്കു കാണിക്കുന്ന ക്യാൻസർ അവളെ കൂട്ടിക്കൊണ്ടു പോയി.
മുൻപ് രമ്യ ആന്റണി എന്ന യുവകവയിത്രിയെ കൊണ്ടു പോയപോലെ തന്നെ.....

എന്താണ് പറയാനാവുക..... ഇന്നു നാലു മണിക്ക് കൊട്ടോട്ടിക്കാരൻ വിളിച്ചു പറഞ്ഞ വാർത്ത കേട്ടപ്പോൾ നമ്മുടെയൊക്കെ നിസ്സഹായാവസ്ഥയാണോർത്തത്.... എന്തു ചെയ്താലാണ് നമ്മുടെ പ്രിയപ്പെട്ടവരെ ഇത്തരം ഘട്ടങ്ങളിൽ രക്ഷിക്കാനാവുക....? ഒരു പിടിയുമില്ല. വിധി എന്നോ, ഇതൊക്കെയാണ് ലോകഗതി എന്നോ പറയാൻ വേണ്ടി പറയാം....

എല്ലാവരും നിലാമഴകൾ വായിക്കുക.

അവൾക്കുള്ള അശ്രുപൂജ അവിടെയാവട്ടെ....

നീസ

ഹംസഗീതം പോലും പാടാനാകാതെ.....

2012-01-28T08:21:00.000-08:00

വിടപറയും മുൻപുള്ള അവസാനഗാനം.... അതാണ് ഹംസഗീതം. മരിക്കുന്നതിനു മുൻപ് അരയന്നം പാടുന്ന പാട്ട് എന്നത് സാഹിത്യത്തിലെ ഒരലങ്കാരപ്രയോഗമാണെങ്കിലും പലപ്പോഴും കളിക്കളത്തിലെ അവസാനമത്സരത്തിലെ ഗംഭീരപ്രകടനത്തെ “സ്വാൻ സോങ് ഓഫ് എ മയെസ്റ്റ്ട്രോ” എന്ന് പലപ്പോഴും എഴുതാറുണ്ട് പത്രങ്ങൾ. പല മഹാന്മാരായ കളിക്കാരും ഹംസഗീതം പാടി വിടപറഞ്ഞിട്ടുമുണ്ട്. എന്നാൽ അതൊന്നുമില്ലാതെ തന്നെ ഇൻഡ്യൻ ക്രിക്കറ്റിൽ നിന്ന് മഹാരഥന്മാർ വിടവാങ്ങുന്നതിനു സാക്ഷ്യം വഹിക്കാൻ പോകുകയാണ് നമ്മൾ കാണികൾ.

ഓർമ്മ വച്ച നാൾമുതലിന്നോളം തുടർച്ചയായ രണ്ടു വിദേശ പരമ്പരകളിൽ നാലും നാലും വീതം ടെസ്റ്റ് മത്സരങ്ങളിൽ ഇൻഡ്യ തോൽക്കുന്നതു കണ്ടിട്ടില്ല. ഇപ്പോൾ അതും കാണേണ്ടി വന്നിരിക്കുന്നു.

നൂറ്റിയിരുപതു കോടി ഇൻഡ്യക്കാരുടെ ക്രിക്കറ്റിലെ കൺ കണ്ട ദൈവം സച്ചിൻ തെണ്ടുൽക്കർ, വിശ്വസ്തനായ വന്മതിൽ രാഹുൽ ദ്രാവിഡ്, വെരി വെരി സ്പെഷ്യൽ ലക്ഷ്മൺ..... ഇവരിലാർക്കും നാലു ടെസ്റ്റിലെ എട്ട് ഇന്നിംഗ്സുകൾ കളിച്ചിട്ടും ഒരു സെഞ്ച്വറി പോലും നേടാനായില്ല. ഇൻഡ്യക്കു വേണ്ടി പൊരുതി ഒരു സമനില പോലും നേടാനായില്ല!

സച്ചിൻ അർദ്ധസെഞ്ച്വറികൾ നേടി. എന്നാൽ ദ്രാവിഡും ലക്ഷമണും അമ്പേ പരാജയപ്പെട്ടു. ദ്രാവിഡ് തുടരെ ക്ലീൻ ബൌൾഡ് ആകുന്ന കാഴ്ച അദ്ദേഹത്തിന്റെ ആരാധകനെന്ന നിലയിൽ ഹൃദയഭേദകമായിരുന്നു.

വേൾഡ് ക്ലാസ് ബാറ്റ്സ്മാന്മാർ പ്രതിസന്ധികൾ തരണം ചെയ്ത് എങ്ങനെയാണ് ബാറ്റ് ചെയ്യുന്നത് എന്ന് മൈക്കൽ ക്ലാർക്കും, റിക്കി പോണ്ടിങ്ങും കാണിച്ചു തന്നു!

വിരാട് കോലിക്കു കഴിഞ്ഞതുപോലും ഇൻഡ്യയുടെ ‘വിശ്രുത ത്രയ’ത്തിനും, വീരേന്ദർ സേവാഗിനും കഴിഞ്ഞില്ല!

സ്വന്തം ടീമിനു വേണ്ട സമയത്ത് ഒരിക്കൽ പോലും ലൊകോത്തര നിലവാരമുള്ള ഒരിന്നിംഗ്‌സ്.... ഒരേയൊരിന്നിംഗ്സ് എങ്കിലും പുറത്തെടുക്കാൻ കഴിയാത്തവർ ടീമിലെന്തിനു തുടരണം?

ഇവരെല്ലാവരും വമ്പൻ ഇന്നിംഗ്സുകൾ കളിച്ചിട്ടുള്ളവരാണ്. പ്രതിഭയുള്ളവർ ആയിരുന്നു താനും. എന്നാൽ ഇന്ന് അവരുടെ മനസ്സു പറയുന്നിടത്ത് ശരീരം ചലിക്കാതായിരിക്കുന്നു.

വിടവാങ്ങാൻ സമയം അതിക്രമിച്ചിരിക്കുന്നു....

ഇതാ ഇൻഡ്യൻ വീരന്മാരുടെ പ്രകടനം.....

SR Tendulkar

287

35.87

V Sehwag	4	8	0	198	67	24.75
R Dravid	4	8	0	194	68	24.25

VVS Laxman

155

19.37

ഇനി ഓസ്റ്റ്ട്രേലിയക്കാരുടെ കളി നോക്കാം.

MJ Clarke	4	6	1	626	329*	125.20
RT Ponting	4	6	1	544	221	108.80
MEK Hussey	4	6	1	293	150*	58.60
DA Warner	4	6	0	266	180	44.33

ഇവർ അവരുടെ നാട്ടിലല്ലേ ഈ കളി കളിച്ചതെന്നു ചോദിക്കരുത്.
കാരണം അവരുടെ നാട്ടിൽ വച്ചു തന്നെയാണ് സച്ചിനും, ദ്രാവിഡും, ലക്ഷ്മണും, സേവാഗും മുൻപ് ഇതിഹാസങ്ങൾ തീർത്തിട്ടുള്ളത്. ഇപ്പോൾ അവരെ പ്രായം ബാധിച്ചിരിക്കുന്നു.

മനസ്സു പറയുന്നിടത്ത് ശരീരം എത്തുന്നില്ല....

അതെ... മതിയാക്കാൻ സമയമായി.... ശരിക്കും സമയമായി!

ഇനി വിരാട് കോലിയും, രോഹിത് ശർമ്മയും, ചേതേശ്വർ പുജാരയും, അഭിനവ് മുകുന്ദും, വൃദ്ധിമാൻ സാഹയും, സുരേഷ് റെയ്നയുമൊക്കെ ഉയർന്നു വരട്ടെ.... അവരെ അതിനനുവദിക്കാനുള്ള മഹാമനസ്കത - അല്ല കോമൺ സെൻസ് - സച്ചിൻ ഉൾപ്പടെയുള്ള വിശ്രുത ത്രയം കാണിക്കുമെന്നാശിക്കാം.

എട്ടു കളികളിൽ ഒന്നു പോലും ജയിപ്പിക്കാനാവാത്തവർ, അവർ മുൻ കാലത്ത് എത്ര കേമന്മാർ ആയിരുന്നെങ്കിലും ഇനി ഇൻഡ്യയ്ക്കുവേണ്ടി കളിക്കാനർഹിക്കുന്നില്ല.

ഇട്ടുമൂടാൻ പണവും, കൊരിത്തരിക്കാൻ റെക്കോഡുകളും ഏറെ സ്വന്തമാക്കിയില്ലേ...? ഇനി ദയവായി പുതിയതലമുറയ്ക്കു വഴിമാറുക!

ആലിൻ കായ് പഴുത്തപ്പോൾ....

2012-01-07T01:39:00.000-08:00

അരയാൽ എല്ലാവർക്കും സുപരിചിതമാണ്. മിക്ക ക്ഷേത്രങ്ങൾക്കു മുന്നിലും ആൽത്തറകൾ ഉണ്ട്. എന്നാൽ പേരാൽ അത്ര സാധാരണം അല്ല.

കഴിഞ്ഞ ദിവസം കൃഷിപ്പണിയുമായി ക്യാമ്പസിൽ നടക്കുമ്പോൾ ദാ കിട്ടി സ്വയമ്പൻ ഒരെണ്ണം. എന്നാൽ പിന്നെ അത് ഇവിടെ പങ്കു വച്ചുകളയാം എന്നു കരുതി.

ഒന്നു നോക്കിക്കോളൂ...

അല്പം കൂടി അടുത്ത്....

ദാ ഒരു ചില്ല.....

ക്ലിയറാക്കാം....

ഇതെങ്ങനെ ഉണ്ട്?

കൊതി വരുന്നുണ്ടോ?

“ആലിൻ കായ് പഴുത്തപ്പോൾ കാക്കയ്ക്ക് വായിൽ പുണ്ണെ”ന്നു കേട്ടിട്ടുണ്ടല്ലോ അല്ലേ?

വെറുതെയാണൊ കാക്ക ഡെസ്പടിക്കുന്നത്!?

(ഔഷധഗുണങ്ങളെക്കുറിച്ച് വിശദമായ കുറേ പോസ്റ്റുകൾ തൃപ്പൂണിത്തുറ ആയുർവേദകോളേജിലെ കുട്ടികൾ വഴി ബ്ലോഗാക്കി ഇടാം എന്നു വിചാ‍രിക്കുന്നു. ഈ മാസാ‍വസാനം അവിടെ ഒരു ബ്ലോഗ് ശില്പശാല നടത്തുന്നുണ്ട്.)

വരൂ, സുഹൃത്തുക്കളേ! നമുക്ക് ചരിത്രം രചിക്കാം!

2011-12-10T01:46:00.001-08:00

മുല്ലപ്പെരിയാർ വിഷയവുമായി ബന്ധപ്പെട്ട് നിരവധി പ്രക്ഷോഭങ്ങൾ ഇന്നു നടക്കുന്നെങ്കിലും, തുടർച്ചയായി ആ പ്രശ്നത്തിൽ ജാഗ്രതപുലർത്തിവരുന്ന സമൂഹം ബ്ലോഗർമാരുടേതാണ്. സേവ് കേരള - റീബിൽഡ് മുല്ലപ്പെരിയാർ ഡാം എന്ന സൈറ്റും നിലവിൽ വന്നു.പിൽക്കാലത്താണ് അതിലേക്ക് സോഷ്യൽ നെറ്റ് വർക്കിംഗ് സൈറ്റുകളിൽ നിന്ന് പിന്തുണയുമായി കൂടുതൽ മലയാളികൾ എത്തിയത്. ഇന്നിപ്പോൾ അത് കേരളസമൂഹമാകെ ഏറ്റെടുത്തിരിക്കുന്നു.നമ്മുടെ ബൂലോകം ആണ് ഈ വിഷയത്തിൽ ബൂലോകത്തെ ഏകോപിപ്പിക്കുവാൻ പോസ്റ്റുകളുമായി വന്നത്. അത് കൊച്ചിയിൽ നടന്ന സൈബർകൂട്ടായ്മയിലേക്ക് വളർന്നതിനു പിന്നിൽ നിരക്ഷരൻ എന്ന ബ്ലോഗറാണ് മുന്നിൽ നിന്നത് എന്ന കാര്യം നമുക്ക് അഭിമാനത്തോടെ ഓർമ്മിക്കാം. ആ കൂട്ടായ്മയിൽ ഫെയ്സ്ബുക്ക്-ട്വിറ്റർ സുഹൃത്തുക്കൾക്കൊപ്പം നിരവധി ബ്ലോഗർമാരും പങ്കെടുത്തു.

അങ്ങനെ ദൈനംദിനം മുല്ലപ്പെരിയാർ ചിന്തയുമായാണ് ഉറങ്ങുന്നതും, ഉണരുന്നതും. തൃപ്പൂണിത്തുറ ആയുർവേദ കോളേജിലെ കുട്ടികളും ഈ വിഷയത്തിൽ ക്രിയാത്മകമായ ചിലതു ചെയ്തു. അവരുമായി സംവദിക്കുന്നതിനിടയിൽ കുട്ടികളിൽ ചിലർ തന്നെയാണ് തങ്ങൾക്കും ബ്ലോഗിംഗിലേക്കു വരാൻ താല്പര്യമുണ്ടെന്നു പറഞ്ഞത്. അന്ന് നിരക്ഷരനുമായി സംസാരിച്ചകൂട്ടത്തിൽ ഇക്കാര്യവും സൂചിപ്പിച്ചു. ക്യാമ്പസുകളിൽ ബ്ലോഗ് ശില്പശാലകൾ സംഘടിപ്പിക്കാൻ സഹായിക്കാം എന്ന് അദ്ദേഹവും പറഞ്ഞു.

ഇനിയും കൂടുതൽ എന്തു ചെയ്യാനാവും എന്ന ചിന്തയുമായിരിക്കുമ്പോഴാണ് നമ്മുടെ സ്വന്തം ഷെരീഫിക്കയെഴുതിയ ബൂലോകം തകരുന്നുവോ? എന്ന പോസ്റ്റ് കണ്ടത്. മലയാളം ബൂലോകം തകർന്നു എന്ന മുറവിളി ഏറെ നാളായി ഉള്ളതാണ്. രണ്ടു കൊല്ലം മുൻപ് ബസ്, ട്വിറ്റർ, ഫെയ്സ് ബുക്ക് എന്നിവയിലേക്ക് ബ്ലോഗർമാരിൽ കുറേയാളുകൾ ചേക്കേറുകയും മലയാളം ബ്ലോഗിംഗിന് ഒരു മാന്ദ്യം ഉണ്ടാവുകയും ചെയ്തു എന്നത് വസ്തുകതയാണ്.

ഒരു കൊല്ലം മുൻപ് ഈ വിഷയത്തിൽ വരൂ... ബസ്സിൽ നിന്ന് ബ്ലോഗിലേക്ക് എന്നൊരു പോസ്റ്റ് ഞാൻ ഇട്ടിരുന്നു. തുടർന്ന് മലയാളഭാഷയോടും, ബ്ലോഗ് സമൂഹത്തോടു ഉള്ള നമ്മുടെ ഉത്തരവാദിത്തമായി ബ്ലോഗ് നവോത്ഥാനം നമ്മൾ ഏറ്റെടുക്കണം എന്ന് എല്ലാ സുഹൃത്തുക്കളോടും അഭ്യർത്ഥിച്ചിരുന്നു. കുറെയേറെ ബ്ലോഗർമാർ അതോടെ പുതിയ പോസ്റ്റുകളുമായി മുന്നോട്ടു വരികയും ചെയ്തു.

അനന്തരം 2011 ജനുവരി ആറിന് കൊച്ചിക്കായലിൽ ഒരു ബ്ലോഗ് മീറ്റ് സംഘടിപ്പിക്കപ്പെടുകയുണ്ടായി. പങ്കെടുത്ത ബ്ലോഗർമാർ വളരെ ക്രിയാത്മകമായ ചർച്ചകൾ നടത്തുകയും ചെയ്തു. പിന്നീട് ഇടപ്പള്ളി മീറ്റ്, തുഞ്ചൻ പറമ്പ് മീറ്റ്, കൊച്ചിയിലെ രണ്ടാം മീറ്റ്, തൊടുപുഴ മീറ്റ്, കണ്ണൂർ മീറ്റ് എന്നിവ നടന്നു.

എങ്കിലും ആഗ്രഹിച്ചത്ര ചലനാത്മകമാക്കാൻ നമുക്കു കഴിഞ്ഞില്ല. നമ്മെ സംബന്ധിച്ചിടത്തോളം 2011 വിചാരിച്ചത്ര വൻ മുന്നേറ്റം ഉണ്ടാകാൻ കഴിഞ്ഞില്ലെങ്കിലും ബൂലോകത്തിന്റെ കൂമ്പു വാടിയില്ല എന്നത് നിസ്തർക്കമാണ്.

ഏറ്റവും വലിയ വെല്ലുവിളീയാകും എന്ന് പ്രതീക്ഷിച്ച ‘ബസ്’ പോയ് മറഞ്ഞു. ട്വിറ്റർ അത്ര വലിയൊരു ഡിസ്ട്രാക്ഷൻ അല്ല എന്നു തെളിഞ്ഞു. എന്നാൽ ഫെയ്സ് ബുക്ക് എല്ലാവരെയും അമ്പരപ്പിക്കുന്ന ജനസ്വാധീനം നേടി. ഇത് ബ്ലോഗിനു നല്ലതാണെന്നു തന്നെയാണ് എനിക്കു തോന്നുന്നത്. അഗ്രഗേറ്ററുകൾക്കപ്പുറം നമ്മുടെ പോസ്റ്റുകൾ വായനക്കാരിലെത്തിക്കാൻ മിക്ക ബ്ലോഗർമാർക്കും കഴിയുന്നു. വ്യക്തിപരമായ നിരീക്ഷണത്തിൽ 2010 ലേക്കാൾ വായനക്കാരെ 2011 ൽ എനിക്കു കിട്ടി! ഏകദേശം ഇരട്ടിയോളം!

ഫെയ്സ്ബുക്കും, ബൂലോകവും തമ്മിൽ സഹവർത്തിത്വത്തോടെ സംയോജിപ്പിച്ചാൽ മലയാളം ബ്ലോഗിംഗ് ഇനിയും ഉയരങ്ങളിലേക്കെത്തും. ലോകമെമ്പാടുമുള്ള ദശലക്ഷക്കണക്കിനു മലയാളിൽ മാതൃഭാഷ നിറയും.

ഇതൊക്കെ ഇപ്പോൾ ഷെരീഫിക്കയുടെ പോസ്റ്റ് വായിച്ചപ്പോൾ ഉണർത്തെണീറ്റ ചിന്തകളാണ്.

മലയാളം ബ്ലോഗർമാരിൽ സമയവും സാഹചര്യവും ഒത്തുകിട്ടുന്ന സുഹൃത്തുക്കൾ ചേർന്ന് കേരളത്തിലെ പതിനാലു ജില്ലകളിലെയും പ്രൊഫഷണൽ - ആർട്ട്സ് ആൻഡ് സയൻസ് കോളേജുകൾ സന്ദർശിക്കുകയും അവിടത്തെ കുട്ടികളുമായി സംവദിക്കുകയും ചെയ്യണം.

ബ്ലോഗ് ശില്പശാല നടത്താൻ ഒരു ജില്ലയിൽ ഒരു കോളേജ് എന്ന നിലയിൽ തുടങ്ങുകയും, ക്രമേണ അത് എല്ലാ കോളേജുകളിലേക്കും വ്യാപിപ്പിക്കുകയും ചെയ്യണം.

തുടക്കം എന്ന നിലയിൽ 2012 ജനുവരിയിൽ തന്നെ തൃപ്പൂണിത്തുറ ഗവണ്മെന്റ് ആയുർവേദ കോളേജിൽ ബ്ലോഗ് ശില്പശാല സംഘടിപ്പിക്കാൻ ഞാൻ മുൻ കയ്യെടുക്കാം എന്ന് വാഗ്ദാനം ചെയ്യുന്നു. നിരക്ഷരനോട് ഇക്കാര്യം സൂചിപ്പിച്ചിട്ടുണ്ട്. മനോരാജ്, ജോ, മത്താപ്പ് തുടങ്ങിയവരെയും മറ്റ് കൊച്ചി ബ്ലോഗർമാരെയും ബന്ധപ്പെടണം.

കേരളത്തിലെ 14 ജില്ലകളിലും ഒരൊ കോളേജ് നമുക്ക് ലൊക്കേറ്റ് ചെയ്യുകയും അവിടെയെല്ലാം ശില്പശാലകൾ സംഘടിപ്പിക്കുകയും വേണം. ഒരു കോളേജിൽ നിന്ന് പത്തുകുട്ടികളെങ്കിലും ബ്ലോഗിംഗ് രംഗത്തേക്കു കൊണ്ടുവരാൻ നമുക്കാവണം. മുല്ലപ്പെരിയാർ പോലുള്ള സാമൂഹികവിഷയങ്ങളിലും സാഹിത്യത്തിലും, മാതൃഭാഷയിലെഴുതാനും, ചിന്തിക്കാനും കഴിയുന്ന ഒരു തലമുറ അതിലൂടെ രൂപപ്പെടും.

അതിന് സഹായിക്കാൻ തയ്യാറുള്ള ബ്ലോഗർമാർ അക്കാര്യം ഇവിടെ അറിയിച്ചാൽ നമുക്ക് വിവിധ ടീമുകളുണ്ടാക്കാം.

വരൂ, സുഹൃത്തുക്കളേ! നമുക്ക് ചരിത്രം രചിക്കാം!

നമുക്കും ഇതു ചെയ്തുകൂടേ?

2011-12-02T05:55:00.001-08:00

മുല്ലപ്പെരിയാർപ്രതിസന്ധിയുടെ പശ്ചാത്തലത്തിൽ, തമിഴ്‌നാടിനോടുള്ള അടിമത്തത്തിൽ നിന്ന് പച്ചക്കറി സ്വയംപര്യാപ്തതയിലേക്ക് മലയാളി യുവത്വം ചുവടു വയ്ക്കുന്നു. തൃപ്പൂണിത്തുറ ആയുർവേദ കോളേജിലെ കുട്ടികൾ നാഷണൽ സർവീസ് സ്കീമിന്റെ ആഭിമുഖ്യത്തിൽ ക്യാമ്പസിൽ തരിശുകിടന്ന സ്ഥലത്ത് വാഴത്തൈകൾ നട്ടുകൊണ്ട് കൃഷി ആരംഭിച്ചു.

കൃഷിവകുപ്പും, നഗരസഭയുമായി സഹകരിച്ചുകൊണ്ട്, കോളേജ് പി.ടി.എ.യുടെ സാമ്പത്തിക സഹായത്തോടെ ക്യാമ്പസിൽ പച്ചക്കറിക്കൃഷി നടത്താൻ തീരുമാനമായി. കൃഷി രീതികളെക്കുറിച്ച് വിദഗ്ധരുടെ ക്ലാസുകളും സംഘടിപ്പിക്കുന്നു.

2-12-12 ന് നടന്ന ‘വാഴനട്ട് പ്രതികരിക്കൽ’ നാടകകൃത്ത് ശ്രീ വർഗീസ് കാട്ടിപ്പറമ്പിൽ ഉദ്ഘാടനം ചെയ്തു.

ആരംഭശൂരത്വത്തിലേക്കു വഴുതാതെ തൃപ്പൂണിത്തുറ ആയുർവേദ കോളേജ് ക്യാമ്പസിലെ കൃഷി വിജയകരമാക്കാനുള്ള ദൃഢനിശ്ചയത്തിലാണ് കുട്ടികൾ.

കുട്ടികളിൽ നിന്ന് പ്രചോദനം ഉൾക്കൊണ്ടു കൊണ്ട് ജീവനക്കാരും കൃഷി തുടങ്ങാൻ തയ്യാറായി മുന്നോട്ടു വന്നു കഴിഞ്ഞു. പലരും ഇപ്പോൾ തന്നെ ചെറിയതോതിൽ ക്വാർട്ടേഴ്സിൽ ചെയ്യുന്നുണ്ട്. അത് വിപുലമാക്കാനാണുദ്ദേശിക്കുന്നത്.

കേരളത്തിലെ മറ്റു ക്യാമ്പസുകളിലേക്കും ഈ ആവേശം പകരുമെന്നും, യുവജനത കൃഷിക്കു കൂടി പ്രാധാന്യം നൽകുമെന്നും പ്രത്യാശിക്കുന്നു.

ഈ സംരംഭം കണ്ടറിഞ്ഞ് ഇതുവരെ കൃഷിചെയ്യാത്ത മലയാളികൾ ആരെങ്കിലുമൊക്കെ ഒരു വെണ്ടയോ, പാവലോ നട്ടാൽ അത്രയുമായി.

തൃപ്പൂണിത്തുറയിലെ കൃഷിയുടെ കൂമ്പു വാടാതെ നോക്കാൻ കുട്ടികൾക്കൊപ്പം മുൻ നിരയിലുണ്ടാവുമെന്ന് ഞാനും ഉറപ്പു നൽകുന്നു.

ചടങ്ങിന്റെ ചിത്രങ്ങളിലേക്ക്.....

കൃഷിക്കു തുടക്കം കുറിച്ചശേഷം കുട്ടികൾ മുല്ലപ്പെരിയാർ പ്രദേശത്തെ ജനങ്ങളുടെ ജീവൻ സംരക്ഷിക്കാൻ പുതിയൊരു ഡാം നിർമ്മിക്കണമെന്ന കേരളത്തിന്റെ ആവശ്യം നിറവേറ്റണമെന്നാവശ്യപ്പെട്ടുകൊണ്ട് പ്രകടനവും നടത്തി.

കേരളത്തിന്റെ യുവതലമുറയുടെ ഈ ആവേശം കെടാതെ കാക്കാൻ നമുക്കും പരിശ്രമിക്കാം.

വരൂ! ഇവരോടൊപ്പം ചുവടു വയ്ക്കൂ.

പച്ചക്കറി സ്വയം പര്യാപ്തതയിലേക്ക് കേരളം ചുവടുവയ്ക്കട്ടെ!

അടിക്കുറിപ്പ്: ഇതൊക്കെ വെറും പടമല്ലേ, അമിതാവേശമല്ലേ, ആരംഭശൂരത്വമല്ലേ എന്നു കരുതുന്നവരുണ്ടാവാം. എന്നാൽ വിനീതമായി പറയട്ടെ അങ്ങനെയല്ല എന്നു തെളിയിക്കാനുള്ള ദൃഢനിശ്ചയത്തിലാണ് കുട്ടികൾ.

‘കൊലവെറി’ ശരിയല്ലണ്ണാ!

2011-11-29T08:33:00.001-08:00

അൻപാന തമിഴ് സഹോദരാ!

മുപ്പത്തിയഞ്ചു ലക്ഷം ഇൻഡ്യക്കാരുടെ ജീവനു ഭീഷണിയുയർത്തിക്കൊണ്ട് മുല്ലപ്പെരിയാർ അണക്കെട്ട് ഒരു ജലബോംബായി വളർന്നു നിൽക്കുന്ന വിവരം അണ്ണൻ അറിഞ്ഞുകാണുമോ എന്നറിയില്ല. ഇല്ലെങ്കിൽ അതൊന്നുണർത്തിക്കാനും, അറിഞ്ഞെങ്കിൽ കേട്ടതെല്ലാം മാത്രമല്ല ശരിയെന്നു പറയാനും കൂടിയാണ് ഈ കടിതം.

കേരളത്തിന്റെ സ്വന്തം നദിയായ പെരിയാറും, അതിന്റെ കൈവഴിയായ മുല്ലയാറും ചേർന്നു നൽകുന്ന വെള്ളം നിറച്ചാണ് മുല്ലപ്പെരിയാർ അണക്കെട്ട് ഉണ്ടാക്കിയിരിക്കുന്നത് എന്ന വിവരം അണ്ണന് അറിവുള്ളതാണല്ലോ, അല്ലേ?

പെരിയാറിന്റെ വൃഷ്ടിപ്രദേശങ്ങളായ 5398 ചതുരശ്രകിലോമീറ്ററിൽ 5284 ച.കി.മീ.യും കേരളത്തില തന്നെയാണെന്ന വിവരവും അണ്ണനറിയാമല്ലോ?

ഞങ്ങൾക്ക് വെറും 0.3 കോടി (മുപ്പതു ലക്ഷം) രൂപ തന്ന് പ്രതിവർഷം 1200 കോടി രൂപ നിങ്ങൾ സമ്പാദിക്കുന്ന വിവരവും ഞങ്ങൾക്കറിയാം. (കൃഷിയും,കറണ്ടുല്പാദനവും വഴി)

ബ്രിട്ടിഷ് സർക്കാരുമായി ഉണ്ടാക്കിയ കരാർ ബ്രിട്ടീഷ് ഭരണം അവസാനിച്ചതോടെ വെടിതീർന്നതായും, അതിനുശേഷം 1958 ലും, 60 ലും. 69 ലും ശ്രമിച്ച് പരാജയപ്പെട്ട് 1970 ൽ കരാർ പുതുക്കിയ വിവരവും അണ്ണനറിയാമല്ലോ. (അതാണെങ്കിൽ കേരള നിയമസഭയുടെ അംഗീകാരത്തോടുകൂടി പാസായതല്ല താനും.) ആ കരാറും 2000 ൽ അവസാനിച്ച കാര്യം തമ്പിയായ ഞാൻ ഓർമ്മിപ്പിക്കണ്ടതില്ലല്ലോ?

അതു കഴിഞ്ഞ് കരാർ പുതുക്കാതെ തന്നെ കരമടച്ച് ഞങ്ങടെ ഭൂമിയും വെള്ളവും ഉപയോഗിച്ചു കൊണ്ടിരിക്കുകയാണെന്ന കാര്യവും മറക്കുന്നില്ല. അത് ഞങ്ങൾ എതിർക്കുന്നുമില്ല.

എൺപതുകളിൽ 171,307 ഏക്കർ കൃഷി ചെയ്തിരുന്നിടത്ത് തൊണ്ണൂറുകളിൽ 229,718 ഏക്കറും, ഇന്ന് അതിലുമേറേ ഏക്കറുകളും നിങ്ങൾ കൃഷി ചെയ്യുന്നുണ്ടല്ലോ അണ്ണാ....

ഇപ്പോഴും നിങ്ങൾക്ക് വെള്ളം തരില്ലെന്നോ, നിങ്ങൾ ശത്രുക്കളാണെന്നോ ഞങ്ങൾ പറയുന്നില്ല.

പ്രശ്നമെന്താണെന്നുവച്ചാൽ മുല്ലപ്പെരിയാർ നിൽക്കുന്ന സ്ഥലത്ത് നിരന്തരമായി ഭൂചലനങ്ങൾ ഉണ്ടായിക്കൊണ്ടിരിക്കുകയാണ്. ഡാമിനാണെങ്കിൽ 116 വയസ്സ്. ഉണ്ടാക്കിയിരിക്കുന്നതാണെങ്കിൽ സുർക്കികൊണ്ടും. അതാണെങ്കിൽ ഒലിച്ചൊലിച്ചില്ലാതായിക്കൊണ്ടിരിക്കുകയുമാണ്.

അനക്കെട്ടിനു ബലക്ഷയമുണ്ടായകാര്യവും, അതിന്റെ ഭിത്തിയിൽ വിള്ളൽ വീണകാര്യവും ദൃശ്യമാധ്യമങ്ങളിലൂടെ അണ്ണനും കണ്ടിട്ടുള്ളതല്ലേ? കുറഞ്ഞ പക്ഷം കേട്ടറിവെങ്കിലുമുണ്ടായിരിക്കുമല്ലോ.... ഇല്ലെങ്കിൽ ദാ ഇപ്പോ കേട്ടോളു....

മുല്ലപ്പെരിയാറിൽ ഓരോ ഇഞ്ച് ജലനിരപ്പുയരുമ്പോഴും ഞങ്ങടെ ഞെഞ്ചിൽ തീയാണ്. ഞങ്ങടെ കുഞ്ഞുങ്ങൾ വാർത്തകൾ കേട്ട് ഞെട്ടുന്നു, ഉറക്കത്തിൽ ഞെട്ടിയുണർന്നു വിങ്ങിപ്പൊട്ടുന്നു. നാലു ജില്ലകളിലെ ജനങ്ങൾക്ക് ഉറക്കം നഷ്ടപ്പെട്ടിരിക്കുന്നു.

മുല്ലപ്പെരിയാർ പൊട്ടിയാൽ അത് ഇടുക്കിഡാമിൽ നിറഞ്ഞോളും എന്നല്ലേ അണ്ണനിപ്പോൾ പറയാൻ വരുന്നത്? എന്നാൽ അറിയുക അത് ഇടുക്കിക്ക് ഉൾക്കൊള്ളാനാവില്ലണ്ണാ..... മുല്ലപ്പെരിയാറിന് 36 കിലോമീറ്റർ താഴെയാണ് ഇടുക്കി ഡാം. അതിഭീകരമായ ആവേഗത്തിൽ കുതിച്ചെത്തുന്ന വെള്ളത്തോടൊപ്പം, കല്ലും, മണ്ണും, തടിയും ഒക്കെയായി ഇടുക്കിഡാമിലെത്തുമ്പോഴേക്കും അത്രയും സ്ഥലം മുഴുവൻ അവിടെയുള്ള ആളുകൾക്കൊപ്പം വെള്ളത്തിനടിയിലായിട്ടുണ്ടാവും. മാത്രവുമല്ല ഇപ്പോൾ തന്നെ നിറയാറായിരിക്കുന്ന ഇടുക്കി ഡാം ഈ വെള്ളവും,കല്ലും, മണ്ണും, വൻ മരങ്ങളും താങ്ങുകയുമില്ല.

ഇടുക്കി ഡാം തകർന്നാൽ അതിനു താഴെയുള്ള 11 അണക്കെട്ടുകളും തകരും. ഭീമാകാരമായ ജലപ്രവാഹത്തിൽ കേരളത്തിലെ നാലു ജില്ലകൾ അപ്പാടെ വെള്ളത്തിലാണ്ടു പോകും. മനുഷ്യശരീരങ്ങൾ അഴുകി അടിഞ്ഞുകൂടി വൻ പകർച്ചവ്യാധികൾ പടരും. മലയാള ദേശമാകെ മഹാമാരിയുടെ പിടിയിലാവും.

ഇത്രയുമൊക്കെ പറഞ്ഞതിൽ നിന്ന് സംഗതികളുടെ ഗുരുതരാവസ്ഥ അണ്ണനു ബോധ്യമായിട്ടുണ്ടാവുമല്ലോ?

ഞങ്ങളുടെ 35 ലക്ഷം വരുന്ന സഹോദരങ്ങൾക്ക് - ആ എണ്ണത്തിൽ ഒരു ലക്ഷമെങ്കിലും തമിഴ് സഹോദരങ്ങളും വരും - ജീവാപായം വരുത്തിയേക്കാവുന്ന ഈ അണക്കെട്ട് സുരക്ഷിതമല്ല എന്ന് അണ്ണനും സമ്മതിക്കുമല്ലോ?

ഏതെങ്കിലും പ്രകൃതിക്ഷോഭം മൂലം ദൌർഭാഗ്യവശാൽ മുല്ലപ്പെരിയാർ അണക്കെട്ടിനെന്തെങ്കിലും സംഭവിച്ചാൽ ഉണ്ടാകാൻ പോകുന്ന ദുരന്തം ഒരുകാലത്തും മറക്കാനും പൊറുക്കാനും ഞങ്ങൾക്കാകുമോ അണ്ണാ?

എങ്കിൽ പിന്നെ, ഞങ്ങളുടെ സ്ഥലത്ത്, ഞങ്ങളുടെ ചെലവിൽ, നമ്മുടെ രണ്ടു കൂട്ടരുടെയും ഉറ്റവരുടെ സുരക്ഷിതത്വത്തിനായി ഒരു ഡാം പണിയുന്നതിന് അണ്ണന് ഞങ്ങളോട് എതിർപ്പെന്തിനണ്ണാ?

വൈ ദിസ് കൊലവെറി അണ്ണാ?

തമിഴ്‌നാടിനു വെള്ളം; കേരളത്തിനു സുരക്ഷ !

2011-11-25T08:17:00.001-08:00

മുപ്പത്തഞ്ചു ലക്ഷം വരുന്ന ജനങ്ങളുടെ ജീവനു ഭീഷണിയായി നിലകൊള്ളുന്ന മുല്ലപ്പെരിയാറിലെ പഴയ അണക്കെട്ടു പൊളിച്ച് സുരക്ഷിതമായ പുതിയ അണക്കെട്ടു നിർമ്മിക്കണം എന്ന ആവശ്യം ഉയർന്നിട്ട് കാലങ്ങളേറെയായി. നിരവധി പ്രക്ഷോഭങ്ങളും, നിയമയുദ്ധങ്ങളും ഈ വിഷയത്തിൽ നടന്നു.

എന്നാൽ ഇന്നലെ (25-11-11) കൊച്ചി മറൈൻ ഡ്രൈവിൽ തിരികൊളുത്തിയ ചടങ്ങ് മലയാളി യുവത്വം ഉറക്കത്തിലല്ല എന്നു തെളിയിച്ചു. ഫെയ്സ്ബുക്ക്, ട്വിറ്റർ, ബ്ലോഗ് എന്നീ സൈബർ ശൃംഖലകളിലൂടെ പരിചയപ്പെട്ട നൂറു കണക്കിനു ചെറുപ്പക്കാർ കൊച്ചിക്കായലിന്റെ അരികിലുള്ള നടപ്പാതയിലൂടെ ദീപം കൊളുത്തി നടന്നു നീങ്ങിയ കാഴ്ച ആവേശം ജനിപ്പിക്കുന്നതായിരുന്നു.

തന്റെ തൊണ്ണൂറ്റിയേഴാം വയസ്സിലും പ്രതികരണത്തിൽ യുവത്വം സൂക്ഷിക്കുന്ന കേരളത്തിന്റെ മനസ്സാക്ഷി ജസ്റ്റിസ്.വി.ആർ.കൃഷ്ണയ്യർ, യുവതാരം റീമ കല്ലിങ്കലിന് നൽകിയ തിരിനാളം പല കൈകളിൽ വെളിച്ചം പകർന്ന് ഒരു ദൈർഘ്യമേറിയൊരു ദീപമാലയായി കായലരികിലൂടെ നീങ്ങി, നഗരവീഥിയും കടന്ന് സമ്മേളനവേദിയിൽ തിരിച്ചെത്തി.

സൈബർ സ്‌പെയ്‌സ് എന്നാൽ കൊച്ചുവർത്താനവും, സൊറപറയലും, പുറംചൊറിയലും മാത്രമല്ല എന്ന് പ്രവൃത്തിയിലൂടെ തെളിയിച്ച യുവതയ്ക്ക് അഭിവാദനങ്ങൾ!

പ്രശസ്തബ്ലോഗർ നിരക്ഷരൻ ആണ് മുല്ലപ്പെരിയാർ വിഷയത്തിൽ സൈബർ സ്പെയ്സിൽ ഏറ്റവും കൂടുതൽ എഴുതിയിട്ടുള്ളതും ശ്രദ്ധ ക്ഷണിച്ചിട്ടുള്ളതും. അതിനായി നമ്മുടെ ബൂലോകം നിർലോപം പിന്തുണ നൽകുന്നുമുണ്ട്.

ഏതാനും ദിവസം മുൻപ് യുവ ബ്ലോഗർ മത്താപ്പ് മുല്ലപ്പെരിയാർ പ്രശ്നത്തിൽ ബൂലോകത്തിന്റെ സജീവമായ ഇടപെടലുകൾ വേണമെന്നും, അതിനായി കൊച്ചിയിൽ സംഗമിച്ചാലോ എന്നും ആരാഞ്ഞുകൊണ്ട് ഗൂഗിൾ ബസ്സിൽ പോസ്റ്റ് ഇട്ടിരുന്നു. തുടർന്ന് മനോരാജ്, ജോഹർ എന്നിവരും ഈ വിഷയത്തിൽ ഒരുമിക്കണം എന്നാവശ്യപ്പെട്ടു. ഫെയ്സ് ബുക്കിൽ മറ്റു രണ്ടു ഗ്രൂപ്പുകളും ഇക്കാര്യത്തിൽ കൊച്ചിയിൽ സംഗമിക്കുന്നെണ്ടെന്ന് എന്നറിഞ്ഞതോടെ അവർക്കൊപ്പം കൂടാൻ കൊച്ചിയിലെ ബ്ലോഗർമാരും തീരുമാനിക്കുകയായിരുന്നു.

രാജു നായർ, ഷോൺ, ലക്ഷ്മി... അങ്ങനെ നേരിൽ പരിചയമില്ലാത്ത ഏറേപ്പേരാണ് ഈ ചടങ്ങിനു ചുക്കാൻ പിടിച്ചത്. ഒപ്പം വളരെയറിയാവുന്ന നിരക്ഷരനും. അവർക്കെല്ലാം അഭിവാദ്യങ്ങൾ!

ബൂലോകത്തെ പ്രതിനിധീകരിച്ച് നിരക്ഷരന്‍, ജോഹര്‍, മനോരാജ്, ജയന്‍ ഏവൂര്‍, കാര്‍ട്ടൂണിസ്റ്റ് സജീവ്, മത്താപ്പ്, പാക്കരന്‍, കോവാലന്‍, വേദവ്യാസന്‍, മണികണ്ഠന്‍, ദിമിത്രേവ്, അനൂപ് മോഹന്‍ എന്നിവർ പങ്കെടുത്തു.

ഫെയ്സ് ബുക്ക് സുഹൃത്തുക്കൾക്കൊപ്പം കൂടാനെത്തിയ ബ്ലോഗർമാർ.
വേദവ്യാസൻ, ഭാര്യ, മനൊരാജ്, ജോ, കാർട്ടൂണിസ്റ്റ് സജീവ്....

ഹാഷിം, മത്താപ്പ്, മനോരാജ്....

ലളിതമായ വേദിയിൽ, ലളിതയായൊരു നടി.
റീമ കല്ലിങ്കൽ നേരത്തേ തന്നെ എത്തിച്ചേർന്നു.

സ്വാഗതഭാഷണം - രാജു നായർ.

അധ്യക്ഷപ്രസംഗം - നിരക്ഷരൻ

ഉദ്ഘാടനം: ജസ്റ്റിസ് വി.ആർ.കൃഷ്ണയ്യർ

ആശംസ :ഹൈബി ഈഡൻ

വേദിയിൽ യുവതാരങ്ങൾ...

ജസ്റ്റിസ് കൃഷ്ണയ്യർ ദീപം തെളിയിക്കുന്നു.

ഈ നാലു ചെറുപ്പക്കാരെ ഞാൻ ആദ്യമായി കാണുകയാണ് . ഇത്തരം നൂറുകണക്കിനു യുവതീയുവാക്കളാണ് മറൈൻ ഡ്രൈവിൽ ദീപം തെളിയിച്ചത്....

അവരുടെ പ്രത്യാശ പൂവണിയട്ടെ.

സർക്കാരിനോട് നമുക്ക് ഒന്നേ അഭ്യർത്ഥിക്കാനുള്ളു.

മുല്ലപ്പെരിയാറിൽ പുതിയ ഡാം നിർമ്മിക്കൂ, വെള്ളം തമിഴ്‌നാട് എടുത്തോട്ടെ!

ഈ ചടങ്ങിൽ പങ്കെടുത്ത ഭൂരിഭാഗം ആളുകളെയും എനിക്ക് നേരിൽ പരിചയമില്ല.
വിശദമായ വായനയ്ക്കും ചിത്രങ്ങൾക്കും നമ്മുടെ ബൂലോകം കാണുക.

മെട്രോ വാര്‍ത്ത : സന്തോഷം!

2011-11-11T00:10:00.001-08:00

എന്റെ യോഗ ബ്ലോഗിനെക്കുറിച്ച് മെട്രോ വാര്‍ത്തയില്‍ വന്ന റൈറ്റ് അപ്.

യോഗ ബ്ലോഗ്‌ വായിക്കാന്‍ താഴെ ക്ലിക്ക് ചെയ്യുക.

http://www.jayanevoor.blogspot.com/

യോഗയില്‍ കൂടുതല്‍ പോസ്റ്റുകള്‍ ഉടന്‍ തന്നെ എഴുതുന്നതാണ്

എല്ലാവര്‍ ക്കും നന്ദി!
ഈ വാര്‍ത്ത അയച്ചു തന്ന പ്രശസ്ത ബ്ലോഗര്‍ ജോയ്ക്ക് പ്രത്യേക നന്ദി!

നാട്ടിൽ ഒരു നാൾ.....

2011-08-16T09:53:00.000-07:00

കുറേ നാൾ മുൻപ്, ശരിക്കു പറഞ്ഞാൽ ഒരു വർഷത്തിന് ഒരാഴ്ച മുൻപ് ഏവൂരേക്കു നടത്തിയ ഒരു യാത്രയുടെ ഓർമ്മയാണീ ചിത്രങ്ങൾ. രാവിലെ തിരിച്ച് ഉച്ചയ്ക്കു മടങ്ങേണ്ടി വന്നു.... (അമ്മയെ ഹാർട്ട് ചെക്ക് അപ്പിനു കൊണ്ടുപോകേണ്ട ദിവസമായിരുന്നു അത്.)

ഒൻപതരയായപ്പോൾ രാമപുരം ക്ഷേത്രത്തിനു മുന്നിലെത്തി. എൻ.എഛ്. 47 ൽ കായംകുളത്തിനും, ഹരിപ്പാടിനും മധ്യേ റോഡരികിൽ തന്നെയാണ് രാമപുരം ക്ഷേത്രം.

റോഡിനു പടിഞ്ഞാറ്‌ രാമപുരം, കിഴക്ക് ഏവൂർ.

അമ്പലത്തിനരികിൽ വണ്ടി നിർത്തി. പ്രസാദാത്മകമായ പകലിൽ ഗൃഹാതുരമായ കാഴ്ചയായി ക്ഷേത്രം മാടിവിളിച്ചു.

ഉള്ളിലേക്കു കയറിയപ്പോൾ ഒരു ഗജവീരൻ. നെറ്റിപ്പട്ടമൊക്കെയണിഞ്ഞിട്ടുണ്ട്.

രാവിലെ എഴുന്നള്ളത്തിനുള്ള പുറപ്പാടിലാണ് സുന്ദരൻ കരിവീരൻ.

കൊട്ടും, മേളവും ഉയരാൻ അധികം താമസമുണ്ടായില്ല.

ആനയും കടലും എത്ര നേരം വേണമെങ്കിലും നോക്കി നിൽക്കാം. മടുക്കില്ല.
ഇതിപ്പോൾ സംഗതി നല്ല സ്റ്റൈലിലാണല്ലോ. ആന സാഷ്ടാംഗം നമസ്കരിച്ച് ആളെ കയറ്റുന്നു....

രാമപുരത്തു നിന്ന് ഏവൂരമ്പലത്തിലേക്കാണ് എഴുന്നള്ളത്ത്. ഏവൂരമ്പലത്തിൽ ഇന്ന് ‘ഉറിയടി’ ആണ്! അമ്മയെ കൊണ്ടുപോകുന്നതിനൊപ്പം ഉറിയടി കാണുക കൂടിയാണ് ലക്ഷ്യം.

കുട്ടിക്കാലത്ത് ഇങ്ങനൊരു ചടങ്ങ് (ആനയെഴുന്നള്ളിപ്പ്) കണ്ടിട്ടില്ല. എന്തായാലും കണ്ടപ്പോൾ വളരെ സന്തോഷം.

സാധാരണ പൂജാരിമാരാണ് ആനപ്പുറമേറുക. ഇന്നിപ്പോൾ എന്റെ അയലത്തുകാരനായ ആരൂരെ മുരളിയണ്ണനു കയറാനാണ് ഗജവീരൻ ഇത്ര താണു വണങ്ങി കിടക്കുന്നത്!
ഹാവൂ.... ആൾ കയറിപ്പറ്റി!

ഇനി മുത്തുക്കുടയുയർത്തണം!

സക്സസ്! രാജാപ്പാർട്ടിൽ ഞെളിഞ്ഞ് മുരളിയണ്ണൻ!

ഉരുളിച്ചക്കാരായ പയ്യന്മാർക്കു പിന്നാലെ ഏവൂരേക്ക്....

എഴുന്നള്ളത്തുകണ്ടു. പടവും പിടിച്ചു. രാമപുരത്തു നിന്ന് കിഴക്കോട്ടിറങ്ങി. വഴിയിൽ സഖാവും, ഭാഗവതരും, കിട്ടുവണ്ണനും, പിന്നിൽ ശങ്കരൻ കുട്ടിയണ്ണനും. സ്ഥലത്തെ പ്രധാന ദിവ്യന്മാർ!

റോഡിലെന്താണ്? കയ്യാങ്കളി ആണോ?

ഹേയ്! ദാ ഇതാണ് സംഭവം!

കപ്പിയിൽ കയറു കൊരുക്കുകയാണ്!

ഇനി ഈ കയർ രണ്ടു വസങ്ങളിലായി മരങ്ങളിൽ കെട്ടും. കയറിനു നടുവിൽ കപ്പി രാജകീയമായി ദാ ഇങ്ങനെ കിടക്കും!

ഈ കപ്പിയിലാണ് ‘ഉറി’ കയറിൽ കെട്ടി വലിക്കുന്നത്.

ശ്രീകൃഷ്ണന്റെ ജന്മദിനമായ അഷ്ടമിരോഹിണി ദിവസമാണ് ഏവൂർ ഉറിയടി മഹോത്സവം. മകരത്തിൽ നടക്കുന്ന പത്തു ദിവസത്തെ ഉത്സവം കഴിഞ്ഞാൽ ഏറ്റവും കേമമായി നടത്തപ്പെടുന്നത് ഈ ഉത്സവമാണ്. ഏവൂർ തെക്കും, കിഴക്കും, വടക്കും കരകൾ ഉണ്ടെങ്കിലും, തെക്കേക്കരയിലാണ് ഉറിയടി ഏറ്റവും കേമമാകുക. പണ്ടൊക്കെ ഒരു ദിവസം നൂറ് ഉറി നേർന്നിരുന്നിടത്ത് ഇന്ന് 2000 ഉറികളാണ് നേരുന്നത്!

ഒരു പക്ഷേ കേരളത്തിൽ ഏറ്റവും മനോഹരമായി ഉറിയടി നടത്തുന്നത് ഇവിടെയാണ്. കക്ഷി-രാഷ്ട്രീയ ഭേദമില്ലാതെ കരക്കാർ തന്നെയാണ് ഉറിയടി സംഘടിപ്പിക്കുന്നത്.

ഉറി ഡസൻ കണക്കിന് ദാ എത്തിക്കഴിഞ്ഞു....

ഇനി ഉറി ഡൌൺ ലോഡിംഗ് !

എല്ലാം വീക്ഷിച്ചുകൊണ്ട് ‘ദാദ’ തന്റെ കടയിൽ....

ദാ സ്വയമ്പൻ ഉറികൾ!
ഇനി ഇതുപോലെ ഓരോ മുക്കിലും നിരവധി ഉറികൾ നിരക്കും. എല്ലായിടത്തും കപ്പിയും കയറും സജ്ജീകരിച്ചിട്ടുണ്ടാവും. (അവിടങ്ങളിൽ ഉറിയടി കഴിഞ്ഞാൽ മറ്റു സ്ഥലങ്ങളിലേക്ക് കപ്പി കൊണ്ടുപോകും) ഉറികൾ ഒക്കെയും വഴിപാടുകൾ ആണ്. അടിച്ചു കഴിഞ്ഞാൽ വഴിപാടു കഴിച്ചവർ അവരവരുടെ വീട്ടിൽ കൊണ്ടുപോയി തൂക്കിയിടും.

എങ്ങനെയുണ്ട് ദാ ഈ ഡിസൈൻ??

ഇതോ? അടുക്ക് ഉറി....

വർണാഭമായ മറ്റൊരു ഉറി...

ഒരു നൂറ്റാണ്ട് പഴക്കമുള്ള ഈ മാവ് ഇങ്ങനെ എത്ര ഉറികൾ കണ്ടിരിക്കുന്നു!

ദാ രണ്ടുറികൾ.....

സമയമാകാറായി.... മാങ്കൊമ്പ് ഫ്രീ ഉണ്ടോ? യമണ്ടനൊരു ഉറിയുമായി ഒരു കൂട്ടം....

കിഴക്ക് കൊട്ടും മേളവും കേൾക്കുന്നു....

പുരുഷാരം വീടുകൾ വിട്ടിറങ്ങി. നിരത്ത് വർണാഭമാക്കി ബലൂൺ കച്ചവടക്കാർ എത്തി...

കാറ്റാടി മരം....!

ഹായ്! കണ്ണനും കൂട്ടരും എത്തിക്കഴിഞ്ഞു!

പല പ്രായത്തിലുള്ള കൃഷ്ണന്മാരും ഗോപികമാരും ഉണ്ടാവും ഉറിയടിയ്ക്ക് മാറ്റുകൂട്ടാൻ.
ഒരു ഗോപിക കൃഷ്ണന്മാരെ ഒളിഞ്ഞു നോക്കുന്നു!

ഞങ്ങൾ ഗോപസ്ത്രീകളാ!
ഒരു കുഞ്ഞു ഗോപികാവസന്തം!

ഇതാ മുതിർന്ന ഗോപികമാർ.
ആടാനും പാടാനും തയ്യാറായിത്തന്നെയാണ് എല്ലാവരും....

സംഭവം തുടങ്ങാൻ ഇനിയും വൈകുമോ?
‘കുഞ്ഞിക്കൃഷ്ണനു’ പരിഭവം.

ഇല്ല. വൈകില്ല!
കൃഷ്ണകുമാരൻ ഗോപകുമാരിമാർക്കൊപ്പം ചുവടു വച്ചു കഴിഞ്ഞു!

ധീരസമീരേ.... യമുനാ തീരേ.....

കള മുരളീ രവം എങ്ങും മുഴങ്ങുന്നു.... ഗോപികമാർ വനമാലിമാർക്കൊപ്പം!

ഗോപികമാർക്കു വിസ്മയമൊരുക്കി മായക്കണ്ണന്മാർ!

മുതിർന്ന കൃഷ്ണന്മാർ....
ഇവരാണ് ‘ശരിക്കും’ ഉറി അടിക്കുക!

ഈ കഥകളി മോഡൽ ‘മേയ്ക്ക് അപ്പ്’ അടുത്ത കാലത്തു തുടങ്ങിയതാണ്. കൊള്ളാം. ചന്തമുണ്ട്!

ഇനി രണ്ടാളും ചേർന്ന് ഉറി പിടിച്ച് വട്ടത്തിൽ ഓടും.

എന്നിട്ട്.... ഇങ്ങനെ ചുഴറ്റി ആകാശത്തേക്കെറിയും. അപ്പോൾ കപ്പിയിൽ ഉറി വലിക്കുന്നവർ അത് കൃഷ്ണന്മാർക്കു കൊടുക്കാതെ ഉയർത്തി വലിക്കും. ഒടുവിൽ കൃഷ്ണന്മാർ ഉറി അടിച്ചു പൊട്ടിക്കും. (മുൻപ് ബലരാമനും ശ്രീകൃഷ്ണനും ആയിരുന്നു. പീതാംബരനും, നീലാംബരനും. ഇപ്പോൾ എല്ലാം പീത-നീലാംബരന്മാരായിരിക്കുന്നു.)

ഉറികളുടെ എണ്ണം കൂടിയതോടെ അഞ്ചും ആരും ഉറികൾ ഒരു വീട്ടിൽ നിന്നു തന്നെ നേരാൻ തുടങ്ങിയപ്പോൾ അവ ഒരുമിച്ചു കെട്ടാൻ തുടങ്ങി.

അതിനിടെ ദാ ഇവിടെ നോക്കൂ...

“ദാ.... ഞങ്ങൾ കളിക്കാൻ പോവാ..... മ്യൂസിക്കിട്ടോ!” കുഞ്ഞിക്കൃഷ്ണന്റെ ഓർഡർ!

ഗോപികാവസന്തം തേടീ വനമാലീ.....നവ നവഗോപികാവസന്തം.......
നിമിഷങ്ങൾക്കുള്ളിൽ വനമാലി അപ്രത്യക്ഷനായി!

“കണ്ണനെവിടെ...? എൻ കണ്ണനെവിടെ...?”
വിരഹിണിയായ രാധ കേഴുന്നു....

കണ്ണൻ , ദാ ഇവിടെയാണ്! മൂത്ത ഗോപികമാർ കണ്ണനെ കൈത്തൊട്ടിലിൽ ആട്ടുന്നു!

രാധ പിണങ്ങിയിരിപ്പായി!

ഒടുവിൽ എല്ലാവരും ഒത്ത് ആടിപ്പാടി....
പ്രമദവൃന്ദാവനം....!

കണ്ണനും ഗോപികമാരും പല സെറ്റായി വന്നു തുടങ്ങി.
ദാ നോക്ക്!
ഒരു ബലരാമനും, ശ്രീകൃഷ്ണനും!

കലപ്പയ്ക്കു പകരം ഫ്ലൂട്ടെടുത്തു ബലരാമൻ!

ഗോപികമാരെത്തി. ഇപ്പോൾ ഫുൾ ടീമായി!

അടുത്ത ടീം ദാ താഴെ.

ഉറിയടി കാണാൻ ഏവൂർ തെക്കേക്കരയിലെ ആബാലവൃദ്ധം ജനങ്ങളും ഒഴുകിയെത്തി...

ഈ ഉറി നോക്കൂ. ഇതിനുള്ളിൽ നിറയെ ഉണ്ണിയപ്പമാണ്!
ഓരോ ഉണ്ണിയപ്പവും ഓരോ പായ്കറ്റിലാക്കിയാണ് വച്ചിരിക്കുന്നത്.
ചിറ്റപ്പന്റെ മകൻ പ്രകാശിന്റെ വകയാണ് ഉറി.
ഉറിപൊട്ടുമ്പോൾ കുട്ടികൾക്ക് കുശാൽ!

ഇനിയൊരു കോൺഗ്രസ് ഉറി!

അടുത്തത് കമ്യൂണിസ്റ്റ് ഉറി!

എല്ലാ പാർട്ടിക്കാരും, മതക്കാരും ഉണ്ട് ഉറിയടിയാഘൊഷിക്കാൻ!

ഹരിതാഭമായൊരു നാടൻ കാഴ്ച!!

മുല്ലപ്പൂക്കൾ കൊണ്ടുള്ള ഉറി....

അടിച്ചു കഴിഞ്ഞു!

ദാ.... പത്ത് ഉറികൾ ഒരുമിച്ച്!

പൊരി വെയിലിൽ നൃത്തം ചെയ്തു തളർന്നു കണ്ണാ!
ഒരു കുഞ്ഞു കണ്ണൻ, മുതിർന്ന കണ്ണനോട്....

വീട്ടിൽ നിന്നു നേർന്ന ഉറികൾ ശേഖരിച്ച് എന്റെ അനിയൻ കണ്ണൻ ഞങ്ങളുടെ കാവിൽ കൊണ്ടുവന്നു വച്ചു!

ഉറിയടി ദിവസം ഏവൂരമ്പലത്തിൽ ഓട്ടൻ തുള്ളലും ഉണ്ടാകും.
ഉച്ചയടുപ്പിച്ചാണ് ഓട്ടൻ തുള്ളൽ നടക്കുക.
ഊണു കഴിഞ്ഞാലുടൻ പോകേണ്ടതുകൊണ്ട് ഞാൻ അങ്ങോട്ടോടി.

തുള്ളൽക്കാരൻ അരങ്ങു തകർക്കുന്നു!

ഒരു ക്ഷേത്രം ജീവനക്കാരനെയാണ് ഇപ്പോൾ ഇരയായി കിട്ടിയിരിക്കുന്നത്!
(തുള്ളൽക്കാരന് ആരെയും കളിയാക്കാൻ അവകാശമുണ്ട്!)

“നോക്കെടാ! നമ്മുടെ മാർഗ്ഗേ കിടക്കുന്ന മർക്കടാ, നീയങ്ങു മാറിക്കിടാ ശഠാ!
ദുർഘടസ്ഥാനത്തു വന്നുശയിപ്പാന്നിനക്കെടാ തോന്നുവനെന്തെടാ സംഗതി?”

“ആരെന്നരിഞ്ഞു പറഞ്ഞു നീ വാനരാ!, പാരം മുഴുക്കുന്നു ധിക്കാരസാഹസം;
പൂരുവംശത്തിൽ പിറന്നു വളർന്നൊരു പൂരുഷശ്രേഷ്ഠൻ വൃകോദരനെന്നൊരു
വീരനെ കേട്ടറിവില്ലേ നിനക്കെടോ, ധീരനാമദ്ദേഹമിദ്ദേഹമോർക്ക നീ
നേരായ മാർഗ്ഗം വെടിഞ്ഞു നടക്കയില്ലാരോടു മിജ്ജനം തോൽക്കയുമില്ലേടോ,
മാറിനില്ലെന്നു പറയുന്ന മൂഢന്റെ മാറിൽ പതിക്കും ഗദാഗ്രമെന്നോർക്കണം!”

അയാൾ ചമ്മി ചിരിച്ചുകൊണ്ടു വന്നപ്പോഴേക്കും കുഞ്ചൻ ഫോമിലായി! ക്യാമറകൊണ്ടു നിൽക്കുന്ന എന്നെ കണ്ടാൽ കണക്കിനു കിട്ടും എന്നു മനസിലാക്കി ഞാൻ മുങ്ങി.

പുറത്ത് വിവിധ തരം ഉറികൾ ഊഴം കാത്ത് തൂങ്ങുന്നു....

ഇവയൊക്കെ അടിക്കുമ്പോഴേക്കും മണി ഏഴാകും....
ഇക്കുറി എനിക്ക് 2 മണിക്കു തന്നെ പോയേ തീരൂ....

മനസ്സില്ലാ മനസ്സോടെ അന്ന് തൽക്കാലം വിട വാങ്ങി.

ഇക്കൊല്ലത്തെ ഉറിയടി അടുത്താഴ്ചയാണ്.
മക്കളുമൊത്ത് പോകാനുള്ള കാത്തിരിപ്പിലാണ് ഞാൻ.

വരുന്നോ ഏവൂർക്ക്???

അടിക്കുറിപ്പ്: കഴിഞ്ഞ മില്ലെനിയത്തിലെ ഗോപികമാർ ഒക്കെ ഇപ്പോൾ എവിടെയാണാവോ!? വനമാലിമാരെയൊക്കെ കാണാറുണ്ട്!

ശേഷം ഭാഗങ്ങൾ സ്ക്രീനിൽ!

2011-07-21T11:59:00.000-07:00

നെഗറ്റീവ് റിവ്യൂസ് ആണെന്നു കേട്ട് കാണാൻ മടിച്ച പടമാണ് ചാപ്പാ കുരിശ്. ബൂലോകത്തു വന്ന മിക്ക റിവ്യൂസും പ്രോത്സാഹജനകമായിരുന്നില്ല. സുഹൃത്തുക്കളാരും ഇതു കാണണം എന്നു വിളിച്ചു പറഞ്ഞുമില്ല. അങ്ങനെയിരിക്കെയാണ് ചില ‘ഗ്രഹനില’കളുടെ പ്രത്യേക ഗൂഢാലോചനകാരണം ബ്ലോഗർ ചാണ്ടിക്കുഞ്ഞും, ഞാനും ഒരുമിച്ച് എറണാകുളം സവിതയിൽ നിന്ന് ഈ ചിത്രം ഇന്നു കണ്ടത്.

സിനിമ കണ്ടശേഷം നെറ്റിൽ ചില റിവ്യൂസ് വായിച്ചു. അപ്പോഴാണ് 21 ഗ്രാംസ് എന്ന സിനിമയുടെ കോപ്പി ആണെന്നും അല്ല അതിന്റെ പോസ്റ്റർ വാചകം അതേപടി ഉപയോഗിച്ചു (How much does guilt weigh?) എന്നേ ഉള്ളൂ എന്നും, അതുമല്ല ഹാൻഡ് ഫോൺ എന്ന കൊറിയൻ സിനിമയുടെ പകർപ്പാണ് ഈ ചിത്രമെന്നും ഒക്കെ വായിച്ചത്!

സത്യം പറയാമല്ലോ ഇതുവരെ സിനിമാ നിരൂപണം എഴുതിയിട്ടില്ല എങ്കിലും, ഈ ചിത്രത്തെക്കുറിച്ച് നാലുവാക്ക് എഴുതണം എന്ന് ഇപ്പോൾ എനിക്കു തോന്നുന്നു!

കാരണം മറ്റൊന്നുമല്ല, ചാപ്പാ കുരിശ് എനിക്ക് നന്നായി ഇഷ്ടപ്പെട്ടു. വ്യത്യസ്തത ഇഷ്ടപ്പെടുന്ന ഒരു സാദാ പ്രേക്ഷകനാണ് ഞാൻ.... ഈ പടം വ്യത്യസ്തമാണ്. ഞാൻ മുൻപ് കാണാത്ത പ്രമേയം, അവതരണ രീതി....

ഹൈപ്പ് ചെയ്യപ്പെടുന്ന ഏതൊരു ചിത്രത്തിനും സംഭവിക്കുന്ന ദുരന്തമാണ് ഈ സിനിമയ്ക്കും പിടിപെട്ടത് എന്നു തോന്നുന്നു. ‘ട്രാഫിക്കി’ന്റെ നിർമ്മാതാവിൽ നിന്നും ട്രാഫിക് പോലൊരു സിനിമ പ്രതീക്ഷിച്ചു ചെന്ന പ്രേക്ഷകർക്ക് അതുപോലൊരു സിനിമ കിട്ടിയില്ല എന്നതാണ് ഈ സിനിമയുടെ പരാജയവും വിജയവും!

എനിക്ക് ഇതിന്റെ പൊസിറ്റീവ് വശങ്ങൾ ചൂണ്ടിക്കാണിക്കാനാണ് താല്പര്യം.

1. ഫഹദ് ഫാസിൽ : അസ്തമിച്ചുപോയ ഒരു അഭിനയജീവിതത്തിന്റെ പുനർജനി. ഇന്നത്തെ കോർപ്പറേറ്റ് യുവത്വത്തിന്റെ പ്രതിനിധിയായി, സാമാന്യം നല്ല നിയന്ത്രണത്തോടെയുള്ള അഭിനയം കാഴ്ചവച്ചു. ഇംഗ്ലീഷ് സുലഭമായി ഉപയോഗിക്കുമ്പോഴും അത് ഒട്ടും അരോചകമായി തോന്നിയില്ല. പൊട്ടിത്തെറിക്കുമ്പോഴും, പൊട്ടിക്കരയുമ്പോഴും അയാൾ പ്രകടിപ്പിച്ച നിയന്ത്രണം അതിശയിപ്പിച്ചു. പ്രത്യേകിച്ചും വിരലിൽ എണ്ണാവുന്ന സിനിമകളിൽ മാത്രം അഭിനയിച്ച ആൾ എന്ന നിലയിൽ. ‘കയ്യെത്തും ദൂരത്ത് ’ നിന്ന് കണ്ണെത്താദൂരത്തോളം യാത്ര ചെയ്യാൻ അഭിനയ രംഗത്ത് സാധിക്കട്ടെ ഈ യുവാവിന്! ഭാവി മലയാള സിനിമയിൽ ഫഹദ് ഒരു സാന്നിധ്യം തന്നെയാകും എന്ന് മനസ്സു പറയുന്നു.
(സംവിധായകൻ ഫാസിലിന്റെ മകനാണ് ഫഹദ്)

2. വിനീത് ശ്രീനിവാസൻ: ഫഹദിനോളം ഇളകിയാടാൻ അവസരമില്ലെങ്കിലും തന്റെ റോളിനോട് നീതി പുലർത്തി. ഒരു സിനിമ മുഴുവൻ സബ്‌ഡ്യൂഡ് ആയി നിൽക്കേണ്ടി വരിക എന്നത് ഒരാൾക്കും അത്ര എളുപ്പമുള്ള സംഗതിയല്ല. ഒരല്പം ഓവർ ആയിരുന്നെങ്കിൽ വിനീതിന്റെ റോൾ പാളിപ്പോയേനെ. അതു സംഭവിച്ചില്ല. അതുകൊണ്ടു തന്നെ അയാൾ അഭിനന്ദനം അർഹിക്കുന്നു. (നടൻ എന്നതിനേക്കാൾ ഭാവിയിൽ ഒരു സംവിധായകൻ ആയി തിളങ്ങാൻ കഴിയും എന്നു കരുതുന്നു.)

3. രമ്യ നമ്പീശൻ : ഈ സിനിമയുടെ താരം! പുതു നായികമാരിൽ, ബോൾഡ് ആയി അഭിനയിക്കാൻ (വൾഗർ ആകാതെ തന്നെ) ഇത്രയും ബോൾഡ്‌നെസ് കാണിച്ച ഒരു നായിക നടി മലയാളത്തിൽ ഇല്ല. തന്റെ ലുക്കിലും, മെയ്ക്ക് അപ്പിലും, മെയ്ക്ക് ഓവറിലും എക്സലന്റ് ആയി രമ്യ, ഈ പടത്തിൽ. ഇന്നുള്ള മലയാള നായികമാരിൽ ഏറ്റവും ‘ഇവോൾവ്’ ചെയ്ത നടി. തമിഴകവും, തെലുങ്കും കടന്ന് ഹിന്ദി സിനിമ കീഴടക്കും ഈ പെൺ കുട്ടി!

4. സമീർ താഹിർ: കൊള്ളാവുന്ന തിരക്കഥ കിട്ടിയാൽ ഭാവിയുള്ള സംവിധായകൻ. ഇരുട്ടും, വെളിച്ചവും, ദൃശ്യവിന്യാസങ്ങളും സമന്വയിപ്പിക്കാൻ അറിയുന്നയാൾ. മിടുക്കൻ.

5. ലിസ്റ്റിൻ സ്റ്റീഫൻ: മലയാളം കാത്തിരുന്ന നിർമ്മാതാവ്. ഇനിയും പുതുമയുള്ള ചിത്രങ്ങൾ നിർമ്മിക്കട്ടെ.

ആശയം കടം കൊണ്ടു എന്നതൊഴിച്ചാൽ, ഈ സിനിമയിൽ ഞാൻ ഒറ്റ കുറവേ കാണുന്നുള്ളൂ - ഇതിന്റെ ദൈർഘ്യം. ഒന്നരമണിക്കൂർ നീളമുള്ളതായിരുന്നു ഈ സിനിമയെങ്കിൽ ക്ലാസിക്ക് ആയേനേ!

മോഷ്ടിച്ചേ സിനിമയെടുക്കാവൂ എന്ന് ഞാൻ പറയില്ല. മോഷ്ടിച്ചാലും, പ്രചോദനം ഉൾക്കൊണ്ടാലും, ഒന്നും ഉൾക്കൊണ്ടില്ലെങ്കിലും ഒരു കലാസൃഷ്ടിയിൽ വ്യത്യസ്തത ഉണ്ടായിരിക്കണം. അത്രയെങ്കിലും ഉണ്ടെങ്കിൽ നുമ്മ ഹാപ്പി!

അതുകൊണ്ട് വ്യത്യസ്തതയുള്ള സിനിമ കാണണം എന്നാഗ്രഹമുള്ളവർ ധൈര്യമായി പോയി കാണൂ...

കാണാൻ പോകുന്നവർ ഇടവേളയ്ക്കു മുൻപ് അല്പം ഇഴച്ചിൽ ഉള്ള സിനിമയാണെന്ന മൈനസ് പൊയിന്റ് ഉണ്ട് എന്ന ബോധത്തോടെ പോകണം എന്നതേ ഉള്ളൂ. നിരാശരാകേണ്ടി വരില്ല!

അടിക്കുറിപ്പ്:കഴിഞ്ഞയാഴ്ച സോൾട്ട് ആൻഡ് പെപ്പർ കണ്ടു. ഇഷ്ടപ്പെട്ടു. അതെക്കുറിച്ച് എന്തെങ്കിലും എഴുതിയാലോ എന്നു ചിന്തിച്ചപ്പോഴേക്കും തുരുതുരാ ‘റേവ്’ റിവ്യൂസ്! ഈയാഴ്ച അങ്ങനെ യാതൊരു ചിന്തയുമില്ലാതിരുന്ന ഞാനാ.....
രണ്ടു പടത്തിലും പാട്ടു ബാൻഡിന്റെ പേര് ‘അവിയൽ’! എന്റെ ബ്ലോഗു കണ്ട് ഇട്ട പേരാണോ എന്നു ശങ്കിച്ചപ്പോൾ ഒരു സുഹൃത്തു പറഞ്ഞു “ഞെളിയണ്ട... അവർ എട്ടു പത്തുകൊല്ലമായി ഉള്ള ബാൻഡാ..!”

ആരാണ് പുണ്യാളൻ!?

2011-07-11T03:07:00.000-07:00

പ്രിയമുള്ളവരെ,

ബ്ലോഗർ സുഹൃത്തുക്കൾക്ക് പരസ്പരം കാണാനും, കഴിയുന്നത്ര ആശയവിനിമയം നടത്താനും ഉദ്ദേശിച്ചാണ് നമ്മൾ കൊച്ചിയിൽ കൂടിച്ചേരാൻ തീരുമാനിച്ചത്. ഒപ്പം പുതുതായി ഈ രംഗത്തു വരാൻ താല്പര്യമുള്ളയാളുകളേയും ക്ഷണിച്ചിരുന്നു.

കൊച്ചി, തൊടുപുഴ, കണ്ണൂർ എന്നിവിടങ്ങളിലായി തുരുതുരാ മീറ്റുകൾ പ്രഖ്യാപിക്കപ്പെട്ടതുകൊണ്ട് 50 -60 ആളുകളെ പ്രതീക്ഷിച്ചാണ് നമ്മൾ ഈ സംഗമം പ്ലാൻ ചെയ്തത്. ജോഹർ, മനോരാജ്, നന്ദകുമാർ, ചാണ്ടിച്ചൻ, പ്രവീൺ വട്ടപ്പറമ്പത്ത്, യൂസുഫ്പ തുടങ്ങിയവർക്കൊപ്പം ഞാനും കൂടിയാണ് മീറ്റ് സംഘടിപ്പിച്ചത്. നമ്മുടെ പ്രതീക്ഷയ്ക്കൊപ്പം ബ്ലോഗർമാരുടെ പങ്കാളിത്തം ഉണ്ടായി എന്നത് ചാരിതാർഥ്യജനകമാണ്.

ഔപചാരികമായ ഉൽഘാടനമോ, സമാപനമോ ഈ മീറ്റിൽ ഉണ്ടായിരുന്നില്ല. മീറ്റ് സമയം കഴിഞ്ഞ് വളരെ വൈകിയാണ് പലരും പിരിഞ്ഞത്.

80 പേരോളം ‘അവിയൽ’ സന്ദർശിച്ച് മീറ്റിനു വരുമെന്നു പറഞ്ഞിരുന്നു. പലകാരണങ്ങളാൽ കുറേ പേർക്ക് വരാൻ കഴിഞ്ഞില്ല. പ്രതീക്ഷിക്കാത്ത പലരും വന്നു ചേരുകയും ചെയ്തു.

പുണ്യാളൻ, പകൽക്കിനാവൻ, പാമ്പള്ളി, അഞ്ചൽക്കാരൻ തുടങ്ങിയവർ അങ്ങനെ എത്തിയവരാണ്. തികച്ചും സംതൃപ്തികരമായി ഈ സംഗമം പര്യവസാനിപ്പിക്കാൻ സഹായിച്ച എല്ലാവരോടും സംഘാടകസമിതിയുടെ നന്ദി!

പങ്കെടുത്തവരെക്കുറിച്ചുള്ള വിവരങ്ങൾ റജിസ്റ്റർ ചെയ്ത ക്രമത്തിൽ ഇവിടെ കൊടുക്കുന്നു.

അഞ്ജലി അനിൽകുമാർ (മഞ്ഞുതുള്ളി) http://manjumandharam.blogspot.com
സിജോയ് റാഫേൽ (ചാണ്ടിച്ചൻ) http://sijoyraphael.blogspot.com
ജയൻ ദാമോദരൻ (ജയൻ ഏവൂർ) http://www.jayandamodaran.blogspot.com
അനിൽകുമാർ.ടി (കുമാരൻ) http://www.dreamscheleri.blogspot.com
ജയച്ചന്ദ്രൻ.എം.വി (പൊന്മളക്കാരൻ) http://ponmalakkaran.blogspot.com
ജിക്കു വർഗീസ് (സത്യാന്വേഷകൻ) http://www.sathyaanweshakan.co.cc
ജോഹർ.കെ.ജെ. (ജോ) http://www.dslrfilmmaking.in
ശശികുമാർ (വില്ലേജ് മാൻ) http://villagemaan.blogspot.com
റെജി.പി.വർഗീസ് (റെജി പുത്തൻപുരക്കൽ)http://rejipvm.blogspot.com
മനോരാജ്.കെ.ആർ http://manorajkr.blogspot.com
സജ്ജീവ് ബാലകൃഷ്ണൻ (കാർട്ടൂണിസ്റ്റ്) http://keralahahaha.blogspot.com
സുമേഷ്.കെ.എസ്. (സംഷി) http://mochei.blogspot.com
അജു എബ്രഹാം (പുതുമുഖ ബ്ലോഗർ)
ഇ.എ.സജിം തട്ടത്തുമല http://easajim.blogspot.com
ദിലീപ്.കെ. (മത്താപ്പ്) http://mathap.blogspot.com
നന്ദകുമാർ.ടി.കെ (നന്ദപർവം) http://www.nandaparvam.com
സെന്തിൽ രാജൻ (ചെരാസൻ) http://www.cherasen.blogspot.com
സിയ ഷമീൻ (സിയ) http://siyashamin.blogspot.com
റിജോ മോൻ ചാക്കോ (പുതുമുഖ ബ്ലോഗർ)
രഘുനാഥൻ ഏ. ആർ (രഘുനാഥൻ) http://orunimishamtharoo.blogspot.com
മുഹമ്മദ് ഷെറീഫ്.ടി.എ (ഷെറീഫ് കൊട്ടാരക്കര) http://sheriffkottarakara.blogspot.com
അനൂപ് വർമ്മ (അനൂപ്) http://eazhammudra.blogspot.com
സാബു കൊട്ടോട്ടി (കൊട്ടോട്ടിക്കാരൻ) http://www.kottotty.com
അബ്ദുൾ റഹീം.കെ (കമ്പർ) http://hajiyarpally.blogspot.com
രഘുനാഥൻ കടാങ്കോട് ((പുതുമുഖ ബ്ലോഗർ))
രാകേഷ്.കെ.എൻ (വണ്ടിപ്രാന്തൻ)http://vandipranthan.blogspot.com
പി.കുമാരൻ (പുതുമുഖ ബ്ലോഗർ)
സന്തോഷ്.സി http://www.rodarikil.blogspot.com
മണികണ്ഠൻ.ഒ.വി. http://maneezreview.blogspot.com
ഷിജു ബഷീർ (പകൽക്കിനാവൻ) http://www.pakalkinavan.com
റെജി മലയാലപ്പുഴ http://www.mazhappattukal.blogspot.com
സാബു.വി.ജോൺ (കാർന്നോർ) http://kaarnorscorner.blogspot.com
ഷിബു ഫിലിപ്പ് http://www.ezhuthintelokam.blogspot.com
സന്ദീപ് പാമ്പള്ളി http://paampally.blogspot.com
ജേക്കബ് രാജൻ http://www.jacobrajanmavelikara.blogspot.com
അരുൺ കായംകുളം http://kayamkulamsuperfast.blogspot.com
ദിമിത്രോവ്.കെ.ജി http://www.leafflutters.blogspot.com
മഹേഷ് വിജയൻ http://ilacharthukal.blogspot.com
ജോസാന്റണി http://www.navamukhan.blogspot.com
ഷിനോജ്.വി.ജി. http://www.wayanadtourist.blogspot.com
ശാലിനി.എസ് http://www.aswadanam.blogspot.com
പ്രവീൺ വട്ടപ്പറമ്പത്ത് (ഹരിചന്ദനം) http://syaamam.blogspot.com
കേരളദാസനുണ്ണി http://edatharathampuran.blogspot.com
റ്റി.കെ. അജയകുമാർ (പുതുമുഖ ബ്ലോഗർ)
ശ്രീജിത്ത് (ഒടിയൻ)http://odiyan007.blogspot.com
യൂസുഫ്‌പ http://mazhakkeeru.blogspot.com
അനൂപ് കുമാർ http://anuzone.blogspot.com
ഷാജി. റ്റി.യു. http://www.chitranireekshanam.blogspot.com
പുണ്യാളൻ http://in-focus-and-out-of-focus.blogspot.com
ഇന്ദ്രസേന http://indra-sena.blogspot.com
മുനീർ.എൻ.പി http://thoothappuzhayoram.blogspot.com
സതീഷ് മേനോൻ (പൊറാടത്ത്) http://www.ragamalarukal.blogspot.com
കുസുമം ആർ പുന്നപ്ര http://pkkusumakumari.blogspot.com
പ്രദീപ്. റ്റി.ആർ (പുതുമുഖ ബ്ലോഗർ)
മഹേഷ് ചെറുതന http://www.maheshcheruthana.blogspot.com
ജയരാജ്. എം. ആർ. http://www.niracharthu-jayaraj.blogspot.com
നന്ദിനി സിജീഷ് http://www.revelationofmainnersoul.blogspot.com
എലിസബത്ത് സോണിയ http://www.esoniapadamadan.blogspot.com
ഷിഹാബ് അഞ്ചൽ (അഞ്ചൽക്കാരൻ) http://www.anchalkaran.blogspot.com
അഞ്ജു നായർ http://chambalkoona.blogspot.com
ജോസഫ് ആന്റണി (പുതുമുഖ ബ്ലോഗർ)

ഇനി എന്താണ് കൊച്ചിയിൽ സംഭവിച്ചത് എന്നു നോക്കാം.
രാവിലെ ഏഴരമണിയോടെ ചാണ്ടിച്ചന്റെ ഫ്ലാറ്റിൽ നിന്ന് കുമാര സമേതനായി ചാണ്ടിച്ചന്റെ വണ്ടിയിൽ ഞങ്ങൾ പുറപ്പെട്ടു. ആപ്പിൾ പൊക്കത്തിൽ (ആപ്പിൾ ഹൈറ്റ്‌സ് എന്ന അപ്പാർട്ട്മെന്റ്) കഴിയുന്ന യൂസുഫ്പ എന്ന പഹയനെ കാണാനായിരുന്നു യാത്ര. അപ്പാർട്ട്മെന്റിന്റെ മുന്നിൽ തന്നെ ആൾ റെഡി. കെട്ടുകണക്കിനു പുസ്തകങ്ങൾ! ബ്ലോഗ് സുവനീർ - ഈയെഴുത്ത്, കാ വാ രേഖ, മൌനത്തിനപ്പുറം.....
എല്ലാം ലോഡ് ചെയ്ത് ഹോട്ടൽ മയൂര പാർക്കിലെത്തി. അവിടെ മനോരാജനും സംഘവും പണി തുടങ്ങിക്കഴിഞ്ഞിരുന്നു. ബൂലോകപത്രാധിപരെ പണിയെടുപ്പിച്ചുകൊണ്ട്, കല്യാണരാമൻ സ്റ്റൈലിൽ മനോ രാജാവായി വിലസുന്നു! പണിയെടുക്കാൻ തുടങ്ങിയ റെഡ് ഷർട്ട് കുമാരനെ ഏതോ ആരാധകൻ വിളിച്ച് ശല്യപ്പെടുത്തി!

ഈ രംഗം വീക്ഷിച്ചുകൊണ്ടിരിക്കുകയായിരുന്ന മഞ്ഞുതുള്ളി എന്ന കള്ളപ്പെരുള്ള ഗുണ്ടുമണി ഉടൻ കവിതയെഴുതിത്തുടങ്ങി. പ്ലാസ്റ്റിക് കയറുകളിൽ ഫോട്ടോ സജ്ജീകരിക്കുന്നതു കണ്ട് അവൾ എഴുതി. “ഇളംകാറ്റിലിതാ ഫോട്ടോക്കുലകളാടുന്നു....!”

മഞ്ഞുതുള്ളിയുടെ എഴുത്തുകണ്ട മാതാവിന്റെ പ്രതികരണം!

നിറചിരിയോടെ കാർട്ടൂണിസ്റ്റെത്തിയപ്പോഴേക്കും ‘ഫോട്ടോക്കുലകൾ’ കയറുകളിൽ നിറഞ്ഞു കഴിഞ്ഞു.

ഫോട്ടോമത്സരത്തിനുള്ള സമ്മനങ്ങൽ നിരത്തി ജോ മൊയിലാളി ഫോൺ സംഭാഷണത്തിലാണ്.അടുത്തു ചെന്നു ശ്രദ്ധിച്ചപ്പോളല്ലേ മനസ്സിലായത്. ആൾ കിളിമൊഴിയിലാണ് വർത്തമാനം. (ഏതോ ഗൂഗിൾ ബസ് ഫോളോവർ ആണ് മറുതലയ്ക്കൽ! പ്രശസ്തരായ പല ബ്ലോഗർമാരും ഈ കിളിമൊഴിയുടെ ആരാധകരാണത്രേ! പക്ഷേ തന്റെ അനോണി സ്ത്രീനാമം ജോ വെളിപ്പെടുത്തിയില്ല!)

അപ്പോൾ അതാ ഒരു സിംഹഗർജനം!
മത്താപ്പ് എത്തിയിരിക്കുന്നു!

സജീവേട്ടന്റെ കരസ്പർശത്തിൽ പുളകം കൊള്ളുന്ന മത്താപ്പ്!

ആരവം, വെടിയൊച്ച എന്നിവ മുഴങ്ങി. കൂടുതൽ ആളുകൾ എത്തിത്തുടങ്ങി.

കട്ട ഗ്ലാമറുമായി വില്ലേജ് മാൻ, തോക്കില്ലാത്ത വെടിയുമായി പട്ടാളം രഘുനാഥൻ, റെഡ് ഷർട്ട് കുമാരൻ, ബ്ലാക്ക് ഷർട്ട് ചാണ്ടി...

കമ്പർ വന്നപ്പോൾ കരം ഗ്രഹിക്കുന്ന കുമാരൻ. തിരൂർ മീറ്റിലെ താനെടുത്ത മനോഹര ചിത്രങ്ങൾ പ്രദർശിപ്പിക്കുന്ന കോട്ടോട്ടിക്കാരൻ...

സജിം തട്ടത്തുമല വന്നപാടേ ഫോട്ടോയ്ക്കു മാർക്കിടാൻ പോയി!

ചുവന്ന വരയൻ കമ്പർ, ചാരപ്പുലി സംഷി!

രാവിലെ വരയ്ക്കേണ്ട സമയമായിട്ടും ഇരകളെ കിട്ടാഞ്ഞപ്പോൾ സജീവേട്ടന് ‘കൈ വിറ’ തുടങ്ങി! ഇരയായി ജോയെ പിടിച്ചിരുത്തി. ജോ അഭിമാനം കൊണ്ടു വിജൃംഭിച്ച് ഇരുന്നു.

ഒടുക്കം....

വരഞ്ഞു കിട്ടി. ജോ ഹാപ്പി!

വര നോക്കി നിന്നതിനിടെ ഒരു ചിത്രപ്രേമി മാ‍ർക്കിട്ടുനിന്നത് കാണാൻ വൈകി!
ഏതോ ബുജി പെണ്ണാണെന്നു തോന്നുന്നു. കട്ട സീരിയസ്!
ആരാണോ ആവോ!

പെട്ടെന്നൊരാളനക്കം. നോക്കിയപ്പോൾ നന്ദനും പട്ടാളത്തിനുമൊപ്പം ഒരു ചുള്ളൻ....
പകൽക്കിനാവൻ!
പറയാതെ വന്ന് ഞെട്ടിച്ചുകളഞ്ഞു പകലൻ!

ദാ കുറേ മൊയിലാളിമാർ!

മീറ്റ് മുതലാളികൾ........ മനോരാജ്, ജോ, ജയൻ ഏവൂർ

ഇക്കാണുന്നതാണ് പിരിവുകാർ!

പിരിവു സംഘം @ രെജിസ്ട്രേഷൻ കൌണ്ടർ!
കൊട്ടോട്ടി ഇൻ ആക്ഷൻ!

വണ്ടിപ്രാന്തൻ , സംഷി, കുമാരൻ...

ഇനി സജീവേട്ടന്റെ ചില ക്രൂരകൃത്യങ്ങൾ...

ചാണ്ടിയെ കമിഴ്ത്തി വച്ച ഓസീയാർ കുപ്പിയാക്കിക്കൊടുത്തു കാർട്ടൂണിസ്റ്റ്!

ജയൻ ഏവൂരിന്റെ സൈഡ് വ്യൂ എന്നൊക്കെ പറഞ്ഞ് കൊതിപ്പിച്ച് കാക്കനാടനാക്കി....!

ദാ ഇരിക്കുന്നു ബുദ്ധിജീവി!
അടുത്തു ചെന്നു ചോദിച്ചപ്പോഴല്ലേ മനസ്സിലായത്... ഇതു നമ്മുടെ സിയാ ഷമീൻ!
ഒപ്പമുള്ളത് മഞ്ഞുതുള്ളിയും , അമ്മയും.

“ഇത് റോഡരികിൽ നിന്നു വാങ്ങിയതൊന്നുമല്ല! ദാ നോക്ക് പടമൊക്കെ തെളിയുന്നുണ്ട്!”
റോഡരികിൽ എന്ന ബ്ലോഗുടമ സന്തോഷിനോട് ഷെറീഫിക്ക.

ഘടാഘടിയന്മാർ റെഡി!

സന്തോഷ്, സജിം തട്ടത്തുമല, മണികണ്ഠൻ...

തുടർന്ന് , പൂട്ടിപ്പോയ ‘ചെരാസൻ’ എന്ന ബ്ലോഗിന്റെ ഉടമ സെന്തിൽ രാജൻ വേദി കയ്യിലെടുത്തു. ഏതൊരു പ്രൊഫഷണൽ അവതാരകനെയും വെല്ലുന്ന തരത്തിൽ സരസമായി സദസിനെ കയ്യിലെടുത്തു. ജനം ഇളകി മറിഞ്ഞു.

ഇത് വലതു വശത്തു നിന്നുയർന്ന പൊട്ടിച്ചിരി.....

ഇത് ഇടതുവശത്തെ സന്തോഷ ഹാസങ്ങൾ....

ഓരോരുത്തരെയായി സെന്തിൽ പിടികൂടി.
ദാ ഒരു അമേരിക്കക്കാരി മറുപടി പറയുന്നു....

റെജി പുത്തൻ പുരയ്ക്കൽ, വില്ലേജ് മാൻ, റെജി മലയാലപ്പുഴ...

ദാ, താഴെ ഒരു അപൂർവ സംഗമം! പട്ടാളം വിത്ത് ആൽബർട്ട് ഐൻസ്റ്റീൻ!
അഥവാ, രഘുനാഥനും, രഘുനാഥനും!!

രഘുനാഥൻ.എ. ആർ (പട്ടാളം) , രഘുനാഥൻ.കെ.വി....

അനൂപ് കുമാർ അതിനിടെ തന്റെ പോട്ടം ഒപ്പിച്ചെടുത്തു!

ക്ലാരയുടെ കാമുകൻ ശാലിനിക്കൊപ്പം!
മഹേഷ് വിജയൻ, ശാലിനി.

നിറഞ്ഞ ചിരിയുമായി ഇന്ദ്രസേനയും മകളും...

സജ്ജീവേട്ടൻ, ഷിബു ഫിലിപ്പ്, സന്ദീപ് പാമ്പള്ളി....

പയ്യൻസ് കോർണർ........

ജിക്കു, അജു എബ്രഹാം (പുതുമുഖം), മത്താപ്പ്...

സെന്തിലിന്റെ ഓണക്കച്ചവടത്തിനിടെ വട്ടപ്പറമ്പന്റെ പുട്ടുകച്ചവടം!

പുതുതായി സംഘടിപ്പിച്ച തന്റെ വയർ സംരക്ഷിക്കാൻ നിയോഗിച്ച കമാൻഡോസിനു മധ്യേ ഒരു ട്രെയിൻ ഡ്രൈവർ!
ജേക്കബ് രാജൻ , അരുൺ കായംകുളം, വണ്ടിപ്രാന്തൻ രാകേഷ്.

സെന്തിൽ കാർന്നോമ്മാരെ വിട്ടില്ല!
പാലക്കാട്ടേട്ടൻ (കേരളദാസനുണ്ണി സംസാരിക്കുന്നു.)

ബ്ലോഗർ ജോസാന്റണി(കണ്ണട) ചേട്ടനൊപ്പം സുഹൃത്ത് അലക്സ്.

മാലാഖമാർ എപ്പോഴും വെളുപ്പിലാ....!
സോണിയ, വീണ.

കുസുമവദന മോഹ സുന്ദരി...!
കുസുമം ചേച്ചി.

കണ്ടാൽ തോന്നുന്നതാണെങ്കിൽ കൂടി ആ സത്യം വിളിച്ചു പറയാൻ എനിക്കു മടിയില്ല.
ഞാനൊരു പുണ്യാളനാ. അല്ല.... ഞാൻ തന്നെയാ പുണ്യാളൻ!

“ശ്ശോ!
സംഗതി കുഴപ്പമായല്ലോ....! മീശയും വടിച്ച്, വെള്ളക്കുപ്പായവും ഇട്ടാൽ എന്നെ എല്ലാരും പുണ്യാളനായി കരുതും എന്ന പ്രത്യാശയിലായിരുന്നു ചേട്ടാ, ഞാൻ! ഇനീപ്പോ എന്തു ചെയ്യും?”
സജിം തട്ടത്തുമല ഗദ്ഗദകണ്ഠനായി. പിന്നിൽ എല്ലാം വീക്ഷിച്ച് ബ്ലോഗർ ‘പൊറാടത്ത്’

ഉം... പുണ്യാളമ്മാരല്ല... എല്ലാം പ്രാഞ്ചിയേട്ടമ്മാരാണല്ലോ എന്റെ ഗീവർഗീസ് പുണ്യാളാ!!
ആത്മഗതം: റിജോമോൻ ചാക്കോ.
പിന്നിൽ നിർന്നിമേഷനായിരിക്കുന്നത് മറ്റൊരു പുതുമുഖം അജയകുമാർ.

പുതുമുഖമാണെന്നൊന്നും കരുതണ്ടാ..... ആരു പുണ്യാളൻ ചമഞ്ഞാലും ഞാൻ സമ്മതിക്കില്ല!
വെള്ളയുടുപ്പൊക്കെ എനിക്കുമുണ്ട്!
ബ്ലോഗറാകാൻ തയ്യാറായി വന്ന ശ്രീ. കുമാരൻ നയം വ്യക്തമാക്കുന്നു.

“പുണ്യാളന്മാർക്ക് ചുണ്ടൻ വള്ളം വല്യ ക്രെയ്സായിരുന്നു.....മലയാളത്തിൽ ചെറുതനച്ചുണ്ടൻ മാത്രമല്ല, കാരിച്ചാൽ, കരുവാറ്റ, തായങ്കരി... എല്ലാ ചുണ്ടന്മാരെയും കുറിച്ച് ഞാൻ കവിത എഴുതിയിട്ടുണ്ട്. കേൾക്കണോ?”
മഹേഷ് ചെറുതനയോട്, കവി ശ്രീ. ജോസാന്റണി.

“പുതുമഴയായി വന്നു ഞാൻ.... പുളകം കൊണ്ടു പൊതിഞ്ഞൂ ഞാൻ....!”
പുണ്യാളന്മാർക്കെതിരെ യക്ഷിപ്പാട്ടുമായി ഇന്ദ്രസേന !

“ഒടിയൻമാർക്ക് ഒരു പുണ്യാളനെയും പേടിയില്ല; അതു റഷ്യേലായാലും, ഗൾഫിലായാലും!”
ഒടിയൻ (ശ്രീജിത്ത്), ദിമിത്രോവ്, പകൽക്കിനാവൻ എന്നിവരോട്.

“താടിവച്ചാലും ഇല്ലെങ്കിലും, പുണ്യാളന്മാർ എന്ന സങ്കല്പം തന്നെ എനിക്കിഷ്ടല്ല..... പുതു തലമുറയുടെ സ്വപ്നങ്ങളും, ഭാവനയും തീരുമാനിക്കാൻ ഒരു പുണ്യാളനെയും ഞങ്ങൾ സമ്മതിക്കില്ല!”
മത്താപ്പ് കത്തിക്കയറി!

“ഓ.... മത്താപ്പ് കലക്കീട്ട്‌ണ്ട്‌ട്ടാ.... എരമ്പി!!”
പ്രവീൺ വട്ടപ്പറമ്പൻ, ഷാജി, യൂസുഫ്പ

“മത്താപ്പ് അങ്ങനെ ഡയലോഗടിച്ച് പുണ്യാളനാകാനൊന്നും നോക്കണ്ട.... മത്താപ്പിന്റെ രഹസ്യങ്ങളൊക്കെ എനിക്കറിയാം.... എല്ലാം ആഗ്നേയേച്ചി പറഞ്ഞു!”
മത്താപ്പിനെ പടമാക്കി, എലിസബത്ത് സോണിയ പടമാടൻ!

“എല്ലാം കോമ്പ്ലിമെന്റ്സാക്കണം.... ഞാൻ വേണേൽ കാലു പിടിക്കാം...”
മത്താപ്പ് കീഴടങ്ങി. എലിസബത്ത് സോണിയ പടമാടൻ പുഞ്ചിരിച്ചു.

“തള്ളേ... മത്താപ്പിനെ പുണ്യാളനാക്കിയില്ല. എന്നെയായിരിക്കും ലവൾ ഉദ്ദേശിച്ചത്.”
ചാണ്ടിച്ചൻ ഉറക്കെ ചിന്തിച്ചു.

“ബ്ലോഗിലെ കാ‍ർന്നോർ എന്ന നിലയിൽ പറയട്ടെ ഇവിടങ്ങനെ ആരെയും പുണ്യാളനാകാൻ വിടില്ല, ഞാൻ.... എനിക്ക് ഈ ബൂലോകത്തോട് ചില കടമകളൊക്കെയുണ്ട്; അവകാശങ്ങളും. ”
സാബു.വി.ജോൺ (കാർന്നോര്).

“താങ്കളാണൊ പുണ്യാളൻ? ഏതായാലും ഞാനല്ല....”
ജേക്കബ് രാജനോട് മഹേഷ് ചെറുതന.

ഇതോടെ ബ്ലോഗർമാർ കൂട്ടം കൂട്ടമായി ചർച്ചകളിൽ ഏർപ്പെടാൻ തുടങ്ങി. എന്തൊക്കെയോ ആലൊചിച്ച് ഷെറീഫിക്ക മൂക്കിൽ വിരൽ തള്ളിയിരുന്നു.
“അനിയാ.... ഒരിക്കലും ഒരു പുണ്യവാളനാകാൻ ശ്രമിക്കരുത്!”കുസുമം ചേച്ചി റെജി പുത്തൻ പുരയ്ക്കലിനെ ഉപദേശിച്ചു.

“രാത്രിയിൽ പുണ്യാളന്മാരില്ല.... പദ്മരാജൻ പറഞ്ഞിട്ടുണ്ട്....അല്ലേ ചാണ്ടിച്ചാ... അങ്ങനെയല്ലെ ക്ലാരയെ.... ” മഹേഷ് വിജയനിൽ ക്ലാര ഒരു കടലായി ഇരമ്പി.
കൊട്ടോട്ടി കണ്ണടച്ച് കണ്ട്രോൾ മന്ത്രം ചൊല്ലി!

ഒരു പുണ്യാളനെ നേരിൽ കാണുന്നത് സത്യം പറഞ്ഞാ, ആദ്യായിട്ടാ.... എന്നെ അനുഗ്രഹിക്കണം. വട്ടപ്പറമ്പൻ കറുത്ത ഷർട്ടിട്ട പുണ്യാളനോട് അപേക്ഷിച്ചു.

"ഇനീപ്പൊ എന്താ ചെയ്യാ...." പുണ്യാളൻ വട്ടപ്പറമ്പനെ അനുഗ്രഹിച്ചതോടെ പലരും നിരാശരായി. കുമാരൻ, ഒടിയൻ, ദിമിത്രോവ്, മുനീർ (തൂതപ്പുഴയോരം). എല്ലാരും പുണ്യാളചിന്ത വിട്ടു. സുഹൃദ് സംഭാഷണങ്ങളിലേക്കു മടങ്ങി.

“സത്യത്തിൽ സത്യൻ മാഷിന് ഒരു വെല്ലുവിളി ആകണ്ട എന്നത്, ത്യാഗനിർഭരമായ എന്റെ തീരുമാനമായിരുന്നു. അല്ലെങ്കിൽ ഈ മമ്മൂട്ടീം, മോഹൻലാലുമൊന്നും കിളിർക്കുക പോലുമില്ലായിരുന്നു!” ഷെറീഫിക്ക പറഞ്ഞത് ശരി വക്കുന്ന ഇന്ദ്രസേന, സന്തോഷ്.

കാണാമറയത്തിരുന്ന് കഥകളിലും, കവിതകളിലൂടെയും പരിചിതരായ പലരും ആദ്യമായി കണ്ടുമുട്ടുകയായിരുന്നു. മണിക്കൂറുകളോളം സംസാരം നീണ്ടു....

റിപ്പോർട്ടർ ടി.വി.ക്കുവേണ്ടി ബ്ലോഗർ അഞ്ജു നായർ....

ഏഴാം മുദ്രക്കാരൻ അനൂപ് സംസാരിക്കുന്നു. പിന്നിൽ മണികണ്ഠൻ.

ഏറ്റവുമൊടുവിൽ ഓടിക്കിതച്ചെത്തി പാവം അഞ്ചൽക്കാരൻ.
പഴയ അഞ്ചലോട്ടക്കാരനെ ഓർമ്മിപ്പിച്ച്....

സജീവേട്ടൻ അങ്കക്കലി പൂണ്ടു നിൽക്കുകയാണ്. വന്നവരെ മുഴുവൻ വരഞ്ഞു വരഞ്ഞ് ഉച്ചത്തിൽ ചിരിച്ച് അർമാദിക്കാൻ തുടങ്ങി.

പാവം തൂതപ്പുഴയോരക്കാരൻ മുനീറിനെ വരയുന്ന കാർട്ടോണിസ്റ്റ്!

ട്രോഫികൾ തപ്പി ഇറങ്ങിയ കള്ളൻ!
ഷിനോജ്.

“പാമ്പള്ളീ.... എനിക്ക് അവിടുത്തെ മുന്നിൽ ശിഷ്യപ്പെടണം... സെന്തിലിനെപ്പോലെ എന്നെയും സിനിമയിൽ എടുക്കണം!” മണികണ്ഠന്റെ ആവശ്യത്തിനു മുന്നിൽ സുസ്മേരവദനനായി പാമ്പള്ളി.
നോക്കി നിൽക്കുന്നത് ‘പൊറാടത്ത്’.

“സൽമാൻ ഖാൻ..... മൽമൽ ഖാൻ.... ഗുൽമൽ ഖാൻ.... അടുത്ത ഖാൻ ആരാണെന്നറിയാമോ? അതു നീയാ മോനേ സാബൂ കൊട്ടോട്ടി ഖാൻ!” പാലക്കാട്ടേട്ടൻ പ്രവചിച്ചു. അടുത്ത് മഞ്ഞുതുള്ളിയുണ്ടെന്ന ചിന്തപോലുമില്ലാതെ നാണത്താൽ തുടുത്ത് കൊട്ടോട്ടി.......

സഹൃദം പങ്കിടൽ തുടരുന്നു. പ്രായഭേദങ്ങളില്ലാത്ത സൌഹൃദക്കാഴ്ചകൾ.....

പൊന്മളക്കാരനും കുമാരനും കൂടി റിട്ടേൺ ഫ്ലൈറ്റിന് ടിക്കറ്റ് തപ്പുകയാണ്....
(ഇന്റർസിറ്റി എക്സ്പ്രസിന്റെ ടൈം നോക്കുകയാണ് പഹയന്മാർ!)

പെട്ടെന്ന് അതാ ഒരലർച്ച!
മനോരാജ് എന്തോ കണ്ട് പൊട്ടിച്ചിരിച്ചുകൊണ്ട് കൊട്ടോട്ടിയെ ചൂണ്ടിക്കാണിച്ചുകൊണ്ടുക്കുന്നു.
കൊട്ടോട്ടിക്ക് സംഗതി കത്തിയോ ആവോ.....

എന്താണ്....
എന്താണ് സംഭവിച്ചത്??

ആകാശത്തേക്ക് കയ്യുയർത്തി ഒരു രൂപം.
അതിന്റെ ഒരു കോണു മാത്രമേ ക്യാമറയ്ക്കു പിടിക്കാനായുള്ളു. ജുബ്ബാ മാത്രം.
ആ ദർശനം കിട്ടിയത് സോണിയയ്ക്കു മാത്രം!
അന്തരീക്ഷത്തിൽ നിന്ന് അശരീരിയായി ഒരു ശബ്ദം!
“എനിക്ക് ദർശനം കിട്ടിയിരിക്കുന്നു.... ഞാൻ..... ഞാൻ തന്നെയാണ് ഇനിമേൽ പുണ്യാളൻ!”
എല്ലാവരും അങ്ങോട്ടോടി.
ആ ദൃശ്യങ്ങളൊന്നും എന്റെ ക്യാമറയിൽ പതിഞ്ഞില്ല.
എല്ലാം കഴിഞ്ഞപ്പോൾ തന്റെ സുഹൃത്തിന്റെ അവസ്ഥയിൽ ദു:ഖിതനായിരിക്കുന്ന ഷാജിയെ കണ്ടു.

അതുകണ്ട് മന്ദഹസിക്കാൻ ശ്രമിച്ച നന്ദകുമാറിന്റെ ഫോട്ടോ ക്യാമറയിൽ നേരേ പതിഞ്ഞില്ല.
നോക്കൂ.... ദൃഷ്ടാന്തം!

ഞാൻ ക്യാമറയിൽ നേരേ എടുത്ത ഈ ചിത്രം തല തിരിഞ്ഞുപോയി!

അത്ഭുതങ്ങൾ പലതും ഇനി നടന്നേക്കാം....
നമുക്ക് കാത്തിരിക്കാം!

സ്റ്റോപ്പ് പ്രസ്:
തന്റെ തലതിരിഞ്ഞ പടം കണ്ട് ദു:ഖിതനായ നന്ദൻ ദാ ഇപ്പോൾ കമന്റ് കൂടാതെ ഫോണിലും ഭീഷണി മുഴക്കിക്കൊണ്ടിരിക്കുന്നു. കാനാടി ചാത്തൻ വഹ മന്ത്രവാദത്തിലൂടെയോ എന്തോ, പടം നേരെയാക്കി അയച്ചു തന്നിട്ടുണ്ട്. ദാ കണ്ടു കൺ കുളിർത്തോളൂ നന്ദപർവതമേ!

മീറ്റ് പോസ്റ്റുകൾ

http://easajim.blogspot.com/2011/07/blog-post_10.html
http://rejipvm.blogspot.com/2011/07/blog-post_10.html

http://kayamkulamsuperfast.blogspot.com/2011/07/blog-post.html

http://keralahahaha.blogspot.com/2011/07/9-2011.html

http://www.nammudeboolokam.com/2011/07/blog-post_7341.html

http://orunimishamtharoo.blogspot.com/2011/07/blog-post.html

http://ponmalakkaran.blogspot.com/2011/07/blog-post_09.html
http://shivam-thanimalayalam.blogspot.com/2011/07/blog-post_3450.html
http://www.kumaaran.com/2011/07/blog-post_14.html
http://keraladasanunni-palakkattettan.blogspot.com/2011/07/blog-post_12.html
http://sreejithmohandas.blogspot.com/2011/07/blog-post_12.html

കൊച്ചി മീറ്റ് ജൂലൈ 9 - അപ്‌ഡേറ്റ്

2011-07-07T01:18:00.000-07:00

മലയാളം ബൂലോകത്തെ എഴുത്തുകാരുടെ ഒരു സംഗമം ജൂലൈ 9 ന് രാവിലെ 10 മണിക്ക് കൊച്ചിയിൽ വച്ച് നടക്കുന്ന വിവരം എല്ലാവരും അറിഞ്ഞിരിക്കുമല്ലോ. ഇതിൽ പങ്കെടുക്കാൻ ഇനിയും ബ്ലോഗർമാർ ആരെങ്കിലും ആഗ്രഹിക്കുന്നുണ്ടെങ്കിൽ അവരും, ഇതുവരെ പങ്കെടുക്കാം എന്നറിയിച്ചവരും തങ്ങളുടെ പ്രാതിനിധ്യം dr.jayan.d@gmail.com എന്ന മെയിൽ വിലാസത്തിലോ 9447104383 എന്ന നമ്പരിൽ വിളിച്ചോ അറിയിക്കണം എന്നഭ്യർത്ഥിക്കുന്നു.

മീറ്റ് ദിനം : ജൂലൈ 9 ശനിയാഴ്ച
മീറ്റ് സമയം : രാവിൽ 10 മുതൽ ഉച്ചയ്ക്കുശേഷം 3 മണി വരെ
വേദി : ഹോട്ടൽ മയൂര പാർക്ക്, കച്ചേരിപ്പടി. (ജില്ലാ ആയുർവേദാശുപത്രിക്ക് എതിർവശം.)

ഇതുവരെ പങ്കെടുക്കാം എന്നറിയിച്ചവർ

ചാണ്ടിച്ചൻ
ഷബീർ വാഴക്കോറത്ത് (തിരിച്ചിലാൻ)
ശശികുമാർ (വില്ലേജ് മാൻ)
ജി.മനു
മത്താപ്പ്
പൊന്മളക്കാരൻ
മണികണ്ഠൻ
രഞ്ജിത്ത് ചെമ്മാടൻ
കാർന്നോര്
സിദ്ധീക്ക
രാജശ്രീ നാരായണൻ
ചന്തു നായർ
ചെറുവാടി
കാഴ്ചക്കാരൻ
സുരേഷ് ആലുവ
പൊറാടത്ത്
റെജി പുത്തൻ പുരക്കൽ
ജിക്കു വർഗീസ്
ഡോ.ആർ.കെ.തിരൂർ
സമീർ തിക്കോടി
ഇ.എ.സജിം തട്ടത്തുമല
വി.കെ.ബാല
ശാലിനി
സിയ
മനോരാജ്
നന്ദകുമാർ
ജോഹർ
ജയൻ ഏവൂർ
പ്രവീൺ വട്ടപ്പറമ്പത്ത്
ഷെറീഫ് കൊട്ടാരക്കര
കാർട്ടൂണിസ്റ്റ് സജീവേട്ടൻ
രഘുനാഥൻ
നിരക്ഷരൻ
വിജയൻ വെള്ളായണി
റെജി.പി.വർഗീസ്
അഞ്ജലി അനിൽകുമാർ
മഹേഷ് വിജയൻ
ജാബിർ മലബാറി
പോങ്ങുമ്മൂടൻ
ചാർവാകൻ
തബാരക് റഹ്മാൻ
കുസുമം ആർ പുന്നപ്ര
ഫെമിന ഫാറൂഖ്
കുമാരൻ
ഷിബു മാത്യു ഈശോ
സോണിയ എലിസബത്ത്
കമ്പർ
മുരളിക
അരുൺ കായംകുളം
അനൂപ് കുമാർ
എച്ച്‌മുക്കുട്ടി
കണ്ണൻ
സംഷി
Rakesh KN / Vandipranthan
റഫീക്ക് കിഴാറ്റൂര്‍
Alone in A Crowd
തോന്ന്യാസി
ഷൈൻ
മഹേഷ് ചെറുതന
വി.കെ. ആദർശ്
കുട്ടനാടൻ (Niram Jubin)
അനൂപ്
ഷിബു ഫിലിപ്പ്
പ്രദീപ് പൈമ
വി.ജെ.ജോസഫ്
റ്റി.ജി.ബി. മേനോൻ
കൂരാട്ടുക്കാരൻ റഷദ്
Ghost
വി.പി.അഹമ്മദ്
ജയശങ്കർ
മോട്ടി
ജെ.പി.വെട്ടിയാട്ടിൽ
ഒളകര വളവൻ
ദേവൻ
ജയരാജ്
ആഷിക്.സി.പി,തിരൂര്‍
ഇന്ദ്രസേന
പത്രക്കാരൻ
കേരളദാസനുണ്ണി
ഷാരോൺ വിനോദ്
Dimithrov
അഞ്ജു നായർ

വരൂ!
നമുക്ക് സൌഹൃദം പങ്കിടാം.
മലയാണ്മയ്ക്കായ് ഒരുമിക്കാം!

മെയിൽ ഐ.ഡിയും, ഫോൺ നമ്പറും തന്നിട്ടുള്ള എല്ലാവരെയും ഞാൻ നേരിൽ ഈ വിവരം അറിയിക്കുന്നതാണ്. അവ തന്നിട്ടില്ലാത്തവർ മുകളിൽ കാണിച്ച ഐ.ഡിയിലോ, നമ്പറിലോ ബന്ധപ്പെടുമല്ലോ.

കൊച്ചി സുഹൃദ് സംഗമം - വേദി തീരുമാനിച്ചു!

2011-06-20T10:04:00.000-07:00

പ്രിയപ്പെട്ട സുഹൃത്തുക്കളെ,

2011 ജൂലൈ 9 ശനിയാഴ്ച കൊച്ചിയിൽ വച്ചു നടക്കുന്ന സുഹൃദ് സംഗമത്തിന്റെ ഒരുക്കങ്ങൾ പുരോഗമിച്ചുകൊണ്ടിരിക്കുന്നു.

മീറ്റിനായി പ്രശസ്ത ബ്ലോഗർ നന്ദകുമാർ ഡിസൈൻ ചെയ്തു തന്ന ലോഗോ താഴെക്കൊടുക്കുന്നു.

എറണാകുളം മറൈൻ ഡ്രൈവിൽ ജനുവരിയിൽ കൂടിയതു പോലെ ഒരു കുഞ്ഞു സംഗമം എന്നു കരുതിയാണ് ചാണ്ടിച്ചൻ കൊരുത്ത ചൂണ്ടയിൽ ഞാൻ കൊത്തിയത്. എന്നാൽ സംഗതി ആളുകൾ ഏറ്റു പിടിച്ചതോടെ, ഇത്രയധികം സുഹൃത്തുക്കളെ മഴനനയാതെ സംഗമിപ്പിക്കാൻ ആകാശമേൽക്കൂരയ്ക്കു കീഴെ, മറൈൻ ഡ്രൈവിൽ കഴിയുമോ എന്ന സന്ദേഹം വന്നു.

അങ്ങനെയാണ് ഒരു ഹോൾ അന്വേഷിച്ചതും, കണ്ടെത്തിയതും. അതും എറണാകുളം നഗരഹൃദയത്തിൽ തന്നെ.

ഹോട്ടൽ മയൂര പാർക്കിലെ ഹോൾ ആണ് നമുക്ക് ലഭ്യമായത്. ട്രെയിൻ വഴിയും, ബസ് വഴിയും എത്താൻ വളരെ എളുപ്പം. എറണാകുളം നോർത്ത് റെയിൽ വേ സ്റ്റേഷനു തൊട്ടടുത്ത്. സൌത്തിൽ നിന്നായാലും ഓട്ടോയിലോ, ബസ്സിലോ വന്ന് മുന്നിലിറങ്ങാം. എറണാകുളത്തിനു തെക്കു നിന്നു ബസ്സിൽ വരുന്നവർ പള്ളിമുക്കിൽ ഇറങ്ങി ഒരു ടൌൺ ബസ്സിൽ കയറിയാൽ വളരെ എളുപ്പം കച്ചേരിപ്പടി എത്താം. വടക്കു നിന്നു വരുന്നവർക്ക് കച്ചേരിപ്പടി തന്നെ ഇറങ്ങാം.

മീറ്റിന്റെ സമയം രാവിലെ 10 മുതൽ വൈകിട്ട് 3 മണി വരെ ആണ്.

അതു കഴിഞ്ഞ് മറൈൻ ഡ്രൈവിൽ കറങ്ങണം എന്നുള്ളവർക്ക് അതാവാം. നഗര സഞ്ചാരവും മറ്റു വിനോദങ്ങളും ആവാം.

ഹോൾ വാടകയും, ഭക്ഷണവും വകയായി ഒരാളിൽ നിന്ന് 200 രൂപ വീതം രെജിസ്റ്റ്രേഷൻ ഫീസായി സ്വീകരിക്കാം എന്നു കരുതുന്നു. അധികം ഉണ്ടെങ്കിൽ അത് തിരിച്ചു നൽകുന്നതാണ്.

ഇതുവരെ പങ്കെടുക്കാം എന്നറിയിച്ചവർ

ചാണ്ടിച്ചൻ
ഷബീർ വാഴക്കോറത്ത് (തിരിച്ചിലാൻ)
ശശികുമാർ (വില്ലേജ് മാൻ)
ജി.മനു
മത്താപ്പ്
പൊന്മളക്കാരൻ
മണികണ്ഠൻ
രഞ്ജിത്ത് ചെമ്മാടൻ
കാർന്നോര്
സിദ്ധീക്ക
രാജശ്രീ നാരായണൻ
ചന്തു നായർ
ചെറുവാടി
കാഴ്ചക്കാരൻ
സുരേഷ് ആലുവ
പൊറാടത്ത്
റെജി പുത്തൻ പുരക്കൽ
ജിക്കു വർഗീസ്
ഡോ.ആർ.കെ.തിരൂർ
സമീർ തിക്കോടി
ഇ.എ.സജിം തട്ടത്തുമല
വി.കെ.ബാല
ശാലിനി
സിയ
മനോരാജ്
നന്ദകുമാർ
ജോഹർ
ജയൻ ഏവൂർ
പ്രവീൺ വട്ടപ്പറമ്പത്ത്
ഷെറീഫ് കൊട്ടാരക്കര
കാർട്ടൂണിസ്റ്റ് സജീവേട്ടൻ
രഘുനാഥൻ
നിരക്ഷരൻ
വിജയൻ വെള്ളായണി
റെജി.പി.വർഗീസ്
അഞ്ജലി അനിൽകുമാർ
മഹേഷ് വിജയൻ
ജാബിർ മലബാറി
പോങ്ങുമ്മൂടൻ
ചാർവാകൻ
തബാരക് റഹ്മാൻ
കുസുമം ആർ പുന്നപ്ര
ഫെമിന ഫാറൂഖ്
കുമാരൻ
ഷിബു മാത്യു ഈശോ
സോണിയ എലിസബത്ത്
കമ്പർ
മുരളിക
അരുൺ കായംകുളം
അനൂപ് കുമാർ
എച്ച്‌മുക്കുട്ടി
കണ്ണൻ
സംഷി
Rakesh KN / Vandipranthan
റഫീക്ക് കിഴാറ്റൂര്‍
Alone in A Crowd
തോന്ന്യാസി
ഷൈൻ
മഹേഷ് ചെറുതന
വി.കെ. ആദർശ്
കുട്ടനാടൻ (Niram Jubin)
അനൂപ്
ഷിബു ഫിലിപ്പ്
പ്രദീപ് പൈമ
വി.ജെ.ജോസഫ്
റ്റി.ജി.ബി. മേനോൻ
കൂരാട്ടുക്കാരൻ റഷദ്
Ghost
വി.പി.അഹമ്മദ്
ജയശങ്കർ
മോട്ടി
ജെ.പി.വെട്ടിയാട്ടിൽ
ഒളകര വളവൻ
ദേവൻ
ജയരാജ്
ആഷിക്.സി.പി,തിരൂര്‍
ഇന്ദ്രസേന
പത്രക്കാരൻ
കേരളദാസനുണ്ണി
ഷാരോൺ വിനോദ്
Dinithro
അഞ്ജു നായർ

അപ്പോൾ മറക്കണ്ട.

വേദി: ഹോട്ടൽ മയൂര പാർക്ക്, കച്ചേരിപ്പടി, എറണാകുളം
സമയം: രാവിലെ 10 മുതൽ ഉച്ചയ്ക്കുശേഷം 3 മണി വരെ.

ഇനിയും ആരെങ്കിലും തയ്യാറുണ്ടെങ്കിൽ സ്വാഗതം!

അടിക്കുറിപ്പ്: ബ്ലോഗർ സുഹൃത്തുക്കൾക്ക് പരസ്പരം കാണാനും, പരിചയപ്പെടാനും, സംസാരിക്കാനും ആയിരിക്കും ഈ മീറ്റിൽ പരമാവധി സമയം ഉപയോഗിക്കുക.

UPDATE1

ഈ മീറ്റിനെക്കുറിച്ച് ബൂലോകം ഓൺലൈൻ, നമ്മുടെ ബൂലോകം എന്നിവിടങ്ങളിൽ വന്ന പോസ്റ്റുകളുടെ ലിങ്ക്
http://www.boolokamonline.com/archives/25072
http://www.nammudeboolokam.com/2011/06/blog-post_22.html

UPDATE 2
കൊച്ചി മീറ്റില്‍ ഫോട്ടോ പ്രദര്‍ശനവും അവാര്‍ഡു ദാനവും.
http://www.nammudeboolokam.com/2011/06/blog-post_23.html

എന്നാൽ പിന്നെ ഒന്നൂടെ!!!

2011-06-13T10:36:00.000-07:00

‘ബ്ലോഗ് മീറ്റിൽ കൈവിഷം കിട്ടിയവൻ’ എന്ന പട്ടം എനിക്കു കിട്ടിയിട്ട് കുറച്ചുകാലം ആയി. അതുകൊണ്ട് ഉടൻ ഒരു മീറ്റ് കൂടണം എന്ന ആഹ്വാനം ഞാനായിട്ടു നടത്തില്ല എന്ന തീരുമാനത്തിലായിരുന്നു.

എന്നാൽ കഴിഞ്ഞദിവസം ബ്ലോഗർ ചാണ്ടിക്കുഞ്ഞ് നീട്ടിയ ചൂണ്ടയിൽ കൊത്തുകയും കുരുങ്ങുകയും ചെയ്തു.പിന്നെ രഞ്ജിത്ത് ചെമ്മാടനും മനോരാജും കൂടി ടാക്ടിക്കലായി എന്നെ പിടികൂടുകയാണുണ്ടായത്!

അപ്പോൾ സംഭവം എന്താനെന്നു വച്ചാൽ, ജൂലൈ മാസം കുറേ ബ്ലോഗർ സുഹൃത്തുക്കൾ നാട്ടിൽ വരുന്നുണ്ട്. അവരിൽ പലരും രണ്ടുകൊല്ലം മുൻപത്തെ, നമ്മിൽ പലരുടെയും അവസ്ഥയിലാണ്.

പച്ചജീവനോടെ ഒരു ബ്ലോഗറെയും നേരിൽ കണ്ടിട്ടില്ല!

മാത്രവുമല്ല നമ്മുടെ ‘ബ്ലോഗ് സുവനീർ ’ വിതരണത്തിന് തയ്യാറാവുകയും ചെയ്തുകഴിഞ്ഞു.

ഈയവസരത്തിൽ കഴിയുന്നത്ര ബ്ലോഗെഴുത്തുകാർ ഒന്നിച്ചു കൂടുകയും നമ്മുടെ മാധ്യമത്തെ വീണ്ടും മാധ്യമശ്രദ്ധയിലും, തദ്വാരാ ജനശ്രദ്ധയിലും കൊണ്ടുവരികയും ചെയ്യാൻ സാധിക്കും എന്നു കരുതുന്നു.

ചാണ്ടിക്കുഞ്ഞ്
ഹരീഷ് തൊടുപുഴ
ഷബീർ വാഴക്കോറത്ത്
ശശികുമാർ (വില്ലേജ് മാൻ)
വിൻസെന്റ്
ജി.മനു
തുടങ്ങിയവർ വരാൻ സന്നദ്ധത അറിയിച്ചു കഴിഞ്ഞു.

മനോരാജ്
നന്ദകുമാർ
പ്രവീൺ വട്ടപ്പറമ്പത്ത്
യൂസുഫ്പ
കാർട്ടൂണിസ്റ്റ് സജീവേട്ടൻ
നിരക്ഷരൻ
ജോഹർ
മത്താപ്പ്
ജയൻ ഏവൂർ

തുടങ്ങിയവർ കൊച്ചിയിൽ തന്നെ ഉള്ളവരാണ്.

ഇനിയും പലരും സന്നദ്ധരായേക്കാം....

ഇത് സുഹൃദ് സംഗമം എന്നതിലുപരി, ബ്ലോഗ് എന്ന മാധ്യമത്തോടും, ഭാവി തലമുറയോടും, സർവോപരി മലയാള ഭാഷയോടും ഉള്ള നമ്മുടെ പ്രതിബദ്ധതയുടെ ഭാഗം കൂടിയായി കാണുക.

ജൂലൈ രണ്ടാം വാരം കൂടാം എന്നാണ് ആഗ്രഹം. മറൈൻ ഡ്രൈവിൽ കൂടാം. അവിടെ അടുത്തുള്ള ഒരു ഹോളും ബുക്ക് ചെയ്താൽ മഴപെയ്താലും പ്രശ്നമില്ലാതെ കഴിക്കാം.

(സ്റ്റോപ് പ്രസ് : ഹോൾ ബുക്ക് ചെയ്തു. ഹോട്ടൽ മയൂര പാർക്ക്, കച്ചേരിപ്പടി, എറണാകുളം)

സെക്കൻഡ് സാറ്റർഡേ ആയ ജൂലൈ 9 പറ്റിയ ദിവസമായി നിർദേശിക്കട്ടെ.

രാവിലെ 10 മണിയോടെ കൂടി, ഉച്ചയ്ക്ക് ഊണുകഴിച്ച് 3 മണിയോടെ പിരിയാം.
പങ്കെടുക്കാൻ ആഗ്രഹിക്കുന്നവർ ഈ പോസ്റ്റിൽ കമന്റായി വിവരം അറിയിക്കുമല്ലോ.

പ്രത്യേക ശ്രദ്ധയ്ക്ക്: കണ്ണൂരിൽ വച്ച് സെപ്റ്റംബറിൽ മീറ്റ് നടക്കുന്നുണ്ട്. ആ സമയത്ത് നാട്ടിൽ ഉള്ള എല്ലാവർക്കും അവിടെത്തന്നെ കൂടാം. ഈ മീറ്റ് ജൂലൈയിൽ നാട്ടിൽ എത്തുന്നവർക്കുവേണ്ടി മാത്രം.

UPDATE
ഇതുവരെ പങ്കെടുക്കാം എന്നറിയിച്ചവർ

ചാണ്ടിച്ചൻ
ഷബീർ വാഴക്കോറത്ത് (തിരിച്ചിലാൻ)
ശശികുമാർ (വില്ലേജ് മാൻ)
ജി.മനു
മത്താപ്പ്
പൊന്മളക്കാരൻ
മണികണ്ഠൻ
രഞ്ജിത്ത് ചെമ്മാടൻ
കാർന്നോര്
സിദ്ധീക്ക
രാജശ്രീ നാരായണൻ
ചന്തു നായർ
ചെറുവാടി
കാഴ്ചക്കാരൻ
സുരേഷ് ആലുവ
പൊറാടത്ത്
റെജി പുത്തൻ പുരക്കൽ
ജിക്കു വർഗീസ്
ഡോ.ആർ.കെ.തിരൂർ
സമീർ തിക്കോടി
ഇ.എ.സജിം തട്ടത്തുമല
വി.കെ.ബാല
ശാലിനി
സിയ
മനോരാജ്
നന്ദകുമാർ
ജോഹർ
ജയൻ ഏവൂർ
പ്രവീൺ വട്ടപ്പറമ്പത്ത്
ഷെറീഫ് കൊട്ടാരക്കര
കാർട്ടൂണിസ്റ്റ് സജീവേട്ടൻ
രഘുനാഥൻ
നിരക്ഷരൻ
വിജയൻ വെള്ളായണി
റെജി.പി.വർഗീസ്
അഞ്ജലി അനിൽകുമാർ
മഹേഷ് വിജയൻ
ജാബിർ മലബാറി
പോങ്ങുമ്മൂടൻ
ചാർവാകൻ
തബാരക് റഹ്മാൻ
കുസുമം ആർ പുന്നപ്ര
ഫെമിന ഫാറൂഖ്
കുമാരൻ
ഷിബു മാത്യു ഈശോ
സോണിയ എലിസബത്ത്
കമ്പർ
മുരളിക
അരുൺ കായംകുളം
അനൂപ് കുമാർ
എച്ച്‌മുക്കുട്ടി
കണ്ണൻ

മീറ്റിന്റെ സമയം : രാവിലെ 10 മുതൽ ഉച്ചയ്ക്കു ശേഷം 3 മണി വരെ.
സ്ഥലം : ഹോട്ടൽ മയൂര പാർക്ക് , കച്ചേരിപ്പടി, എറണാകുളം.

ഇനിയും വരാൻ ആഗ്രഹിക്കുന്നവർക്ക് സ്വാഗതം!

മീറ്റിൽ സജീവേട്ടന്റെ മാരത്തോൺ കാർട്ടൂൺ വര ഉണ്ടായിരിക്കുന്നതാണ്.

മറക്കില്ലൊരിക്കലും....!

2011-05-27T08:07:00.000-07:00

അകത്തും പുറത്തും
നിറയെ ഇരുട്ടായിരുന്നു.
ഇരുൾത്തിമിരം
ഇരു കണ്ണും മൂടിയിരുന്നു.

അപ്പോഴാണൊരാൾ
അറിവിന്റെ അഞ്ജനം
ചാലിച്ച ശലാക കൊണ്ട്
തിമിരപ്പാളി കീറിയത്.

വെളിച്ചം ചാലു കീറി
അശനിപാതം പോലെ,
പ്രളയം പോലെ, നാലുപാടും...
എന്റെ കണ്ണഞ്ചിപ്പോയി!

മുഖം മറച്ച് പകച്ചുനിന്നപ്പോൾ
അടുത്തുവന്ന് മുഖമുയർത്തി
വ്യാഖ്യാനങ്ങളുടെ പീലിയുഴിഞ്ഞ്
കണ്മിഴിക്കാൻ പഠിപ്പിച്ചു.

ലളിതരിൽ ലളിതനായ ഗുരോ...
മിഴിനീർപ്പൂക്കൾ...
ഇല്ല...
മറക്കില്ലൊരിക്കലും!

അടിക്കുറിപ്പ്: ജീവിതത്തിൽ അനേകം അധ്യാപകർ പഠിപ്പിച്ചിട്ടുണ്ടെങ്കിലും ഗുരു എന്നു സ്മരിക്കുമ്പോൾ മനസ്സിൽ തെളിഞ്ഞിരുന്നത് ശങ്കരൻ സാറിന്റെ മുഖമായിരുന്നു. ഇന്ന് 27-05-11 ന് ഉച്ചയ്ക്ക് രണ്ടു മണിക്ക് സാർ പോയി.....അൻപത്തെട്ടാം വയസ്സിൽ....ഏതു കഠിനരോഗത്തെയും സൌമ്യനായി താടിയുഴിഞ്ഞു സമീപിച്ച്, അതിന്റെ നിദാനവും ചികിത്സയും കാര്യകാരണസഹിതം വിവരിച്ച്, ശിഷ്യരെ തന്നോളം ഉയർത്തുന്ന പ്രതിഭ... നൂറുകണക്കിനു ശിഷ്യർ ഇന്ന് കരയുന്നുണ്ടാവും.... ഒപ്പം ഞാനും....

പെട്രോളിയം കമ്പനികളുടെ പരസ്യങ്ങൾ നിരോധിക്കുക!

2011-05-14T09:10:00.000-07:00

പ്രിയമുള്ളവരെ,

ഇന്നു രാത്രി മുതൽ കമ്പനികൾ വീണ്ടുംപെട്രോൾ വില ഉയർത്തിയിരിക്കുകയാണ്. പാക്കിസ്ഥാനേക്കാളും, ശ്രീലങ്കയേക്കാളും ഒക്കെ അധികമാണ് നമ്മുടെ നാട്ടിൽ പെട്രോൾ വില. സ്വകാര്യവൽക്കരണത്തിലൂടെ കൂടുതൽ കമ്പനികൾ മൽസരരംഗത്തു വരുമെന്നും, അതു വഴി പെട്രോൾ വില കുറയുമെന്നും ആയിരുന്നു, പണ്ട് പെട്രോളിയം സ്വകാര്യവൽക്കരണം തുടങ്ങിവച്ച കാലത്ത് അന്നത്തെ കേന്ദ്രമന്ത്രി റാം നായിക് പറഞ്ഞത്. 25 രൂപയ്ക്ക് പെട്രോൾ കിട്ടിയാൽ പുളിക്കുമോ എന്നു പോലും അദ്ദേഹത്തെ പിന്താങ്ങിയവർ ചോദിച്ചു.

എന്നാൽ ഇന്നോ?

കഴിഞ്ഞ ഒൻപത് മാസങ്ങൾക്കിടയിൽ ഇത് ഒൻപതാം തവണയാണ് കമ്പനികൾ പെട്രോൾ വില ഉയർത്തുന്നത്. ഇക്കുറി ലിറ്ററിന് അഞ്ചു രൂപ; ടാക്സ് കൂടി ചേരുമ്പോൾ ആറര രൂപ!
ഇടിവെട്ടേറ്റവനെ പാമ്പു കടിച്ചു!!

പെട്രോളിയം കമ്പനികൾ പറയുന്നത്, തങ്ങൾ ഭീമമായ സാമ്പത്തിക നഷ്ടം സഹിച്ചാണ് നിലനിൽക്കുന്നത് എന്നാണ്.

അങ്ങനെയെങ്കിൽ എന്തിനാണ് ഈ കമ്പനികൾ മത്സരിച്ച് ഓരോ വർഷവും സഹസ്ര കോടികൾ തുലച്ച് റ്റെലിവിഷനിലും, പാതയോരങ്ങളിലും പരസ്യപ്രളയം തന്നെ സൃഷ്ടിക്കുന്നന്നത്?

നിങ്ങൾ ഈ തുലച്ചുകളയുന്ന സഹസ്രകോടികൾ പാവപ്പെട്ട ഭാരതീയരുടെ വിയർപ്പുപൊടിഞ്ഞ നോട്ടുകളിൽ നിന്ന് കിട്ടുന്ന വരുമാനമാണ്.

ഒരു പരസ്യവും നൽകിയില്ലെങ്കിലും കച്ചവടം നടക്കുന്ന ഏക ബിസിനസാണ് പെട്രോൾ/ഡീസൽ കച്ചവടം. ഇൻഡ്യക്കാരാരും ഒരു പ്രത്യേക ബ്രാൻഡ് പെട്രോൾ മാത്രമേ ഉപയോഗിക്കൂ എന്ന് വാശി പിടിക്കുന്നവരല്ല.

സാദാ പെട്രോൾ, സ്പീഡ് പെട്രോൾ എന്ന നിലയിൽ (ഒക്ടെയിൻ അളവിലെ വ്യത്യാസം വച്ച്) രണ്ടു തരം ഉണ്ടെന്നതിൽ കവിഞ്ഞൊരു തരം തിരിവ് സാധാരണ ജനത്തിനില്ല. അതു തന്നെ ഏതു കമ്പനിയായാലും കാര്യമായ വ്യത്യാസവുമില്ല.

ഈ സാഹചര്യത്തിൽ ആയിരക്കണക്കിന് കോടി തുലച്ചു കളഞ്ഞുള്ള പരസ്യങ്ങൾ ഇൻഡ്യൻ ഓയിൽ, ഭാരത് പെട്രോളിയം, ഹിന്ദുസ്ഥാൻ പെട്രോലിയം, റിലയൻസ്, എസ്സാർ തുടങ്ങിയവർ എന്തിനു നൽകണം.

നിങ്ങൾക്ക് അമ്മാനമാടാൻ പാവപ്പെട്ടവന്റെ പണം എന്തിനു ദുരുപയോഗം ചെയ്യുന്നു?

അതുകൊണ്ട് കമ്പനികൾ പരസ്യം കൊടുക്കുന്നത് നിർത്തുന്നില്ല എങ്കിൽ സർക്കാർ മുൻ കൈ എടുത്ത് പെട്രോളിയം പരസ്യങ്ങൾ നിരോധിക്കണം എന്നഭ്യർത്ഥിക്കുന്നു.

ഈ വിഷയത്തിൽ എല്ലാ സുഹൃത്തുക്കളും പ്രതികരിക്കണമെന്നും, ഇതൊരു ജനകീയ ആവശ്യമായി ഉയർത്തിക്കാട്ടി ഇന്റർനെറ്റിൽ വ്യാപകമായ പ്രചാരം കൊടുക്കണമെന്നും കൂടി അഭ്യർത്ഥിക്കുന്നു.

തുഞ്ചനും കുഞ്ചനും സന്തോഷിക്കട്ടെ!!

2011-04-19T21:37:00.000-07:00

കുഞ്ചന്റെ നാടായ ആലപ്പുഴയും, തുഞ്ചന്റെ നാടായ മലപ്പുറവും എനിക്ക് ഒരുപോലെ പ്രിയപ്പെട്ടതാണ്. ഒന്ന് അച്ഛന്റെ നാട്; മറ്റൊന്ന് അമ്മയുടെ നാട്!

ഭാഷാപിതാക്കന്മാരായ തുഞ്ചനും കുഞ്ചനും കുട്ടിക്കാലം മുതലേ മനസ്സിൽ സ്ഥിരപ്രതിഷ്ഠ നേടിയവരാണ്. അമ്പലപ്പുഴയും തകഴിയുമൊക്കെ സ്ഥിരം സഞ്ചാരപഥങ്ങളാണെങ്കിലും, തുഞ്ചൻ പറമ്പിൽ കയറിയിട്ടുണ്ടായിരുന്നില്ല, ഇതുവരെ.

ഈ വിഷുക്കാലത്തെ ബ്ലോഗ് മീറ്റ് അതിനവസരമുണ്ടാക്കി എന്നതിൽ, കൊട്ടോട്ടി - ആർ.കെ.തിരൂർ - നന്ദുമാരോട് നിറഞ്ഞ നന്ദിയുണ്ട്.

വെളുപ്പാൻ കാലത്ത് എറണാകുളത്തു നിന്നു തിരിച്ചെങ്കിലും, റെയിൽ വേയുടെ കൃത്യനിഷ്ഠ മൂലം, തിരൂരെത്തിയപ്പോൽ മണി പത്തു കഴിഞ്ഞിരുന്നു. ചെന്ന വഴി തന്നെ തുഞ്ചൻ പറമ്പിന്റെ പാതി തുറന്ന വാതിലിൽ ഒരു ഘടാഘടിയൻ!

ചാർവാകനാണ് ആൾ!

അദ്ദേഹത്തിനു നേരേ ഒരു വെള്ളക്കാർ പാഞ്ഞു വന്നു ബ്രേക്ക് ചെയ്തു!

ഫ്രണ്ട് ഗ്ലാസ് മെല്ലെ താഴ്ത്തി മനോരാജാവ്!
(പേരിനു കടപ്പാട്: കാർട്ടൂണിസ്റ്റ് സജ്ജീവേട്ടൻ)

രാജാവ് എവിടെപ്പോയാലും മന്ത്രിയും പരിവാരങ്ങളും പിന്നാലെയുണ്ടാവും.
ദാ, എത്തിപ്പോയി വട്ടപ്പറമ്പൻ ഓൺ ബൈക്ക്.
ഒപ്പം സിജീഷ്.

മനോരാജ്: മോനേ പ്രവീണേ.... സംഗതി നീ ഈ സോവനീറും ബുക്കും ഒക്കെ ഇവിടെയെത്തിച്ചു.ആ സ്ഥിതിക്ക് ഇനിയിവിടെ നിൽക്കണ്ട. സ്റ്റാന്റു വിട്ടോ!

മനോരാജ് കൈവിട്ടപ്പോൾ സപ്പോർട്ടിനായി ലീല ചേച്ചിയെ സോപ്പിടുന്ന പ്രവീൺ

ഒക്കെ കണ്ട് ഗൂഢമായി ചിരിക്കുന്ന ഷമിത്തും കുമാരനും....

സദസ് നിറഞ്ഞു കഴിഞ്ഞു. ബ്ലോഗർമാർ ഓരോരുത്തരായി വന്നു സ്വയം പരിചയപ്പെടുത്താൻ തുടങ്ങി.

സദസ് - മറ്റൊരു ദൃശ്യം.

സദസ്സ് - ശ്രീ.വി.കെ അബ്ദു മുൻ നിരയിൽ

ജിക്കു വർഗീസ്, ജാബിർ, സിജീഷ്....

മഹേഷ് വിജയൻ, കിങ്ങിണിക്കുട്ടി (അഞ്ജു)......

സുശീൽ കുമാർ, ജബ്ബാർ മാഷ്....

കണ്ണൻ, വാഴക്കോടൻ, കിങ്ങിണി, അമ്മ...

ബിന്ദു ചേച്ചി തത്സമയ ബ്ലോഗ് പ്രദർശനവുമായി....

യൂസുഫ്പ മക്കളുമായി....

യൂസുഫ്പയുടെ മകൾ ഗസൽ പാടുന്നു....

സജിം തട്ടത്തുമല, തബാരക് റഹ്മാൻ.....

ബ്ലോഗർ കേരളദാസനുണ്ണി സ്വയം പരിചയപ്പെടുത്തുന്നു...

ഇതാണ് കൂതറ...
ഹാഷിം!

മത്താപ്പ്(ദിലീപ്), പ്രവീൺ വട്ടപ്പറമ്പത്ത്, ഷാജി, ജാബിർ....
(ഷാജിയുടെ പിടി മുറുകിയത് പ്രവീണിന്റെ മുഖത്തു കാണാം!)

“ഇനിയാർക്കെങ്കിലും ഷെയ്ക്ക് ഹാൻഡ് വേണോ? ”

മത്താപ്പ്, ലഡുക്കുട്ടൻ, കുമാരൻ.....

ലഡുക്കുട്ടൻ, മത്താപ്പ്, ജാബിർ, ജിക്കു....

ഐസിബി എത്തിപ്പോയ്!

കൂൾ ഗയ് വിത് കൂൾ ലേഡീസ്!
സജീവേട്ടൻ, കിച്ചു ചേച്ചി, അതുല്യ ചേച്ചി....

അച്ചായൻ ലാൻഡഡ്! ഒപ്പം നന്ദപർവം നന്ദൻ, കുമാരൻ, യൂസുഫ്പ

ഐസിബി ആരാധകവൃന്ദത്തിനൊപ്പം!

ബ്രൈറ്റ് ആൻഡ് ടീം!

അരീക്കോടൻ മാഷ് മക്കൾക്കൊപ്പം....

ബ്രൈറ്റ് വിത്ത് വട്ടപ്പറമ്പൻ!

ഹംസ, വാഴക്കോടൻ, ജയൻ ഏവൂർ, പ്രവീൺ വട്ടപ്പറമ്പത്ത്.....

മനോരാജ്, ഹംസ, വാഴക്കോടൻ, ഷാജി മുള്ളൂക്കാരൻ....

മനോരാജിനെ നോക്കിപ്പേടിപ്പിക്കുന്ന നന്ദൻ!

സുശീൽ, ബ്രൈറ്റ്, ലത്തീഫ്.... ആശയസംവാദം!

യങ് ഗൈസ്!
ഷെറീഫിക്ക, മത്താപ്പ്....

കിച്ചൂസ് വിത് അതുല്യേച്ചി.

സുനിൽ കൃഷ്ണൻ, മനോരാജ്, മുള്ളൂക്കാരൻ, സജി മാർക്കോസ്.....

“ഈയെഴുത്ത്” ബ്ലോഗ് സുവനീർ സാദിക്ക് കായംകുളത്തിനു നൽകി ശ്രീ രാമനുണ്ണി നിർവഹിക്കുന്നു.

“കാ വാ രേഖ” പ്രകാശനം. കഥാകൃത്ത് രാമനുണ്ണി, ജയൻ ഏവൂരിനു നൽകി പ്രകാശിപ്പിച്ചു.

തുടർന്ന് സി.എൽ.എസ് ബുക്സിന്റെ മൂന്നു പുസ്തകങ്ങൾ പ്രകാശിപ്പിക്കപ്പെട്ടു.

‘മൌനജ്വാലകൾ’ സ്വീകരിക്കുന്നത് ഖാദർ പട്ടേപ്പാടം

സന്ദീപ് സലിം ‘ഓക്സിജൻ’ സ്വീകരിക്കുന്നു

‘നേരുറവകൾ’ പാവത്താൻ സ്വീകരിക്കുന്നു.

സദസ്

കഥാകൃത്ത് രാമനുണ്ണി സംസാരിക്കുന്നു.

പ്രയാൺ ചേച്ചി, മകൻ, യൂസുഫ്പ....

കാർട്ടൂണിസ്റ്റ് സജീവേട്ടൻ മാ‍രത്തോൺ രചനയിൽ!

കിട്ടിയ ഒഴിവിൽ പഞ്ചാര. കൂതറ, കുമാരൻ!

കിങ്ങിണിക്കുട്ടി മഞ്ഞു തുള്ളിയോട്!(അഞ്ജലി അനിൽകുമാർ=മഞ്ഞുതുള്ളി 2)

ഹബീബ് വിക്കി പീഡിയയെക്കുറിച്ച് ക്ലാസെടുക്കുന്നു.

സജി അച്ചായനെ ചൊറിയുന്ന വട്ടപ്പറമ്പൻ!

അച്ചായനെ പിടിക്കുന്ന ഫോട്ടോഗ്രാഫേഴ്സ്. (മറ്റാർക്കും ഒരു താല്പര്യവുമില്ല!)

ചേട്ടാ, പുസ്തകം വായിക്കുന്നതിനും കാശു തരണോ!?
പ്രിയദർശിനിക്കു സംശയം!(പ്രിയദർശിനി = മഞ്ഞുതുള്ളി 1)

ദാ.... ഇങ്ങനെയാണ് ശരിക്കും ക്യാമറ പിടിക്കേണ്ട വിധം!

കുറുക്കന്റെ കണ്ണ്!

“ആ മനോരാജിന്റെ മകൾ എസ്.എസ്.എൽ.സിക്കു പടിക്ക്യാ....
ഈ പെങ്കൊച്ചുങ്ങൾക്കു ഇതു വല്ലതും അറിയോ!?”
ചാർവാകനോട് പരാതി പറയുന്ന പ്രവീൺ.

കിച്ചു, ഐസീബി, മുള്ളൂക്കാരൻ

ജുവൈരിയ സലാം , ഭർത്താവ്, ഹംസ....

ഹംസ, ഹാഷിം...

സിന്ധു (നിലീനം), റെജി പുത്തൻ പുരയ്ക്കൽ

ഇനി കുറച്ചു മുഖച്ചിത്രങ്ങൾ....

വധുവിനെ ആവശ്യമുണ്ട്!
കൂതറ ഹാഷിം

വധുവിനെ ആവശ്യമില്ല!
വാഴക്കോടൻ.

ഞാൻ കെട്ടപ്പെടാൻ ആഗ്രഹിക്കുന്നില്ല
സുനിൽ കൃഷ്ണൻ

മീശവരാത്തവൻ എന്ന കള്ളപ്പേരിൽ നടക്കുന്നയാൾ!
അനാഗതശ്മശ്രു!

കണ്ണൻ....(എന്റെ നാട്ടുകാരനാ!)

അനിയത്തി.....

കിങ്ങിണിക്കുട്ടി

ലഡു തിന്നാത്തവൻ, ലഡുക്കുട്ടൻ!

രാശാവ്..... (മനസ്സിന്റെ... മനസ്സിന്റെ!)
മനോരാജ്

മീറ്റ് നടത്തിപ്പുകാരൻ
നന്ദു

ഫോട്ടോയ്ക്ക് ചിരിക്കാത്ത ഹംസ ഹസ് രഹാ ഹൈ.... ഹും..... ഹോ!

ക്ലാരയുടെ കാമുകൻ....
മഹേഷ് വിജയൻ

വല്യ പത്രാധിപരാ....! (ബൂലോകം ഓൺലൈൻ)
ജിക്കു വർഗീസ്.

നന്ദപർവതം!
നന്ദകുമാർ.

കണ്ടാലറിഞ്ഞൂടേ? മലബാറിയാ....
ജാബിർ മലബാറി!

തബു....
തബാരക് റഹ്മാൻ!

മൈന വന്നപ്പോൾ
മൈന ഉമൈബാൻ,യൂസുഫ്പയ്ക്കൊപ്പം.
സമയം ഉച്ചയൂണടുപ്പിച്ചായി....

നിരക്ഷരൻ: “നമുക്ക് ഊണുകഴിക്കാൻ അങ്ങോട്ടു പോകാം”

നിരക്ഷരന്റെ ആഗ്രഹം കേട്ട കൂട്ടുകാരുടെ പ്രതികരണം!
അതു മൈൻഡ് ചെയ്യാതെ ആൾ ഉള്ളിൽ കടന്നു.
അപ്പോൾ കണ്ട കാഴ്ച....

ഹൌ!

ഊണേശ്വരം കാരന്റെ ഊണു നോക്കി നിർന്നിമേഷരായി......
കിച്ചു, ബിന്ദു, ലതിക സുഭാഷ്.

ഇവരും കാണികൾ.....
നീന ശബരീഷ് ആൻഡ് റ്റീം.

മൂകസാക്ഷികൾ...

ബുദ്ധിമാന്മാർ! (ഞങ്ങക്കിതൊന്നും കാണാൻ വയ്യായേ!)
പട്ടിണിയായ മനുഷ്യാ നീയീ പുസ്തകം കയ്യിലെടുത്തോളൂ!
സജിം തട്ടത്തുമല, ജെയിംസ് സണ്ണി പാറ്റൂർ....

ഞങ്ങളും ഊണു കാത്തിരിക്യാ....

ഗൊള്ളാം! സംഗതി മൊത്തത്തിൽ ഇഷ്ടപ്പെട്ടു!
സന്ദീപ് സലിം, ഭാര്യ.

ഊണു കിട്ടിയില്ലേലും വേണ്ട; ഒരു ആരാധകനെ കിട്ടി!
നിരക്ഷരൻ ഹാപ്പി!

ഞാൻ ക്ഷമാശീലനാണ്....
ശ്രീനാഥൻ

സുനിൽ കൃഷ്ണൻ സഖാവും, ലതികപ്പെങ്ങളും!

മുക്താർ ‘ഇക്ക’യും നാമൂസ് അനിയനും!

ഉച്ചയ്ക്കു ശേഷമുള്ള സദസ്സ്

ബ്ലോഗെഴുത്തിന്റെ സാധ്യതയെയും, പ്രയോഗങ്ങളേയും കുറിച്ച്

മനൊരാജിൽ നിന്ന് ഖമറുന്നീസ് (നീസ) ‘കാ വാ രേഖ’ സ്വീകരിക്കുന്നു.

വൈകുന്നേരമായതോടെയാണ് ബ്ലോഗർമാർ തുഞ്ചൻ പറമ്പു വിട്ടത്....

കണക്കെടുപ്പ്, അവലോകനം....
സംഘാടകർ: കൊട്ടോട്ടിക്കാരൻ, ഡോ.ആർ.കെ.തിരൂർ, നന്ദു.

വാർത്തകൾ....

നൂറ്റി അറുപതോളം എഴുത്തുകാരാണ് ഈ വിഷുക്കാലത്ത് മലയാണ്മയെ ഉയർത്തിപ്പിടിക്കാൻ ഇവിടെ ഒത്തുകൂടിയത്. ഇന്നുവരെയുള്ള ബ്ലോഗെഴുത്തുകാരുടെ, ഏറ്റവും വലിയ കൂട്ടായ്മ...

തുഞ്ചനും കുഞ്ചനും സന്തോഷിച്ചിട്ടുണ്ടാവണം....
അവർക്കതിനേ കഴിയൂ....

മലയാളത്തിന്റെ ഉയിർത്തെഴുന്നേൽ‌പ്പിന് ഒരു പുതിയ പാത വെട്ടിത്തുറന്ന് ഒരു കൂട്ടം ഭാഷാസ്നേഹികൾ ഒരുമിച്ചതിന്റെ പുളകം അവരെ ആനന്ദചിത്തരാക്കിയിട്ടുണ്ടാവും. തീർച്ച!

(ക്ഷമാപണം: ഫോട്ടോസിന്റെയെല്ലാം ഫയൽ സൈസ് കുറച്ചതുകൊണ്ടാണ് ആളുകൾക്ക് ഉള്ള യഥാർത്ഥ ഗ്ലാമർ ഇവിടെ ദൃശ്യമാകാത്തത്.)

വരൂ!!!

2011-04-13T08:28:00.000-07:00

തെരഞ്ഞെടുപ്പും കോലാഹലങ്ങളും അടങ്ങി.

തുഞ്ചൻ പറമ്പ് മീറ്റിന് ഇനി നാലു നാൾ മാത്രം. ഏപ്രിൽ 17 ന് കൂടുന്ന ഈ മീറ്റ് മലയാള ബ്ലോഗിംഗ് ചരിത്രത്തിൽ ഒരു സുവർണ ഏടായി മാറ്റാൻ എല്ലാ ബ്ലോഗർ സുഹൃത്തുക്കളും, ഇന്റർനെറ്റിൽ മലയാളം കൈകാര്യം ചെയ്യുന്ന സുഹൃത്തുക്കളും മുന്നോട്ടു വരണം എന്ന് വിനീതമായി അഭ്യർത്ഥിക്കുന്നു.

ഈ മീറ്റിനോടനുബന്ധിച്ച് പുറത്തിറങ്ങാൻ പോകുന്ന ബ്ലോഗ് സ്മരണിക ഒരു പക്ഷെ ലോക ബ്ലോഗിംഗ് ചരിത്രത്തിൽ തന്നെ ഇടം തേടിയേക്കും!

സുഹൃത്തുക്കളുടെ സംഗമം എന്നതിലുപരിയായി ബ്ലോഗ് എന്ന മാധ്യമം മലയാളഭാഷയുടെ പരിപോഷണത്തിനും, പ്രചാരണത്തിനും, നവീകരണത്തിനും കൂടി ഉപകാരപ്പെടുത്താൻ കൂടി നമുക്കു കഴിയും.

നമുക്കു കൂട്ടായി ചെയ്യാൻ നിരവധി കാര്യങ്ങളുണ്ട്.

1. ബ്ലോഗ് എന്ന മാധ്യമത്തിലേക്ക് പരമാവധി മലയാളികളെ, പ്രത്യേകിച്ചും യുവാക്കളേയും, കൌമാരക്കാരേയും ആകർഷിക്കുക.

2. എഴുത്തുകാർ മാത്രം പോരാ, വായനക്കാരും, വിമർശകരും വേണം ബ്ലോഗിന്. വായന കൈമോശം വന്നവരേയും, ലോകത്തിന്റെ പലഭാഗങ്ങളിലായി ആനുകാലികങ്ങളും, പുസ്തകങ്ങളും കിട്ടാതെ ബുദ്ധിമുട്ടുന്നവരെയും, മലയാളം ബ്ലോഗ് വായനയിലേക്ക് ക്ഷണിക്കുക.

3. നവാഗതർക്കായി ബ്ലോഗ് ശില്പശാലകൾ ഹൈസ്കൂൾ, കോളേജ് തലങ്ങളിൽ സംഘടിപ്പിക്കുക.

4. ബ്ലോഗ് എഴുതുന്നവർക്ക് സ്വയം മെച്ചപ്പെടാനും, എഴുത്തിന്റെ നവീന മേഖലകൾ പരിചയപ്പെടാനും ഉള്ള അവസരങ്ങൾ സംഘടിപ്പിക്കുക. കഥ, കവിത, ലേഖനം, വിമർശനം തുടങ്ങിയ രംഗങ്ങളിലെ വിദഗ്ധരുമായി സംവദിക്കാൻ അവസരമൊരുക്കുക.

5. ശാസ്ത്രം, സാങ്കേതികവിദ്യ തുടങ്ങിയവയുമായി ബന്ധപ്പെട്ട വിദഗ്ധരെ ബ്ലോഗിലേക്കാകർഷിക്കുക. എഴുത്തിന്റെ മേഖലകൾ വിപുലപ്പെടുത്തുക - കഥ, കവിത, ലേഖനം, നാടകം, നോവൽ, ചിത്രരചന, കാർട്ടൂൺ, ഫോട്ടോസ്, യാത്രാവിവരണം, നിരൂപണം, അഭിമുഖം,ഓർമ്മക്കുറിപ്പ്, പഠനസഹായി തുടങ്ങി നിരവധി മേഖലകൾ താല്പര്യമുള്ളവർക്ക് കൈകാര്യം ചെയ്യാനാവും.

6. പല ബ്ലോഗർ സുഹൃത്തുക്കളും വ്യക്തിപരമായി പരഞ്ഞ ഒരു കാര്യമാണ് അടുത്തത്. ആശയയദാരിദ്ര്യം! അത് അതിജീവിക്കാനായി ബ്ലോഗ് വിഷയങ്ങളുടെ വൈവിധ്യവൽക്കരണത്തെക്കുറിച്ച് ബ്ലോഗർമാരെ ബോധവാന്മാരാക്കേണ്ടിയിരിക്കുന്നു.

ഉദാഹരണമായി, താഴെക്കാണുന്ന വിഷയങ്ങൾ ഒന്നു ശ്രദ്ധിക്കൂ.

സ്നേഹം
സാഹോദര്യം
പ്രണയം
പ്രതികാരം,
പ്രതീക്ഷ
നിരാശ
വെറുപ്പ്
ഭയം
കാമം
ഹാസ്യം
ഗൃഹാതുരത്വം
ദേശസ്നേഹം
ഫാന്റസി
കുറ്റാന്വേഷണം
ശാസ്ത്രം
ആരോഗ്യം
ചരിത്രം
മിത്ത്
സ്പോർട്ട്സ്
ഫെമിനിസം
സാമൂഹ്യനീതി
രാഷ്ട്രീയം
ഭാഷ
സംസ്കാരം
സിനിമ
ഫാഷൻ
സമ്പത്ത്
ദാരിദ്ര്യം
മദ്യം
മയക്കുമരുന്ന്
ജീവിതശൈലി

വിപണി
വിദ്യാഭ്യാസം
ബോധവൽക്കരണം(എയ്ഡ്സ്സ് , രക്തദാനം....)
കൌൺസലിംഗ്
ദാമ്പത്യം
ആത്മീയത
പ്രകൃതിസംരക്ഷണം
കൃഷി
വ്യവസായം
നിയമസാക്ഷരത
ലിംഗനീതി
അഴിമതിവിരുദ്ധപ്രചരണം

ഇങ്ങനെ എണ്ണമറ്റ വിഷയങ്ങൾ നമുക്ക് മുകളിൽ സൂചിപ്പിച്ച മേഖലകളിലൂടെ അവതരിപ്പിക്കാം. പെട്ടെന്നൊന്നും എഴുതാൻ തോന്നുന്നില്ലെങ്കിൽ ഈ വിഷയങ്ങളിൽ മറ്റുള്ളവർ എഴുതിയതു വായിക്കുക. പുതിയ ആശയങ്ങൾ താനെ മനസ്സിൽ വിരിയും!

ഈ വക കാര്യങ്ങളെക്കുറിച്ച് ഗൌരവമായി ചർച്ച ചെയ്യാൻ കൂടി തുഞ്ചൻ പറമ്പ് മീറ്റ് വേദിയാവട്ടെ എന്നു പ്രത്യാശിക്കുന്നു.

ഏപ്രിൽ 17 ന് കഴിയുന്നത്ര സുഹൃത്തുക്കളെ നേരിൽ കാണാനും, സംവദിക്കാനും കഴിയും എന്ന പ്രത്യാശയോടെ,

ജയൻ ഏവൂർ

അമ്മയ്ക്കും, സഹോദരിക്കും, ഭാര്യയ്ക്കും, മകൾക്കും, കൂട്ടുകാരിക്കും വേണ്ടി.....

2011-02-13T21:29:00.000-08:00

സീൻ - 1

സ്ഥലം തിരുവനന്തപുരം റെയിൽവേ സ്റ്റേഷൻ. സമയം വൈകുന്നേരം അഞ്ചു മണി. അഞ്ചാം നമ്പർ പ്ലാറ്റ്ഫോമിൽ രണ്ടു ട്രെയിനിൽ ഇരിക്കാനുള്ളത്ര ആൾക്കൂട്ടം. പകുതിപ്പേരും വനിതകൾ. 5.25 നു ഇവിടെ നിന്നു പുറപ്പെടേണ്ട ഇന്റർസിറ്റി എക്സ്പ്രസിന്റെ ബോഗികൾ പ്ലാറ്റ്ഫോമിലേക്കു വന്നുകൊണ്ടിരിക്കുന്നു.ആണുങ്ങളിൽ കുറേപ്പേർ പ്ലാറ്റ്ഫോമിൽ നിന്ന് പാളത്തിലേക്കു ചാടുന്നു. പ്ലാറ്റ്ഫോമിന് എതിർവശത്ത് നിരയായി നിൽക്കുന്നു. ട്രെയിൻ നിൽക്കുന്നു. ഓരോ ബോഗിയിലും ഉള്ള ആറുവാതിലുകളിലൂടെയും കയ്യൂക്കുള്ള പുരുഷന്മാർ ഇരച്ചു കയറുന്നു. (ഒരു ബോഗിയിൽ, ഓരോ വശത്തും മൂന്നു വാതിലുകൾ വീതമുണ്ട്.) വിരലിലെണ്ണാവുന്ന പെൺപുലികളും ഒപ്പം കയറിപ്പെടുന്നു. ഒരു മിനിറ്റിനുള്ളിൽ ട്രെയിൻ ഫുൾ. ഇരിക്കുന്നവരിൽ ബഹുഭൂരിപക്ഷവും പുരുഷന്മാർ! ലേഡീസ് കമ്പാർട്ട്മെന്റിൽ കാലുകുത്താൻ ഇടയില്ലാത്ത വിധം സ്ത്രീകൾ.

സീൻ - 2
സ്ഥലം കണ്ണൂർ. രാവിലെ ഏഴു മണിയോടെ പരശുറാം എക്സ്പ്രസ് എത്തിച്ചേരുന്നു. ട്രെയിൻ മിക്കവാറും നിറഞ്ഞാണു വന്നതെങ്കിലും ഇടയ്ക്കിടെ സീറ്റുകൾ ഒഴിവുണ്ട്. ഞാൻ ചാടിക്കയറി ഒരു സീറ്റ് ഒപ്പിച്ചു. എനിക്കെതിരെ ഇരുന്നത് ഒരു വീട്ടമ്മയും, അവരുടെ 15-16 വയസ്സു തോന്നിക്കുന്ന മകളും ആയിരുന്നു. തലശ്ശേരി ആയതോടെ ട്രെയിൻ നിറഞ്ഞു. ബാത്ത് റൂമുകൾക്കിടയിൽ പോലും ജനം തിങ്ങി നിറഞ്ഞു നിൽക്കുന്നു. കോഴിക്കോട് ആയപ്പോൾ പെൺകുട്ടി ബാത്ത് റൂമിൽ പോകാനാണെന്നു തോന്നുന്നു, എണീറ്റു. പക്ഷേ അടുത്തുള്ള ഇരു ബാത്ത് റൂമിലും ആളുണ്ട്. അവൾ മടങ്ങി വന്നു. എതിർ ദിശയിലുള്ള ബാത്ത് റൂമുകൾ അകലെയാണ്. വണ്ടി നിർത്തിയതോടെ ജനം ഇരച്ചുകയറാൻ തുടങ്ങി. അവിടെ നിന്ന് എറണാകുളം വരെ നിന്നു തിരിയാൻ ഇടമില്ലാത്ത തിരക്ക്. തൃശ്ശൂർ ആയി. എറണാകുളം ആയപ്പോൾ, തങ്ങൾ കരുതിയിരുന്ന പൊതിച്ചോറ് അവർ കഴിച്ചു. കയ്യിലിരുന്നകുപ്പിവെള്ളം കൊണ്ടു തന്നെ കയ്യും വായും കഴുകി. കണ്ണൂരിനപ്പുറം എവിടെ നിന്നോ യാത്രതിരിച്ച അവർ, കോട്ടയമായപ്പോൾ ഇറങ്ങിപ്പോയി.അതുവരെ ആ അമ്മയ്ക്കും മകൾക്കും
ബാത്ത് റൂമിൽ പോകാൻ കഴിഞ്ഞില്ല. പരശുറാമിന്റെ ലേഡീസ് കമ്പാർട്ട്മെന്റും നിറഞ്ഞുകവിഞ്ഞാണ് പോകുന്നതെന്ന് പറയേണ്ടതില്ലല്ലോ.

സീൻ - 3
അതേ പരശുറാം എക്സ്പ്രസ് തന്നെ. ആറേഴുവയസ്സുള്ള ഒരു പെൺകുട്ടി. ആവർത്തനവിരസമായ ഒരു ഗാനവും പാടുന്നു. അവളേക്കാൾ ചെറിയൊരു ആൺകുട്ടി ആൾത്തിരക്കിൽ കൈ നീട്ടി തെണ്ടുന്നു. കിട്ടിയ നാണയത്തുട്ടുകളിൽ ഒന്നു രണ്ടെണ്ണം അവന്റെ കയ്യിൽ നിന്നെടുത്ത് അവൾ പെറ്റിക്കോട്ടിനുള്ളിൽ ഇടുന്നത് ശ്രദ്ധയിൽ പെട്ടു. ഷൊർണൂരായപ്പോൾ അവർ ഇറങ്ങി. കൌതുകത്തോടെ ഞാൻ അവരെ നോക്കി. അന്യദേശക്കാരനെന്നു തോന്നിക്കുന്ന ഒരാൾ അവളിൽ നിന്ന് തുട്ടുകളും, നാണയങ്ങളും വാങ്ങി. അയാൾ തിരിഞ്ഞു നടന്നു. പെൺകുട്ടി പെറ്റിക്കോട്ടിൽ കയ്യിട്ട് നാണയത്തുട്ടുകൾ എടുത്തു. തൊട്ടടുത്ത കടയിൽ നിന്നും ഏതോ മിഠായി അവൾ വാങ്ങി അനിയനും(ആണൊ ആവോ!)കൊടുത്തു, അവളും തിന്നു. എന്റെ മനസ് എവിടൊക്കെയോ പോയ നിമിഷങ്ങൾ ഒരു അലർച്ചയിലും നിലവിളിയിലും മുറിഞ്ഞു. മുടിക്കു കുത്തിപ്പിടിച്ച് തമിഴിൽ അലറുകയാണ് നേരത്തേ പൈസ വാങ്ങിപ്പോയ ആൾ. കുട്ടികൾ ചില്ലറ കൊടുത്ത് മിഠായി വാങ്ങിയത് അയാൾ കണ്ടു പിടിച്ചുകാണും.....

ആർക്കാണ് നമ്മൾ ഭിക്ഷകൊടുക്കുന്നത്?

ഇതും, ഇതിനപ്പുറവുമുള്ള കാഴ്ചകൾ യാത്രകളിൽ നമ്മൾ കാണുന്നു. മിക്കപ്പോഴും നിസ്സംഗതപുലർത്തുന്നു. സൌമ്യ എന്നൊരു പാവം പെണ്ണ്‌ പിടഞ്ഞു വീണ് മണ്ണടിഞ്ഞിട്ട് നാളുകൾ ഏറേയായില്ല. ആ വാർത്തയറിഞ്ഞ ദിനങ്ങളിലെ ആത്മരോഷം ഇന്ന്, എത്രയാളുകൾ കൊണ്ടു നടക്കുന്നു?

ഇനിയും സൌമ്യമാർ ജീവൻ വെടിയുമ്പോഴൊക്കെ മാത്രമേ നമ്മൾ പ്രതികരിക്കുകയുള്ളോ?

സുഹൃത്തുക്കളേ,
സ്ത്രീകളുടെ ട്രെയിൻ യാത്ര സുരക്ഷിതമാക്കാനുദ്ദേശിച്ച് പലരും പല മാധ്യമങ്ങളിലും എഴുതി. അക്കൂട്ടത്തിൽ ഒന്ന് ഇവിടെ ഞാനും. നമുക്കിത് മുന്നോട്ടു കൊണ്ടുപോവുകയും ഫലപ്രാപ്തിയിലെത്തിക്കുകയും വേണം. ഇതു വായിക്കുന്ന നിങ്ങളോരോരുത്തരും, ഇക്കാര്യത്തിൽ തങ്ങളാൽ കഴിയുന്ന ശ്രമങ്ങൾ നടത്താനും, അത് ഇവിടെ അറിയിക്കാനും തയ്യാറാവനം എന്നഭ്യർത്ഥിക്കുന്നു.

ട്രെയിനിൽ യാത്രചെയ്യുന്ന അമ്മയ്ക്കും, സഹോദരിക്കും, ഭാര്യയ്ക്കും, മകൾക്കും, കൂട്ടുകാരിക്കും വേണ്ടി ചില ചിന്തകൾ ഇവിടെ ക്രോഡീകരിക്കുന്നു.

(ഈ ചർച്ച കണ്ടിട്ടില്ലാത്തവർക്ക് അതു കാണാം)

1.ഒരു ലേഡീസ് കമ്പാർട്ട്മെന്റ് കൊണ്ടു പരിഹരിക്കാവുന്നതല്ല ദിവസവും ട്രെയിൻയാത്ര ചെയ്യുന്ന സ്ത്രീകളുടെ പ്രശ്നങ്ങൾ.

2. ഇപ്പോൾ തന്നെ, ഇതുമായി ബന്ധപ്പെട്ട ചർച്ചയിൽ അഭിപ്രായം പ്രകടിപ്പിച്ചവർ ഉൾപ്പടെ മിക്കസ്ത്രീകളും യാത്രയിൽ, ലേഡീസ് കമ്പാർട്ട്മെന്റുകളിൽ കയറാറില്ല.

3. ദീർഘ ദൂര ട്രെയിനുകളിൽ ആകെയുണ്ടാവുന്ന ഒരു ലേഡീസ് കമ്പാർട്ട്മെന്റ് നടുഭാഗത്താക്കാൻ റെയിൽ വേയ്ക്ക് സാങ്കേതിക ബുദ്ധിമുട്ട് ഉണ്ട് എന്നാണറിയാൻ കഴിഞ്ഞത്. എന്നാൽ പരിഹരിക്കാനാവാത്ത ഒന്നല്ല അത്. റെയിൽ വേ ഭരിക്കുന്ന വനിതാ മന്ത്രി തന്നെ അതിനുള്ള മുൻ കൈ എടുക്കും എന്നു പ്രത്യാശിക്കാം.

അതിനു കഴിയുന്നില്ലെങ്കിൽ ലേഡീസ് കമ്പാർട്ട്മെന്റ് നിർത്തലാക്കി എല്ലാ ജനറൽ ബോഗികളിലും 25% സീറ്റുകൾ സ്ത്രീകൾക്ക് നൽകുക. ഇപ്പോൾ 4-5 ജനറൽ കമ്പാർട്ട്മെന്റുകൾ ഉണ്ട് ദീർഘദൂരവണ്ടികളിൽ (ലേഡീസ് കമ്പാർട്ട്മെന്റുൾപ്പടെ)

4. ദിനവും സർവീസ് നടത്തുന്ന ഷട്ടിൽ ട്രെയിനുകൾ / സ്ലീപ്പർകോച്ചില്ലാത്ത പരശുറാം പോലെയുള്ള എക്സ്പ്രസ് ട്രെയിനുകളിൽ ഒരു ലേഡീസ് കമ്പാർട്ട്മെന്റിൽ കൊള്ളാവുന്നതിന്റെ പത്തിരട്ടിയിലേറെ സ്ത്രീകളാണ് യാത്ര ചെയ്യുന്നത്. അവരുടെ സുരക്ഷ ഒരു കമ്പാർട്ട്മെന്റുകൊണ്ട് നിർവഹിക്കാനാവില്ല. ഇത്തരം ട്രെയിനുകളിലാണ് ജീവനക്കാരികളും, വിദ്യാർത്ഥിനികളും ഏറ്റവും കൂടുതൽ യാത്ര ചെയ്യുന്നത്. അല്ലാതെ ദീർഘദൂര ട്രെയിനുകളിലല്ല.

പരശുറാമിനു പുറമേ, വേണാട്, വഞ്ചിനാട്, വിവിധ ഇന്റർസിറ്റി എക്സ്പ്രസുകൾ, 100 ഓളം പ്രതിദിന ഷട്ടിൽ ട്രെയിനുകൾ എന്നിവ ഗണത്തിൽ വരും.

5. ഇത്തരം എല്ലാ ബോഗികളിലും 20-25 സീറ്റെങ്കിലും വച്ച് സ്ത്രീകൾക്കു മുൻഗണന എന്ന നിലയിൽ കൊടുത്താൽ അത് അവർക്കു വലിയൊരു അനുഗ്രഹമാകും. അത്യാവശ്യം വേണ്ട സ്വകാര്യത കിട്ടുകയും ചെയ്യും. ആ എൻഡിലുള്ള ബാത്ത് റൂം അവർക്കുപയോഗിക്കുകയും ചെയ്യാം. അവിടെ ആണുങ്ങൾ കൂടിനിൽക്കുന്നതുകാരണം ബാത്ത് റൂമിലേ പോകാതെ മണിക്കൂറുകൾ ഇരുന്നു ബുദ്ധിമുട്ടുന്ന സ്ത്രീകൾക്ക് അത് വലിയ ആശ്വാസമാകും. പിന്നെ, അവർക്കനുവദിച്ചിട്ടുള്ള സീറ്റ് ഉറപ്പാക്കാനുള്ള ആർജവമൊക്കെ ഇന്നത്തെ യാത്രക്കാരികൾക്ക് ഉണ്ട്.

ബോഗിയിലുള്ള മൂന്നു വാതിലുകളിൽ ലേഡീസിനു മുൻ ഗണനയുള്ള ഭാഗത്തെ വാതിലിൽ കൂടിയുള്ള പ്രവേശനം അവർക്കു മാത്രമായി നിജപ്പെടുത്തുക. ബാക്കി രണ്ടു വാതിലുകൾ പൊതുവായ പ്രവേശനമാർഗങ്ങൾ ആക്കി നിലനിർത്തുക.

6. ട്രെയിനുകളിൽ സുരക്ഷ ശക്തമാക്കുക. അതിനു വേണ്ട സ്റ്റാഫിനെ നിയമിക്കുക. അതിനുള്ള ഫീസ് റെയിൽ വേ ഇപ്പോൾത്തന്നെ ഈടാക്കുന്നുണ്ടല്ലോ!
(ഇന്ന് ഒരു സ്ത്രീയെ ആക്രമിച്ചു. നാളെ തണ്ടും തടിയുമുള്ള പുരുഷന്മാരും ക്രിമിനലുകളാൽ ആക്രമിക്കപ്പെടുകയില്ല എന്നാരെങ്കിലും ധരിക്കുന്നെങ്കിൽ അതു മൌഢ്യമാണ്!)
ഇനി അത് സംസ്ഥാനത്തിന്റെ ഉത്തരവ്വാദിത്തമാണെങ്കിൽ, അതു ചൂണ്ടിക്കാട്ടി, സംസ്ഥാന സർക്കാരിനു റെയിൽവേ കത്തു നൽകുക.

7. ഭിക്ഷാടനം, നാടുതെണ്ടൽ, കുട്ടികളെ ഉപയോഗിച്ചുള്ള പാട്ടുപ്രകടനങ്ങൾ, സി.ഡി - പുസ്തകക്കച്ചവടങ്ങൾ, ഇവ കർശനമായി നിരോധിക്കുക.

8.യാത്രക്കാരായ പുരുഷന്മാർ സ്ത്രീകളോട് അനുഭാവപൂർണമായി പെരുമാറുകയും, സ്വന്തം വീട്ടിലെ സ്ത്രീകൾക്ക് ആപത്തു വന്നാലത്തെപ്പോലെ ഉത്തരവാദിത്തത്തോടെ ഇത്തരം പ്രശ്നങ്ങളിൽ ഇടപെടുകയും ചെയ്യുക.

9. ട്രെയിനിലെ അപായച്ചങ്ങല വലിക്കാനുള്ളതാണ്. അപകടം വരുമ്പോൾ അതു വലിക്കുക തന്നെ ചെയ്യുക!

10. സീറ്റ് സംവരണം എന്നതുകൊണ്ട് ആണും പെണ്ണും ഇടകലർന്നിരിക്കരുതെന്ന് അർത്ഥമില്ല. ഒരു ബോഗിയിൽ 20 സീറ്റ് വീതം കൊടുത്താലും, യാത്രചെയ്യുന്ന മുഴുവൻ സ്ത്രീകളുടെ എണ്ണത്തിന് ആനുപാതികമാവില്ല അത്. ദിവസവും യാത്ര ചെയ്യുന്നവർക്കറിയാം ഇക്കാര്യം.

108 സീറ്റാണ് പരശുറാം പോലുള്ള ഒരു ട്രെയിനിന്റെ ബോഗിയിൽ ഉള്ളത്. അതിൽ 20 എണ്ണം കഴിഞ്ഞാലുള്ള 88 സീറ്റുകളിൽ പുരുഷന്മാർക്കും, സ്ത്രീകൾക്കും ഇരിക്കാം. കുടുംബമുള്ളവർക്ക് സകുടുംബം. അല്ലാത്തവർക്ക് സൌകര്യം പോലെ. എന്നാൽ ഒറ്റയ്ക്ക് യാത്രചെയ്യുന്ന സ്ത്രീകൾക്ക് ആ മുൻ ഗണനാ സീറ്റുകൾ കൂടിയേ തീരൂ. (25 % സീറ്റുകൾ കൊടുക്കാം എന്നാണ് എന്റെ വ്യക്തിപരമായ അഭിപ്രായം)

11.വിവരസാങ്കേതികവിദ്യ ഇത്രയും പുരോഗമിച്ച കാലത്ത്, ഗാർഡും എൻജിൻ ഡ്രൈവറും തമ്മിൽ ഫലപ്രദമായ ആശയവിനിമയത്തിന് ഫലപ്രദമായ സാങ്കേതികവിദ്യകൾ തേടുക. എമർജൻസി മാനേജ് മെന്റിന് നൂതനമാർഗങ്ങൾ ആവിഷ്കരിക്കുക.ചങ്ങല വലിക്കലിനു പകരം സംവിധാനങ്ങൾ യാത്രക്കാർക്കു വേണ്ടിയും ഏർപ്പെടുത്തുക.

ഇനി, മറ്റു ചില നിർദേശങ്ങൾ.....

1. സ്ത്രീകൾക്കെതിരെയുള്ള അക്രമങ്ങൾക്ക് കർശന ശിക്ഷ ഏർപ്പെടുത്തുക. തുടരെ തുടരെ ഒരാൾ ലൈംഗിക അതിക്രമങ്ങൾ നടത്തുകയാണെങ്കിൽ അയാളുടെ ലൈംഗികാവയവം ആധുനിക ശസ്ത്രക്രിയാരീതിയിലൂടെ നീക്കം ചെയ്യുക.(മറ്റു മാർഗമില്ല!)

2. മയക്കുമരുന്ന് കച്ചവടം കർശനമായി അടിച്ചമർത്തുക.

3. പെൺ കുട്ടികളോടും സ്ത്രീകളോടും മാന്യമായി പെരുമാറണം എന്ന ശീലം ആൺകുട്ടികളിൽ വളർത്താൻ, എല്ലാ അമ്മമാരും അച്ഛന്മാരും നിർബന്ധമായും ശ്രമിക്കുക.

4. പെൺകുട്ടികൾ ഒരാപത്തിൽ പെട്ടാൽ എങ്ങനെ പ്രതികരിക്കണം എന്നതിനെക്കുറിച്ച് അവർക്ക് സ്കൂൾ ക്ലാസുകളിൽ തന്നെ നിർദേശം കൊടുക്കുക.

5. തന്റെ സഹപാഠിയായ ഒരു പെൺ കുട്ടി അപകടത്തിൽ പെട്ടതു ശ്രദ്ധയിൽ പെട്ടാൽ അവളെ എങ്ങനെ സഹായിക്കണം എന്ന് ആൺ കുട്ടികൾക്കും പറഞ്ഞു കൊടുക്കുക/പഠിപ്പിക്കുക.

6. പുരുഷന്മാർ ആണത്തത്തോടെ പ്രതികരിക്കാൻ തയ്യാറാവുക. സമൂഹത്തിലെ ഏതൊരു സ്ത്രീക്കു വേണ്ടിയും താൻ ഉയർത്തുന്ന ശബ്ദം, തന്റെ തന്നെ സഹോദരിക്കോ, അമ്മയ്ക്കോ, ഭാര്യയ്ക്കോ വേണ്ടി മറ്റൊരാൾ ഉയർത്തുന്നതാണെന്ന ബോധ്യം ഭൂരിപക്ഷം ആണുങ്ങൾക്കെങ്കിലും ഉണ്ടാവണം.

ഇവിടെ വിവരിച്ചവയിൽ റെയിൽ വേയുമായി ബന്ധപ്പെട്ട നിർദേശങ്ങൾ ഉടൻ തന്നെ റെയിൽവേ അധികാരികളെ അറിയിക്കുന്നതാണ്. പാസഞ്ചേഴ്സ് അസോസിയേഷനുമായി ബന്ധപ്പെട്ട് എന്തെങ്കിലും ചെയ്യാനാവുമെങ്കിൽ അതും ചെയ്യാം.

നിർദേശങ്ങൾ ഇനിയും ഉണ്ടെകിൽ അവയും ചേർക്കാം.

ലേഡീസ് കമ്പാർട്ട്മെന്റുകൾ നിർത്തലാക്കുക!

2011-02-07T06:11:00.000-08:00

എട്ടു പത്തിനു വരേണ്ട ഷട്ടിൽ ട്രെയിൻ പല ദിവസങ്ങളിലും എട്ടേ മുക്കാലിനും, ചില ദിവസങ്ങളിൽ ഒൻപതുമണിക്കു ശേഷവും വൈകി വരുമ്പോൾ, കൊല്ലം റെയിൽ വേ സ്റ്റേഷനിൽ ആശങ്കയോടെ നിന്നിരുന്ന സഹോദരന്മാരുടെയും, അച്ഛന്മാരുടെയും, ഭർത്താക്കന്മാരുടെയും കൂട്ടത്തിൽ ഞാനും ഉണ്ടായിരുന്നു, കഴിഞ്ഞ രണ്ടു വർഷം.... ഭാര്യയെ കാത്ത്....

അവൾക്കു ചങ്ങനാശേരിയിൽ നിന്ന് ട്രാൻസ്ഫർ കിട്ടിയിട്ട് ഒരു മാസമേ ആകുന്നുള്ളൂ. അതുവരെ ഞങ്ങൾ അനുഭവിച്ചിരുന്ന - എന്നെക്കാൾ അവളുടെ അച്ഛൻ അനുഭവിച്ചിരുന്ന ടെൻഷൻ - എനിക്കു നന്നായറിയാം.

ട്രെയിൻ യാത്രയിലെ ദുരിതങ്ങൾ ഭാര്യ വിവരിക്കുമ്പോൾ ഒരല്പം അവിശ്വസനീയതയോടെ ‘അല്ലെങ്കിലും നിങ്ങൾ സ്ത്രീകൾക്ക് എല്ലാ ആണുങ്ങളും ആഭാസന്മാരാണെന്നാ വിചാരം’ എന്ന ഭാവത്തിൽ നിന്നിരുന്നവനാണ് ഞാൻ.....

ഇന്നിപ്പോൾ ഒരു ‘ഗോവിന്ദ സാമി’ എന്നെ പാടേ ഷണ്ഡനാക്കിക്കളഞ്ഞു!

സൌമ്യ എന്ന പാവം കുട്ടിയുടെ ദുരന്ത വാർത്ത കേട്ടപ്പോൾ, അമ്പരപ്പും, ലജ്ജയും ഭാര്യ കാണാതിരിക്കാൻ പാടുപെട്ടിട്ടുണ്ടാവും, എന്നെപ്പോലെ മിക്ക ഭർത്താക്കന്മാരും.....

മൃഗങ്ങൾ ഒരിക്കലും ചെയ്യാത്ത ചെയ്തിയെ മൃഗീയം എന്നു വിശേഷിപ്പിക്കാൻ ഞാനില്ല. ഇത് തികച്ചും മാനുഷികമായ തെണ്ടിത്തരം തന്നെയാണ്!

ലിംഗച്ഛേദം ഒരു മിനിമം ശിക്ഷ മാത്രമാണ് ഇത്തരം കുറ്റകൃത്യങ്ങളിൽ. അതു നമ്മുടെ നാട്ടിലും വേണം എന്ന ചിന്ത എന്റെ ഭാര്യ മുതൽ സഹപ്രവർത്തക വരെ പ്രകടിപ്പിക്കുന്നു....

(ബലാത്സംഗം ചെയ്തത് ഒരു മലയാളി അല്ലാഞ്ഞത് മറ്റൊരു ചർച്ചയ്ക്ക് അവസരം നിഷേധിച്ചു. അല്ലെങ്കിൽ ഇതു മുഴുവൻ മലയാളിയുടെ ലൈംഗികദാരിദ്ര്യം മൂലമാണെന്നും, ഉടൻ വേശ്യാത്തെരുവുകൾ സ്ഥാപിച്ച് അത് പരിഹരിക്കണം എന്നും ചിലരെങ്കിലും ആവശ്യപ്പെട്ടേനേ!)

ഒപ്പം മറ്റൊന്നു കൂടി. വെറും കാമദാഹം മാത്രമല്ല ഇത്തരം കുറ്റകൃത്യങ്ങൾക്കു പിന്നിൽ. മനോവൈകല്യവും,മയക്കുമരുന്ന് ഉപയോഗവും കൂടിയാണ് പലരെയും ഹാലിളക്കുന്നത്. വികലാംഗത്വം പോലും അതിനൊരു തടസമല്ല എന്നും നമ്മൾ കണ്ടു!
അതുകൊണ്ട് നമ്മുടെ ശ്രദ്ധ ആ വഴിക്കും തിരിഞ്ഞേ തീരൂ.

ഇനി റെയിൽ വേ നടത്തിപ്പിനെപ്പറ്റി.

ലേഡീസ് കമ്പാർട്ട്മെന്റുകൾ കൊണ്ട് എന്താണുദ്ദേശിക്കുന്നത്?
സ്ത്രീകൾക്ക് സുരക്ഷിതരായി യാത്ര ചെയ്യാൻ സൌകര്യം ഒരുക്കുക എന്നതല്ലേ അത്? പക്ഷേ അത് പ്രയോജനം ചെയ്യുന്നില്ല എന്നത് നമുക്കു ബൊധ്യമായി. മിക്ക ട്രെയിനികളിലും ഏറ്റവും പിന്നിലാണ് ലേഡീസ് കമ്പാർട്ട്മെന്റ്. ലോക്കൽ സ്റ്റെഷനുകളിലൊന്നും നീളമുള്ള പ്ലാറ്റ്ഫൊമുകൾ ഇല്ലാത്തതിനാൽ, മിക്കപ്പോഴും, പ്ലാറ്റ്ഫൊമില്ലാത്ത കുറ്റിക്കാടുവളർന്ന സ്ഥലങ്ങളിലാണ് ഇവ വന്നു നിൽക്കുന്നത്. അതിൽ നിന്ന് ഞാന്നിറങ്ങുന്ന സ്ത്രീകൾ താഴെവീഴാതെ, പാമ്പുകടിയേൽക്കാതെ, സാമൂഹ്യവിരുദ്ധരുടെ ശല്യമില്ലാതെ, വീടെത്തുന്നതെങ്ങനെയെന്ന് ആ പാവങ്ങൾക്കു മാത്രം അറിയാം!

സാധാരണ സെക്കൻഡ് ക്ലാസ് റെയിൽ വേ കമ്പാർട്ട്മെന്റുകളിൽ ഇരുന്നു യാത്രചെയ്യാനുള്ള പ്രൊവിഷനേ ഉള്ളൂ.കിടക്കാൻ സൌകര്യം ഇല്ല.
മുന്നിലും പിന്നിലും ഉള്ള കമ്പാർട്ട്മെന്റുകളുമായി ബന്ധമില്ലാതെയാണ് ലേഡീസ് കമ്പാർട്ട്മെന്റുകൾ ഘടിപ്പിക്കാറ്‌.
അതു നടുക്കാക്കാൻ റെയിൽവേയ്ക്ക് കഴിയുകയില്ല.
അതുകൊണ്ട്, എനിക്കു പറയാനുള്ളത്, ഇതാണ് - ട്രെയിനുകളിൽ ലേഡീസ് കമ്പാർട്ട്മെന്റുകൾ നിർത്തലാക്കുക!
പകരം ഷട്ടിൽ ട്രെയിനുകളിൽ, മൊത്തംബോഗികളിലും നാലിൽ ഒന്നു സീറ്റുകൾ വനിതകൾക്കായി സംവരണം ചെയ്യുക - ബസ്സുകളിൽ ചെയ്യുന്നപോലെ തന്നെ. അവ ഒരുമിച്ചായാൽ അത്രയും നന്ന്. 72 സീറ്റുള്ള ഒരു ബോഗിയിൽ 18 സീറ്റുകൾ സ്ത്രീകൾക്കായി മാത്രം മാറ്റിവയ്ക്കണം.

ജനറൽ ബോഗികളുടെ എണ്ണം എക്സ്പ്രസ് ട്രെയിനുകളിൽ അഞ്ചാക്കുക. മുന്നിൽ രണ്ട്. പിന്നിൽ മൂന്ന് എന്ന ക്രമത്തിൽ. അവിടെയും ഓരോ ബോഗിയിലും 18 സീറ്റുകൾ വീതം സ്ത്രീകൾക്കു മാത്രമായി മാറ്റിവയ്ക്കുക. അങ്ങനെയാവുമ്പോൾ 90 സീറ്റുകൾ സ്ത്രീകൾക്കു മാത്രമായി ലഭിക്കും. പുരുഷന്മാരുറ്റെ സീറ്റുകൾ കുറയുകയുമില്ല.

ഇതു മൂലം സ്ത്രീകൾക്കെതിരെയുള്ള അതിക്രമങ്ങൾ കുറയ്ക്കാനും, അഥവാ ആരെങ്കിലും അങ്ങനെ ചെയ്താൽ അതിനെ എതിർക്കാൻ സുമനസ്സുകളായ പുരുഷന്മാർക്ക് മുന്നോട്ടു വരാനും സഹായകമാകും.

വായനക്കാരുടെ നിർദേശങ്ങൾ പ്രതീക്ഷിക്കുന്നു....

കൊച്ചിക്കായലിൽ ഒരു ബ്ലോഗ് മീറ്റ്!

2011-01-07T08:38:00.000-08:00

സുഹൃത്തുക്കളെ....

കഴിഞ്ഞയാഴ്ചയാണ് പുതുവത്സരത്തിൽ ഒരു ബ്ലോഗർ സംഗമം നടത്തിയാലോ എന്ന് ചില കൊച്ചിവാസികളായ ബ്ലോഗർമാർക്ക് തോന്നിയത്. അങ്ങനെയാണ് തിടുക്കത്തിൽ ഞാനൊരു പോസ്റ്റിട്ടതും.

ആദ്യം കൊച്ചിയിലും പരിസരപ്രദേശത്തുമുള്ളവർ കൂടാം എന്നായിരുന്നു കരുതിയിരുന്നതെങ്കിലും പിന്നീട് സജിം തട്ടത്തുമല, ഷെറീഫ് കൊട്ടാരക്കര, ആളവന്താൻ തുടങ്ങിയ വിദൂരസ്ഥരായ സുഹൃത്തുക്കളും വരാം എന്നേറ്റു.20 ഓളം പേർ എത്തും എന്ന ധാരണയുണ്ടായി.

അങ്ങനെ ജനുവരി ആറാം തീയതി വ്യാഴാഴ്ച സമാഗതമായി. വൈകുന്നേരം കൃത്യം നാലുമണിക്കു തന്നെ ഒരു ഫോൺ കോളെത്തി. ബ്ലോഗർ ദമ്പതികളായ ആവനാഴി രാഘവേട്ടനും പത്നി മാവേലികേരളം ബ്ലോഗുടമ പ്രസന്നച്ചേച്ചിയും മറൈൻ ഡ്രൈവിനും മുന്നിൽ നിൽക്കുന്നു എന്നറിയിക്കാൻ രാഘവെട്ടൻ ആണ് വിളിച്ചത്.

അതിനു തൊട്ടു മുൻപ് ഒരു മെസേജ് വന്നിരുന്നു “ഞാൻ മഴവിൽ പാലത്തിനു മുന്നിലുണ്ട്
മെസേജിൽ പേരു വയ്ക്കാഞ്ഞതുകാരണം ആരാണ് മഴവിൽ പാലത്തിനു മുന്നിൽ എന്നു മനസ്സിലായില്ല. ആ നമ്പറിൽ വിളിച്ചു. “ഞാൻ ദിലീപാണ്..” എന്നു മറുപടി കിട്ടി. ‘മേരിക്കുണ്ടൊരു കുഞ്ഞാട്’ കണ്ടിട്ടു നിൽക്കുകയാണത്രെ! ദൈവമേ! ദിലീപും ബ്ലോഗറായോ.....ആശയക്കുഴപ്പം നീളും മുൻപേ ഫോൺ കട്ടായി.

ഞാൻ ഒരു മിനിറ്റിനുള്ളിൽ മറൈൻ ഡ്രൈവിലെത്തി.

മുന്നിൽ തന്നെ രാഘവേട്ടനും പ്രസന്നച്ചേച്ചിയും നിൽക്കുന്നു. അവർക്ക് എന്നെ മനസ്സിലായില്ലെങ്കിലും എനിക്ക് അവരെ മനസ്സിലായി. താൻ ഒരു ചുവന്ന ബാഗുമായി നിൽക്കുന്നു എന്ന് രാഘവേട്ടൻ പറഞ്ഞിരുന്നു.

ദാ.... ഇതാണ് പുള്ളി!

ഇത് പ്രസന്നച്ചേച്ചി....

അവരെയും കൂട്ടി മറൈൻ ഡ്രൈവിലെ ജി.സി.ഡി.എ.കോമ്പ്ലക്സിനു പിന്നിൽ കായലോരത്തുകൂടിയുള്ള പ്രശസ്തമായ നടപ്പാതയിലേക്ക് പോയി.

കൊച്ചീക്കായലിൽ നത്തയ്ക്ക നോക്കി ഒരു പയ്യൻ അവിടെ നിൽക്കുന്നുണ്ടായിരുന്നു.

നല്ല പരിചയം തോന്നിക്കുന്ന പയ്യനെ നോക്കി ഒന്നു തിരിഞ്ഞപ്പോൾ സൈഡിൽ നോക്കി മറ്റൊരാൾ വരുന്നു.... ഷെറീഫ് കൊട്ടാരക്കര!

അദ്ദേഹം “ഹാ... മത്താപ്പേ... ! ”എന്നു വിളിച്ച് പയ്യനടുത്തേക്കോടിയെത്തി!
ഹോ! എന്റെയൊരു മറവി! കഴിഞ്ഞ ഇടപ്പള്ളി മീറ്റിനു കണ്ട പയ്യനാ മത്താപ്പ്.... മത്താപ്പ് ദിലീപ്!
ഷേണായീസിൽ പോയി ‘മേരിക്കുണ്ടൊരു കുഞ്ഞാട്’കണ്ടിട്ടു വന്ന ദിലീപ്!

അവർ കൂട്ടുകാർ ഒരു പടം എടുക്കണം എന്ന് എന്നോടാജ്ഞാപിച്ചു.
അനുസരിക്കുകയല്ലാതെ എന്തു മാർഗം!

അപ്പോൾ, അതാ വരുന്നു പൊക്കണ സഞ്ചിയുമായി രണ്ടുപേർ!
മനോരാജ്, യൂസുഫ്പ!
“ആഹാ! അഞ്ചാളുണ്ടോ!? അപ്പോ മീറ്റ് വിജയിച്ചു!” ഒന്നു ഞെളിഞ്ഞു നിന്ന് മനോ പ്രഖ്യാപിച്ചു.

എല്ലാവരും പരസ്പരം പരിചയപ്പെട്ടു.
കൃതി പബ്ലിക്കേഷൻസ് പ്രസിദ്ധീകരിച്ച ബ്ലോഗ് കഥകളുടെ സമാഹാരം “ മൌനത്തിനപ്പുറ”വുമായാണ് മനോരാജ് എത്തിയിരിക്കുന്നത്.
അങ്ങനെ കത്തി മൂക്കവേ അടുത്ത ബ്ലോഗർ ദമ്പതികൾ എത്തി. ലീലേച്ചിയും ചന്ദ്രേട്ടനും.അതോടെ മത്താപ്പ് പൊട്ടിവിരിഞ്ഞു!

മണി നാലര.
അടുത്തതായെത്തിയത് ഒരു കറുമ്പൻ, കുറുമ്പൻ, സുമുഖൻ, സുന്ദരൺ!
ആളവൻ തന്നെ... ആളവന്താൻ! വിമൽ.

പോക്കുവെയിലും ഇളം കാറ്റുമേറ്റ് കായൽക്കരയിൽ സൌഹൃദ സല്ലാപം പൊടി പൊടിച്ചു.

“ചേച്ചി ബ്ലോഗറാണോ..?” ഒരു കിളിമൊഴി.
പ്രസന്നച്ചേച്ചിയും, ലീലേച്ചിയും ആഹ്ലാദത്തോടെ യുവബ്ലോഗർ സോണിയയെ സ്വീകരിച്ചു. ഒപ്പമുള്ളത് അനിയത്തിയാണെന്ന് സോണിയ പറഞ്ഞപ്പോൾ എല്ലാവർക്കും അതിശയം. ഐ.റ്റി. പ്രൊഫഷണലാണ് സോണിയ.

സമയം അഞ്ചാകുന്നു.
“ഹലോ... ഹലോ.... അതെയതെ ... ബിസിയാണ്... ബിസി... ബിസി...” ചെങ്കൊടിയിൽ വരയിട്ട ടീ ഷർട്ടുകാരൻ, നെറ്റിയിൽ കുറിയുമായി ഭയങ്കരതിടുക്കത്തിൽ പ്രത്യക്ഷപ്പെട്ടു.....വട്ടപ്പറമ്പൻ പ്രവീൺ!
പല മൾട്ടിനാഷണൽ ക്ലയന്റ്സിനെയും അവഗണിച്ചാണ് താൻ ഇപ്പോൾ ഇവിടെയെത്തിയത് എന്ന് വട്ടപ്പറമ്പൻ ഞങ്ങളെ അറിയിച്ചു.

“എന്നെക്കാൾ മുൻപേ നീ വരും അല്ലേടാ...!” എന്ന അലർച്ചയും, മനോരാജിന്റെ നിലവിളിയും കേട്ട് ഞെട്ടിത്തിരിഞ്ഞു നോക്കുമ്പോൾ കണ്ടത്, സ്നേഹമസൃണമായി മനോരാജിന്റെ കഴുത്തിനു പിടിച്ച് അഭിവാദ്യം ചെയ്യുന്ന നന്ദനെ. ആ സ്നേഹപ്രകടനം കണ്ട് പുളകം കൊള്ളുന്ന ഒരു കൊച്ചീക്കാരൻ പിന്നിൽ.

മനോരാജിന്റെ കഴുത്തിനു പിടിച്ച ആനന്ദത്തിൽ വിജൃംഭിതവീര്യനായി നന്ദൻ

അപ്പോൾ ‘നമ്മുടെ ബൂലോക’ത്തുനിന്നും ജോ എത്തി.

മനോരാജും, പ്രവീണും നർമ്മ ഭാഷണത്തിൽ.
ഒപ്പം ലീലേച്ചി.

മനോരാജ്, ജയൻ ഏവൂർ

യൂസുഫ്പ, പ്രവീൺ, മനോരാജ്

അഞ്ചര മണിയായി. ഇനി ഒരു ബോട്ട് യാത്ര. ഈ സംഗമത്തിന്റെ പ്രധാന ഉദ്ദേശമായ മലയാളം ബ്ലോഗ് ചർച്ച ബോട്ടിൽ വച്ചാണ്. എല്ലാവരും എണീറ്റു. ബോട്ട് ജെട്ടിയിലേക്ക്.

ബോട്ടിൽ കയറും മുൻപൊരു ഗ്രൂപ്പ് ഫോട്ടോ.

ആ ഫോട്ടോയും ഈ ഫോട്ടോയും തമ്മിൽ വ്യത്യാസം എന്ത്?
കണ്ടു പിടിക്കുന്നവർക്ക് സമ്മാനം , നന്ദൻ വക!

ബോട്ടിലേക്ക്.

എല്ലാവരും....

കായൽ സഞ്ചാരം....

കായലിന്റെ മാദകഭംഗി മനോരാ‍ജിനെ ഹഠാദാകർഷിച്ചു. ഉടൻ തുടങ്ങി, ഒപ്പിയെടുക്കൽ!

അതോടെ മറ്റുള്ളവരും....

ഇതാണ് ഓണത്തിനിടയിൽ പുട്ടുകച്ചവടം എന്നു പറയുന്നത്....വട്ടപ്പറമ്പൻ പറയുന്നു...

ലോകത്തിൽ വട്ടപ്പറമ്പിൽ മാത്രം കണ്ടുവരുന്ന അപൂർവയിനം മുന്തിരിയാണ് ‘ലോലോലിക്ക!’ ചിലർ ഓലിക്ക, ഡബിളോളിക്ക എന്നൊക്കെ വിളിക്കും! പ്രവീൺ മാർക്കറ്റിംഗ് ആരംഭിച്ചു.

മുന്തിരി പുളിക്കുമോ എന്ന് സംശയിച്ചിരുന്ന പ്രസന്നച്ചേച്ചിയെ കത്തിയിൽ വീഴ്ത്തുന്ന വട്ടപ്പറമ്പൻ...

തിന്നണ്ട വിധം വിവരിക്കുന്നു!

അളിയാ.... ടച്ചിംഗ്സ് ഉഗ്രൻ...! ഇനി കുപ്പിയെട്.....ഓലോലിക്ക തിന്ന് കിന്റായി മനോരാജ്!

ഓലോലിക്കയിൽ വീണ ജയൻ ഏവൂരിന്റെ ആത്മഹർഷം....

മര്യാദയ്ക്ക് ചർച്ച തുടങ്ങ്!
വട്ടപ്പറമ്പൻ സീരിയസായി.

ആരോ പ്രസംഗം തുടങ്ങി. അതിൽ ആകൃഷ്ടയായി പ്രസന്നച്ചേച്ചി.

പഴയ സത്യൻ മാഷ് ശൈലിയിൽ കൊട്ടാരക്കരയുടെ രോമാഞ്ചം ഷേറീഫിക്ക...

മറുവാദങ്ങളുമായി ലീലേച്ചി.

നിങ്ങൾ പറയുന്നതു മാത്രം ശരി എന്നു ഞാൻ സമ്മതിക്കില്ല. മത്താപ്പിന്റെ വാദം ഖണ്ഡിക്കുന്ന വട്ടപ്പറമ്പൻ.

മത്താപ്പ് ഉശിരൻ ഫോമിലായിരുന്നു. പക്ഷേ ആ ഫോട്ടോ എടുക്കാൻ കഴിഞ്ഞില്ല.
പകരം ശാന്തനായ ശേഷമുള്ള ഫോട്ടോ.

നന്ദന് ജോ ഹാൻഡിക്യാമിൽ കൈവിഷം കൊടുത്തു...!

അപ്പോൾ അതുവഴി ഒരു പോലീസ് ജീപ്പ്, ഛേ1 പോലീസ് ബോട്ട് വന്നു!
ബോട്ടുകാർ പരിഭ്രാന്തരായി എല്ലാരുടെയും മേൽ ലൈഫ് ജായ്ക്കറ്റുകൾ എറിഞ്ഞു പിടിപ്പിച്ചു.

പിന്നെ അല്പം കാഴ്ച കാണൽ....

ഒരു മണിക്കൂർ നീണ്ട കായൽ സവാരി അവസാനിക്കുകയാണ്...
സന്ധ്യ മയങ്ങും നേരം.....

ആളവന്താൻ മയങ്ങിപ്പോയത് ഇതുകണ്ടാണ്....

ദൂരെ മാണിക്യച്ചെമ്പഴുക്ക മുങ്ങിത്താഴും മുൻപ് കൂടണയാൻ വെമ്പുന്ന പക്ഷികൾ.....

ഞങ്ങളും കര പറ്റി.
അപ്പോഴാണ് നക്ഷത്രം പോലൊരാൾ മുൻപിൽ പ്രത്യക്ഷപ്പെട്ടത്!
സജിം തട്ടത്തുമല. നാലര മുതൽ മറൈൻ ഡ്രൈവിൽ കറങ്ങി നടക്കുകയായിരുന്നത്രെ അദ്ദേഹം!
ആരുടെയും ഫോൺ നമ്പർ കയ്യിലില്ല. കഴിഞ്ഞ മീറ്റിൽ വാങ്ങിയ നമ്പരൊക്കെ മനസ്സിൽ സേവ് ചെയ്തിട്ടാണ് വന്നത്. പക്ഷേ മൊബൈലിൽ ഞെക്കിയപ്പോൾ അതൊന്നും തെളിഞ്ഞില്ലത്രെ!

എന്തായാലും ഞങ്ങളെ കണ്ടതോടെ സജിം ഹാപ്പിയായി. ഉടൻ നോട്ടുകുറിക്കൽ തുടങ്ങി. ലേഖനം ഉടൻ പ്രതീക്ഷിക്കാം!

രാത്രിയായതോടെ നന്ദനും കുറിപ്പടിതുടങ്ങി.

ഇനി ... പാതയോരത്ത് ഒരു കവിതാലാപനം....
ലീലേച്ചി കവിത ചൊല്ലുന്നു.

അപ്പോഴേക്കും ബ്ലോഗർ സിജീഷ് വന്നു ചേർന്നു.
ശ്രദ്ധയോടെ സജിം...

നന്ദൻ ചിന്തയിലാണ്ടു...

പരസ്പരം കളിയാ‍ക്കിയും, പൊട്ടിച്ചിരിച്ചും, വാദപ്രതിവാദം നടത്തിയും ഒരു സുഹൃദ്സംഗമം സമാപിക്കുകയാണ്......

സാർത്ഥകമായ ഒരു സായന്തനം മറയും മുൻപ് ഒരുമിച്ച്.......

ജോ യുടെയും മത്താപ്പിന്റെയും നടുവിൽ നിൽക്കുന്നതാ‍ണ് സിജീഷ്.

ഈ സംഗമത്തിന്റെ ഭാഗമായി വളരെ ഗൌരവകരമായും, ക്രിയാത്മകമായും ഒരു മണിക്കൂർ നീണ്ട ചർച്ച നടന്നു. എല്ലാവരും അതിൽ സജീവമായി പങ്കേടുത്തു. മത്താപ്പു തുടങ്ങി വച്ച വെടിക്കെട്ട് മറ്റുള്ളവർ പൂർത്തീകരിച്ചു.

ഞങ്ങൾ പറയുന്നു, ഒരു ബ്ലോഗ് വസന്തം അകലെയല്ല!

അതിന്റെ വിശദാംശങ്ങൾ അടുത്ത പോസ്റ്റിൽ....

സ്റ്റോപ്പ് പ്രസ്: വാക്കു പാലിക്കാൻ കഴിഞ്ഞില്ല. ഒരു ട്രെയിനിംഗിൽ പെട്ടു.
മനോരാജ് ഈ വിഷയത്തിൽ പുതിയ പോസ്റ്റിട്ടിട്ടുണ്ട്
ദയവായി വായിക്കുക.

കായല്‍പ്പരപ്പില്‍ ഒരു ബ്ലോഗ് മീറ്റ് - ചര്‍ച്ചയിലേക്ക്

ബ്ലോഗർ സുഹൃത്തുക്കൾക്ക് സ്വാഗതം!

2010-12-30T22:52:00.000-08:00

ഇന്ന് ന്യൂ ഇയർ ഈവാണ്.

2010 ഇനി മറിഞ്ഞുപോയ കലണ്ടർ താളുകളിലും, നമ്മുടെയൊക്കെ ഓർമ്മകളിലും അവശേഷിക്കും.

കഴിഞ്ഞ നൂറ്റാണ്ടോടെ കത്തെഴുത്ത് മണ്മറഞ്ഞതിൽ പിന്നെ ആശയസംവേദനത്തിനായി മലയാളം ഏറ്റവും കൂടുതൽ എഴുതപ്പെടുന്ന മേഖലയായി ബൂലോകം മാറി എന്നത് അഭിമാനിക്കത്തക്ക നേട്ടമാണ്.

എന്നാൽ, ഒട്ടേറെ പ്രതീക്ഷകളും സാധ്യതകളുമായി പുതിയ മില്ലെനിയത്തിൽ അവതരിച്ച ബ്ലോഗ് എന്ന മാധ്യമം നിറയെ വെല്ലുവിളികൾ നേരിട്ട വർഷമാണ് 2010.

സാകേതികത അതിന്റെ വിശ്വരൂപം അക്ഷരാർത്ഥത്തിൽ പ്രകടിപ്പിക്കുന്ന ഇക്കാലത്ത്, അതിന്റെ പിന്തുണയോടെ തന്നെ വന്ന പുതു സംരംഭങ്ങൾ - ട്വിറ്റർ, ബസ്, ഫെയ്സ് ബുക്ക് തുടങ്ങിയവ - ബ്ലോഗ് എന്ന മാധ്യമത്തെ വിഴുങ്ങിക്കളയുമോ എന്ന ആശങ്ക ലോകമെമ്പാടുമുള്ള ബ്ലോഗ് പ്രേമികളിൽ ഉണർത്തിയിട്ടുണ്ട്.

സാഹിത്യത്തിന്, മാധ്യമ പ്രവർത്തനത്തിന്, ആശയപ്രചാരണത്തിന്, അതിജീവനത്തിന്....
ഒക്കെ ഒരു ബദൽ സംരംഭം എന്ന നിലയിൽ തുടങ്ങിയതാണെങ്കിലും മലയാളത്തെ സംബന്ധിച്ചിടത്തോളം സാഹിത്യരചനകൾക്കും, ആശയപ്രചാരണങ്ങൾക്കുമായാണ് ബ്ലോഗ് കൂടുതലായി ഉപയോഗിക്കപ്പെട്ടത്.

വർഷങ്ങളായി എഴുത്തും വായനയും കൈമോശം വന്ന സാഹിത്യപ്രേമികളായ ആൾക്കാരായിരുന്നു (അതും സാങ്കേതികമേഖലയിൽ പ്രവർത്തിച്ചിരുന്നവർ) മലയാളത്തിലെ ആദ്യ ബ്ലോഗർമാർ. തുടർന്ന് പ്രവാസികളുടെ ഒരു വലിയ കൂട്ടം തന്നെ ബൂലോകത്തേക്കൊഴുകിയെത്തി. എഴുതിയും വയിച്ചും പരസ്പരം പ്രോത്സാഹിപ്പിച്ചു, വിമർശിച്ചും ഒരു ബ്ലോഗർ കൂട്ടാ‍യ്മ തന്നെ ഇവിടെ ഉരുത്തിരിഞ്ഞു വന്നു.

എന്നാൽ പോകെപ്പോകെ പുതുമ നശിച്ചിട്ടോ, ഉറവ വറ്റിയിട്ടോ, തൊഴിൽ പ്രശ്നങ്ങൾ മൂലമോ ഒക്കെയായി, ബ്ലോഗിൽ പലരുടെയും എഴുത്തു കുറഞ്ഞു. പുതുമുഖങ്ങൾ വന്നെത്തുന്നുണ്ടെങ്കിലും രണ്ടു കൊല്ലം മുൻപുവരെ ഉണ്ടായിരുന്ന ആവേശം ഇന്ന് ബ്ലോഗ് രംഗത്തു കാണുന്നില്ല.( ഈ വിഷയത്തിൽ ഞാൻ മുൻപൊരു പോസ്റ്റിട്ടിരുന്നത് കാണുക )

എന്നാൽ ഇത് മലയാളത്തിലെ മാത്രം പ്രശ്നമല്ല. ആഗോളതലത്തിൽ തന്നെ പുതുസംരംഭങ്ങൾ യുവാക്കളെ ആകർഷിക്കുന്ന പുതുരീതികളുമായി വന്നപ്പോൾ ടീനേജും, യൂത്തും ബ്ലോഗിൽ വിരളമായി. അങ്ങനെയാണ് “ദ ബ്ലോഗ് ഈസ് ഡെഡ്; ലോങ് ലിവ് ദ ബ്ലോഗ് !” എന്ന് സായിപ്പ് വിളിച്ചു കൂവിയത്.

ഭാഗ്യവശാൽ മലയാളം ബ്ലോഗ് മരിച്ചിട്ടില്ല. അല്പം മാന്ദ്യം ഉണ്ടായി എന്നു മാത്രം.

മലയാളം പോലുള്ള പ്രാദേശിക ഭാഷകൾക്ക് നിലനിൽക്കാനും, തലയുയർത്താനും ഭാവിയിൽ പറ്റിയ ഏറ്റവും നല്ല മാധ്യമമാണ് ബ്ലോഗ്.

സാഹിത്യ അക്കാഡമി ഉൾപ്പടെ ഇക്കാര്യത്തിൽ ബോധമുള്ളതായിക്കഴിഞ്ഞു എന്നത് നമ്മെ സംബന്ധിച്ചും, ഭാഷയെ സംബന്ധിച്ചും ശുഭോദർക്കമാണ്.

മുഖ്യധാരാ ബ്ലോഗർമാരെക്കൂടി ഉൾപ്പെടുത്തി ആ സംരംഭംവിജയിപ്പിക്കുവാൻ അക്കാഡമി ശ്രമിക്കും എന്ന് പ്രത്യാശിക്കുകയാണ്.

ഈ വിഷയവുമായി ബന്ധപ്പെട്ട് ബ്ലോഗർമാർ തുടങ്ങിയ സംരംഭം കാണുക. സാഹിത്യ അക്കാഡമിക്ക് ഒരു ഭീമഹർജി

മലയാളം ബ്ലോഗിനെ സംബന്ധിച്ചിടത്തോളം അതിന്റെ പ്രാഥമികവായനക്കാർ ബ്ലോഗർമാർ തന്നെയാണ്! ഇതു തന്നെയാണ് നമ്മുടെ വെല്ലുവിളിയും. അതുകൊണ്ട് ബ്ലോഗർമാരല്ലാത്ത വായനക്കാരെ ആകർഷിക്കാനുള്ള പ്രവർത്തനങ്ങൾ, പുതുതലമുറയെ ബ്ലോഗർമാരാകാൻ ക്ഷണിക്കൽ ഇവ നമ്മൾ തന്നെ മുൻ കൈ എടുത്ത് നടത്തിയേ മതിയാകൂ.

മലയാളഭാഷയോടും, ബ്ലോഗ് സമൂഹത്തോടു ഉള്ള നമ്മുടെ ഉത്തരവാദിത്തമായി ഇത് നമ്മൾ ഏറ്റെടുക്കണം എന്ന് എല്ലാ സുഹൃത്തുക്കളോടും അഭ്യർത്ഥിക്കുന്നു.

ബ്ലോഗ് ലിറ്ററസിയെപ്പറ്റി ബൂലോകം ഓൺലൈൻ നടത്തുന്ന പ്രവർത്തനങ്ങളും ശ്ലാഘനീയമാണ്. അതുപോലെ തന്ന്നെ മലയാളത്തിലെ ഏറ്റവും വലിയ സോഷ്യൽ നെറ്റ്വർക്കിംഗ് സൈറ്റായ കൂട്ടം.കോം കഥാ-കവിതാ മത്സരങ്ങൾ നടത്തി ബ്ലോഗുകളെ പ്രോത്സാഹിപ്പിക്കുന്നു.

നമ്മുടെ ബൂലോകം, ബ്ലോത്രം തുടങ്ങി നമുക്കു പരിചിതമായ മറ്റു പ്രസ്ഥാനങ്ങളുമുണ്ട്.

നമുക്കൊക്കെ ഒന്നായി നിന്നുകൊണ്ട് മലയാളം ബൂലോകത്തിന്റെ സടകുടഞ്ഞെണീക്കലിനു സാക്ഷ്യം വഹിക്കാം; പങ്കാളികളാകാം!

ഒപ്പം ഓർക്കാനുള്ളത്, കേവലം നൊസ്റ്റാൽജിയ എഴുത്തുകൾക്കുപരി വ്യത്യസ്തമായ വിഷയങ്ങളും, രചനാ സമ്പ്രദായങ്ങളും ബ്ലോഗുകളിൽ കടന്നു വരേണ്ടിയിരിക്കുന്നു എന്നുള്ളതാണ്.

2011 ബ്ലോഗ് നവോത്ഥാനത്തിനുള്ള വർഷമായിത്തീരട്ടെ!

എല്ലാവർക്കും പുതുവത്സരാശംസകൾ!

എറണാകുളത്തും പരിസരപ്രദേശത്തുമുള്ള പുതുവത്സരാഘോഷത്തിനായി ബ്ലോഗർമാരെ ഒരുമിച്ചു കൂടാൻ ക്ഷണിക്കുന്നു. ജാനുവരി ആറാം തീയതി എറണാകുളത്ത് ചേരാൻ താല്പര്യമുള്ള ബ്ലോഗർമാർ വിവരം ഈ ബ്ലോഗില അറിയിക്കണം എന്നു താല്പര്യപ്പെടുന്നു. മേൽ വിഷയത്തിലുള്ള പ്രാഥമിക ചർച്ചയും നമുക്കു നടത്താം.

വൈകുന്നേരം നല്ലൊരു സായന്തനം 4 മണി മുതൽ 8 മണി വരെ എന്നാണുദ്ദേശിക്കുന്നത്. മറ്റു നിർദേശങ്ങൾ ഉണ്ടെങ്കിൽ അതും ഇവിടെ പറയാവുന്നതാണ്.
സ്ഥലം: മറൈൻ ഡ്രൈവ്, എറണാകുളം.

ചില ബ്ലോഗർമാരുടെ യഥാർത്ഥ മുഖം!

2010-11-26T22:21:00.000-08:00

കാണാമറയത്തിരുന്ന് കലാസൃഷ്ടി നടത്തി കാലം കഴിക്കുന്ന കശ്മലന്മാരാണ് ബ്ലോഗർമാർ എന്ന് പ്രശസ്ത സാഹിത്യകാരൻ ചെറായി ചെല്ലപ്പൻ അഭിപ്രായപ്പെട്ടു.

ഇവരുടെ ഒക്കെ യഥാർത്ഥമുഖം കണ്ട് താൻ ഞെട്ടിപ്പോയി എന്നും അതിയാൻ അഫിപ്രായപ്പെട്ടു. മുപ്പതു വർഷത്തെ കലാസപര്യയ്ക്കിടെ തൊള്ളായിരത്തിമുന്നൂറ് കഥകളും തൊണ്ണൂറ്റിനാല്പത്തെട്ട് നോവലുകളും എഴുതിയ തന്നെയൊന്നും ഇവറ്റകൾക്കു ബഹുമാനം ഇല്ലെന്നും ഇതിനൊന്നും ഇവരെ പറഞ്ഞിട്ടുകാര്യമില്ലെന്നും ചെ.ചെ. കൂട്ടിച്ചേർത്തു.

"ഇവന്മാരുടേം, ഇവളുമാരുടെ അമ്മൂമ്മേടെ കുഴപ്പമാണിതെല്ലാം. ആ ഗൂഗിളമ്മച്ചിയെ എങ്ങാനും കയ്യിൽ കിട്ടിയാൽ പ്രായം പോലും നോക്കാതെ ഞാൻ...."
ചെ.ചെ. പല്ലു ഞറുമ്മി.

അങ്ങനെയിരിക്കെയാണ് ചില ചില്ലറ ബോറന്മാർ ഒരു കാറ്റാടിക്കരയിൽ കൂടുന്നു എന്നവിവരം രഹസ്യമായി ചെ.ചെ.യ്ക്ക് കിട്ടിയത്.

കാര്യം, ഒളിവിലിരുന്നാണ് സാധിക്കുന്നതെങ്കിലും, ഇവന്മാരും സേവിക്കുന്നത് കലയെയല്ലയോ എന്ന ചിന്ത വന്നപ്പോൾ ഈ പുത്തൻ കൂറ്റുകാരെ ഒന്ന് ഉപദേശിച്ചു നന്നാക്കിക്കളയാം എന്ന് അതിയാൻ തീർച്ചപ്പെടുത്തി.

അങ്ങനെയാണ് ചെറായിക്കടാപ്പുറത്തെ കാറ്റാടിത്തീരത്ത് ചെ.ചെ. എത്തിപ്പെട്ടത്.

അവിടെ എത്തിയപ്പോഴേ ചെ.ചെയുടെ മനം കുളിർത്തു. തമ്മിൽ കണ്ടാൽ മിണ്ടാൻ പോലും താല്പര്യമില്ലാതെ മുഖം തിരിഞ്ഞിരിപ്പാണ് ലവന്മാർ! ദാ രണ്ടെണ്ണം...

ഇതാ വേറൊരെണ്ണം!

അണ്ണാ .... ലവന്റെ ഇരുപ്പ് കണ്ടിട്ട് എനിക്കും ചൊറിഞ്ഞു വരുന്നു. അടിനാവിക്കിട്ട് ഒരു ചവിട്ടു കൊടുക്കട്ടേ!?

ചവിട്ടൊക്കെ കഴിയുമ്പം, മര്യാദയ്ക്ക് ഞാനെടുത്ത ഫോട്ടോ കിടിലനാണെന്നു പറഞ്ഞോണം! ഇല്ലേൽ കളി മാറുവേ...!

വിശാലൻ: നീല ഗഡീ.... നിന്റെ നോട്ടം എനിക്കത്ര പിടിക്കണില്ല, ട്ടാ....
നാട്ടുകാരൻ: പണ്ടാരക്കാലൻ.... ഈ പുരാണം എഴുത്തുകാരനെ ആരിങ്ങോട്ട് കെട്ടിയെടുത്തെന്റമ്മച്ചീ!

ചെറായിപുരാണം ലവൻ പോസ്റ്റുന്നതിനു മുൻപ് ഞാൻ പോസ്റ്റും!

നിരക്ഷരനെ ഞാൻ മലർത്തും. “കാമറൂണിലെ കാറ്റാടിതീരം....” എന്ന് റ്റൈറ്റിൽ ഇടാം... അതോ “കാറ്റാടിച്ചോട്ടിൽ നിന്ന് കനാനിലേക്കെന്തു ദൂരം..?” എന്നായാലോ... അച്ചായൻ ഉറക്കെ ചിന്തിച്ചു.

ക്യാമറയൊക്കെ നന്നായിട്ടുണ്ട്.... പക്ഷേ ഫോട്ടോ ശരിയല്ല.... എന്റെ വയർ മുഴുവനായി കവർ ചെയ്തിട്ടില്ല!!!

അച്ചായന്റെ ചോദ്യം: എന്റെ തൂക്കം 82 കിലോ. അപ്പോ ഈ മുന്നിലിരിക്കുന്ന ചങ്ങായീടെ തൂക്കംഎത്ര?

കൊടകരച്ചന്തേലെകുഞ്ഞമ്മിണീടെ ഫോട്ടോ ഞാൻ എന്തോരം എടുത്തതാ പണ്ട്!
(ചിത്രത്തിലെ “മോൻ” ലാലിനെപ്പോലെ!)

നിരക്ഷരൻ:വാസ്കോ ഡ ഗാമ വന്നത് സത്യത്തിൽ ഇവടാ..... ഈ ചെറായിക്കടാപ്പൊറത്ത്. അന്ന് എന്റെ വല്യുപ്പാപ്പന്റെ മാമൻ ഗോവിന്ദമാമയാ ഗാമേടെ യാത്രാവിവരണം എഴുതിക്കൊടുത്തത്.
കാർട്ടൂണിസ്റ്റ്: ഉവ്വാ... ഉവ്വാ...

നിരക്ഷരൻ: നിങ്ങളാരും വിശ്വസിക്കുന്നില്ലേൽ ഞാൻ ഫോട്ടോ കാണിച്ചു തരാം. ഗാമേം ഗോവിന്ദമാമേം കൂടൊള്ള ഫോട്ടോ...!

അച്ചായൻ: കള്ളം പറയുവാണെങ്കിലും സമ്മതിച്ചു കൊടുക്ക് ഗഡീസ്!സത്യത്തിൽ കേരളത്തിലാദ്യം ക്യാമറവാങ്ങിച്ചയാൾ എന്റെ വല്യപ്പന്റെ വല്യപ്പന്റെ വല്യപ്പനാ....

അപ്പോൾ അവിടെ സാക്ഷാൽ ചെറായി ചെല്ലപ്പൻ പ്രത്യക്ഷപ്പെട്ടു!
എല്ലാവരും ചെ.ചെ പറയുന്നത് സാകൂതം ശ്രവിച്ചു നിന്നു.

കാർട്ടൂണിസ്റ്റ്: കുനിച്ചു നിർത്തി മുട്ടുകാലങ്ങു കേറ്റിയാലോ....
നാ‍ട്ടുകാരൻ:ഇവന്റെ സൂക്കേട് ഞാൻ തീർക്കും. എന്റെ ബ്ലോഗ് വായിപ്പിക്കും!
അച്ചായൻ: ഇവൻ ചെറായീലാണോ, സൊമാലിയേലാണോ ജനിച്ചത്?
നന്ദപർവം: ആശാൻ കൊള്ളാലോ!

ആശാനാന്നൊക്കെ പറഞ്ഞ് വന്ന് വല്യ ഗഡി കളിച്ചാലുണ്ടല്ലോ.......ഒറ്റ പെടയാ പെടയ്ക്കും!

ഇത്രയുമായപ്പോൾ ചെ.ചെ നയത്തിൽ മുങ്ങി!
ബ്ലോഗർമാർ കൂടിയാലോചൻ തുടങ്ങി!

നന്ദൻ: സത്യത്തിലീ ചെറായി ചെല്ലപ്പനെ എനിക്ക് പേടീണ്ടായിട്ടല്ല.... പക്ഷേ, ഇവടാകെ ചോരമയമാകും... ഈ മണ്ണിൽ ചോര വീഴാൻ ഞാൻ സമ്മതിക്കില്യ...

ആ... അതാ നല്ലത്. വിശാലൻ എസ്.പീനെ വിളിക്ക്‌ണ്ട്.... അത് മതി, അത് മതി!

എസ്.പീനെ വിളിച്ച നന്നായി. ഇല്ലാർന്നേല്ണ്ടല്ലാ, ദാ ഇത്ര പോന്ന ഒര് തടിയനെ പണ്ട് മലർത്തിയ പോലെ, ഈ പന്നീനേം ഞാം മലർത്തീനേ!

എന്നാ പിന്നെ പോയി വല്ലതും ഞം ഞം അടിക്കാം, ല്ലേ!?

അതുവരെ ഇല്ലാതിരുന്ന ചിരി അതോടെ മുഖങ്ങളിൽ പ്രത്യക്ഷപ്പെട്ടു!

ഹൊ! ഭാഗ്യം! ഇനി തിന്നാൻ വല്ലതും കിട്ടും!

തീറ്റയ്ക്ക് കാശു കൊടുക്കേണ്ട എന്നു കേട്ടപ്പോൾ കാർട്ടൂണിസ്റ്റിന്റെ കണ്ണു നിറഞ്ഞു.

തീറ്റ എന്ന വാക്കു കേട്ടതോടെ പുതിയൊരു താരം ഓടിയെത്തി! മനോരാജ്! അതോടെ ചെ.ചെ. പറപറന്നു! ഒരു ബീച്ചിൽ രണ്ട് കുളക്കോഴികൾ പാടില്ലത്രെ!

ഇനി പടങ്ങൾ സമയം പോലെ .....!

ബൈ ബൈ!

സ്വ.ലേ.

ചിത്രങ്ങൾക്കു കടപ്പാട്: എന്റെ പൊലിഞ്ഞുപോയ എൻ 70!!

വരൂ...... ബസ്സിൽ നിന്ന് ബ്ലോഗിലേക്ക്!!!

2010-10-26T02:52:00.000-07:00

2007 ൽ ബൂലോകത്തെത്തിയ ഒരാളാണു ഞാൻ. ഏവൂരാൻ എന്ന എന്റെ നാട്ടുകാരൻ ബ്ലോഗെഴുതിയതായി പത്രത്തിൽ വായിച്ച ആവേശത്തിലാണ് ഞാനും ഈ മാധ്യമത്തിലേക്കു കാൽ വച്ചത്. വക്കാരിമഷ്ടാ, വിശ്വപ്രഭ, കേരളാ ഫാർമർ, ഇഞ്ചിപ്പെണ്ണ്, വിശാലമനസ്കൻ, അരവിന്ദ്, കുറുമാൻ, മരമാക്രി, ഇടിവാൾ,കെ.പി.സുകുമാരൻ എന്നീ പേരുകൾ പത്രത്താളുകളിൽ നിന്നു മനസ്സിലേക്കു കയറി.

മലയാളം ബ്ലോഗിന്റെ പുഷ്കലകാലമായിരുന്നു അത്. 2003 നും 2007 നും ഇടയ്ക്ക് എഴുതപ്പെട്ട രചനകൾ വായിച്ച് ഞാൻ ഉത്സാഹഭരിതനായി.

തുടർന്ന് ബ്രിജ് വിഹാരം മനു, പോങ്ങുമ്മൂടൻ,ചിത്രകാരൻ,അരുൺ കായംകുളം, വാഴക്കോടൻ, കുമാരൻ, മാണിക്യം, മിനി ടീച്ചർ തുടങ്ങി ഒരു വൻ നിര തന്നെ പ്രത്യക്ഷപ്പെട്ടു.

മതവും,രാഷ്ട്രീയവും, സിനിമയും, സൊറപറയും, ഓർമ്മക്കുറിപ്പുകളും ബ്ലോഗിൽ നിറഞ്ഞു.

എന്നാൽ 2010 വന്നുദിച്ചതോടെ മലയാളം ബ്ലോഗിനു ശനിദശതുടങ്ങി. ബസ്സും, ട്വിറ്ററും, ഫെയ്സ് ബുക്കും ഒക്കെയായി പലരുടെയും തട്ടകങ്ങൾ.

അല്ലറചില്ലറ വിവാദങ്ങൾ തുണച്ചതുകൊണ്ട് കഴിഞ്ഞ ഒന്നു രണ്ടാഴ്ചയായി ഒരു ചലനമുണ്ടായെന്നതൊഴിച്ചാൽ മലയാളം ബ്ലോഗ് മാന്ദ്യത്തിലാണ്. ആകെ ഒച്ചയും ബഹളവും ഉള്ളത് മതചർച്ച നടക്കുന്ന ഇടങ്ങളിൽ ആയി!

ഇന്ന് പ്രതിഭാധനരായ പല ബ്ലോഗർമാരും, ബ്ലോഗിനേക്കാൾ പ്രാധാന്യം ഗൂഗിൾ ബസ്സിനും, ട്വിറ്ററിനും, ഫെയ്‌സ് ബുക്ക് ഫാം വില്ലെയ്ക്കുമൊക്കെയാണ് നൽകുന്നതെന്ന യാഥാർത്ഥ്യം ചങ്കു തകർക്കുന്നതാണ്.

ബ്ലോഗർ എന്ന മേൽ വിലാസമാണ് നമ്മെ ഒരുമിപ്പിച്ചതെന്ന യാഥാർത്ഥ്യം വിസ്മരിക്കാതിരിക്കാനും, ഒപ്പം വളരെയേറെ സാധ്യതകൾ ഉള്ള ഈ മാധ്യമം ജീവസ്സുറ്റതാക്കി നിലനിർത്താനും ഉള്ള ബാധ്യതയും ഉത്തരവാദിത്തവും നമുക്കെല്ലാമുണ്ടെന്ന് എല്ലാ ബ്ലോഗർമാരും തിരിച്ചറിയണം എന്നും
അഭ്യർത്ഥിക്കുന്നു.

ഈ വിഷയത്തിൽ സമാനചിന്താഗതിയുള്ള ബ്ലോഗർമാർ ഒരുമിക്കാൻ തയ്യാറായാൽ അക്കൂട്ടത്തിൽ കൂടാൻ ഞാനും ഉണ്ടെന്ന വിനീതമായ വാഗ്ദാനത്തോടെ,

സ്നേഹപൂർവം

ജയൻ ഏവൂർ

വാൽമൊഴി: കച്ചോടമാക്കി മാറ്റിയെന്നാരൊപിച്ചാലും നിരന്തരമായി ബെർളിയും, പിന്നെ ഇടയ്ക്കിടെ വിശാലമനസ്കനും ഇപ്പോഴും പോസ്റ്റുകൾ ഇടുന്നുണ്ടെന്നതിൽ അവരെ മനസ്സാ അഭിനന്ദിക്കുന്നു!

കായംകുളം സൂപ്പർഫാസ്റ്റ് റോഡിലിറക്കി!

2010-10-17T09:12:00.000-07:00

പ്രിയസുഹൃത്തുക്കളെ,

മലയാളം ബൂലോകത്തിന്റെ പ്രിയങ്കരനും എന്റെ നാട്ടുകാരനുമായ അരുൺ കായംകുളത്തിന്റെ ജനപ്രിയ ബ്ലോഗ് ‘കായംകുളം സൂപ്പർഫാസ്റ്റ്’ പുസ്തകരൂപത്തിൽ പുറത്തിറങ്ങി. ഇന്നു രാവിലെ (17-10-10)അരുണിന്റെ ഗ്രാമത്തിലെ കരിമുട്ടം ദേവീക്ഷേത്രാങ്കണത്തിൽ കൂടിയ നിറഞ്ഞ സദസ്സിനു മുന്നിൽ പ്രശസ്ത കവി ശ്രീ.ചേരാവള്ളി ശശി പുസ്തകം പ്രകാശനം ചെയ്തു.ക്ഷേത്രം ഭരണസമിതി സെക്രട്ടറി ശ്രീ പരമേശ്വരൻ പിള്ള അധ്യക്ഷനായിരുന്നു.

ചടങ്ങിന് പ്രശസ്ത ബ്ലോഗർ ജി.മനു (ബ്രിജ് വിഹാരം) സ്വാഗതം പറഞ്ഞു. ശ്രീ. ബി. ജയപ്രകാശ്, ബ്ലോഗർമാരായ വാഴക്കോടൻ, ജയൻ ഏവൂർ എന്നിവർ ആശംസകൾ അർപ്പിച്ചു സംസാരിച്ചു. നന്ദകുമാർ, ഹരീഷ് തൊടുപുഴ, മുള്ളൂക്കാരൻ, കണ്ണനുണ്ണി, കൊട്ടോട്ടിക്കാരൻ, ധനേഷ്, പഥികൻ, രാകേഷ് , മൊട്ടുണ്ണി തുടങ്ങിയവരും പങ്കെടുത്തു. (വിശാലമായ ഫോട്ടോസ് പുലികൾ ഇടും!)

എൻ.ബി പബ്ലിക്കേഷൻസിനു വേണ്ടി ബ്ലോഗർ ജോ പ്രസിദ്ധീകരണം പരിചയപ്പെടുത്തി.ബ്ലോഗ് രചനകളോട് മുഖ്യധാരാ പ്രസിദ്ധീകരണ സ്ഥപനങ്ങൾ പുലർത്തുന്ന അവഗണന അനുഭിച്ചറിഞ്ഞതിനെത്തുടർന്നാണ് തങ്ങൾ ഈ ദൌത്യം ഏറ്റെടുത്തതെന്ന് അദ്ദേഹം പറഞ്ഞു.

************************************************************************************
ഇത്രയുമൊക്കെ കഴുത്തിൽ കത്തി വച്ച് എഴുതിച്ചതാ......

യഥാർത്ഥത്തിൽ സംഭവിച്ചത് ദാ ഇങ്ങനാ....

അനിയന്റെ മകന്റെ എഴുത്തിനിരുത്തൽ ചടങ്ങിൽ നിന്നു മുങ്ങി ഞാൻ പൊങ്ങിയത് കരിമുട്ടത്തായിരുന്നു.അമ്പലം റോഡ് സൈഡിൽ തന്നെയായതിനാൽ കണ്ടു പിടിക്കാൻ ബുദ്ധിമുട്ടുണ്ടായില്ല. പക്ഷെ പുറത്ത് പരിചയമുൾല ആരെയും കണ്ടില്ല.

ചടങ്ങിന്റെ മുഖ്യ ആസൂത്രകരായ സർവശ്രീ.നന്ദപർവം നന്ദകുമാർ, ഷാജി മുള്ളൂക്കാരൻ, ഹരീഷ് തൊടുപുഴ എന്നിവരാരെങ്കിലും “ഹായ് ! ജയൻ ഏവൂർ! സ്വാഗതം എന്നു പറഞ്ഞ് കൈകുലുക്കും എന്നു പ്രതീക്ഷിച്ച് ഞാൻ അമ്പലഗോപുരം കടന്നു നടന്നു.

ഞെട്ടിപ്പോയി!

സ്വാഗതക്കമ്മറ്റിയ്ക്ക് പറ്റിയ പുള്ളികൾ! നമ്മളെ മൈൻഡ് ചെയ്യുന്നുപോലുമില്ല!

ഞാൻ നേരേ അമ്പലത്തിലേക്കു കയറി. അവിടെച്ചെന്നപ്പോൾ വേദി റെഡി. പ്രകാശനച്ചടങ്ങ് തുടങ്ങാൻ പോകുന്നു!

ക്ഷേത്രാങ്കണത്തിൽ ആളുകൾ നിറഞ്ഞിരിക്കുന്നു!

ഏതോ പയ്യന്മാരൊക്കെ പടം പിടുത്തം തുടങ്ങി.

ഈ പുലി ഫോട്ടോഗ്രാഫേഴ്സൊക്കെ എവിടേ? ചുറ്റും ഒന്നോടി നോക്കി. യാതൊരു ടെൻഷനുമില്ലാതെ ക്യാമറാ ആംഗിളുകൾ ചർച്ചചെയ്യുകയാണു പുലികൾ!

പെട്ടെന്ന്, എവിടെ നിന്നറിയില്ല, സ്വാഗതപ്രാസംഗികൻ കം അവതാരകൻ ആയി ബ്രിജ് വിഹാരം മനു വേദിയിൽ പ്രത്യക്ഷപ്പെട്ടു, സ്വാഗതം പറഞ്ഞു തുടങ്ങി!

ശ്രീ. ചേരാവള്ളി ശശി സംസാരിക്കുന്നു.

പുസ്തകപ്രകാശനം.... കായംകുളം സൂപ്പർഫാസ്റ്റ് ഇനി റെയിലിൽ മാത്രമല്ല, റോഡിലും ഓടും!

“മനു എന്ന ചെറുപ്പക്കാ‍രനിലൂടെ ജനലക്ഷങ്ങളുടെ മനം കവർന്ന കഥാകാരനാണ് അരുൺ കായംകുളം” - എന്ന് ജോ. അത് കേട്ട അരുൺ നെഞ്ചു തടവി. കാരണം എന്തെന്നു മനസ്സിലായില്ല. തന്റെ പുസ്തകം പ്രകാശിതമാവുന്നതിന്റെ തിരതള്ളൽ നെഞ്ചാം കൂട് തകർത്തോ, ആവോ! (അത് ഒടുവിലല്ലേ വ്യക്തമായത്!)

തുടർന്ന് വാഴക്കോടന്റെ ഊഴമായിരുന്നു. മനു എന്നാൽ ആനയാണ്, മനു എന്നാൽ ചേനയാണ് , മനു എന്നാൽ അരുണിന്റെ പേനയാണ്, പേനത്തുമ്പിലെ ഭാവനയാണ്, കാവ്യയാണ് എന്നൊക്കെ തട്ടിവിട്ടു!

തുടർന്ന് നന്ദിപ്രകാശനത്തിനായി സുസ്മേര വദനനായി അരുൺ എത്തി

പക്ഷേ, പെട്ടെന്ന് ആളുടെ മുഖം മ്ലാനമായി. ഗദ്ഗദ കണ്ഠനായി. മനുവിനെക്കുറിച്ചുള്ള കഥകൾ അറിയാതെ എഴുത്തിപ്പോയെന്നും, ഒക്കെ ഒരു തമാശയായി കാണണം എന്നും ദീനദീനം അപേക്ഷിച്ചു. അധ്യക്ഷനും, പുസ്തകപ്രകാശകനും ഒക്കെ മ്ലാനവദനരായി. മൂക്കിൽ വിരൽ തള്ളാൻ മടിയുള്ളതുകൊണ്ടാവും ഒരാൾ കവിളിലും, മറ്റെയാൾ ചുണ്ടിലും വിരൽ തള്ളി!

എന്തു പറ്റി എന്നു ചുറ്റും നോക്കി. അപ്പോൾ മാത്രമാണ് പിൻ നിരയിൽ നിന്നിരുന്ന ചെറുപ്പക്കാരെ എല്ലാവരും ശ്രദ്ധിച്ചത്. ഇതൊന്നും സുഖിക്കുന്നില്ല എന്ന മുഖഭാവവുമായി നാലു ചെറുപ്പക്കാർ.

അവരുടെ നേതാവാണത്രെ മനു! കരിമുട്ടത്തെ ട്രൂ ഹീറോ! അവൻ മംഗലാപുരത്തു നിന്നിങ്ങെത്തിയിട്ടില്ലത്രെ!

ഇനി അവനൊന്നു വന്നിട്ടുവേണം ഇതിന്റെ പരിണാമഗുസ്തി ഒന്നറിയാൻ!

അക്കഥകൾ ചൂടോടെ കിട്ടാൻ മുടങ്ങാതെ വായിക്കുക - കായംകുളം സൂപ്പർഫാസ്റ്റ്!!

അടിക്കുറിപ്പ്:ഞാനീ പറഞ്ഞ കാര്യങ്ങൾക്കൊക്കെ സാക്ഷികൾ ഉണ്ട്. ദാ താഴെ നോക്ക്.

എൻ സെവന്റിയുടെ ഓർമ്മയ്ക്ക്.....!

2010-09-06T11:32:00.000-07:00

'നിരക്ഷര'ന്റെ അനുഗ്രഹത്താൽ അടിച്ചുപോയ എന്റെ N 70 വച്ച് എടുത്ത ചില ചിത്രങ്ങൾ!

ഇതെന്താ?

ഹിന്ദിയാണെന്നു തോന്നുന്നു

ഇത് ഇംഗ്ലീഷ്
എന്താപ്പോ സംഭവം?

ദാ ഇതാണ് സംഭവം

അഷ്ടമുടിക്കായലിലെ അന്നനടത്തോണിയിലെ.......

ദെന്താദ് ? ചക്കമാലയോ!?

ചക്കയ്ക്കൊക്കെ എന്താ ഗ്ലാമർ!

ഒന്നു നോക്കിയേ!

ഇയാൾ ഇതെങ്ങോട്ടാ!?

ഇതു നോക്കിയാവുമോ?

അല്ലല്ല..... ദാ ഇതു നോക്കിയാ ആശാൻ പോണത്!

കൂർത്തുമൂർത്ത മുള്ളുകൾക്കിടയിലും പൂ തേടിപ്പോയ ആ ഓന്തിനെ നമിച്ചുകൊണ്ട് തൽക്കാലം ഇവിടെ നിർത്തുന്നു.

ഇനി വഴിയിലെവിടെയെങ്കിലും
നല്ലൊരു ദൃശ്യം തെളിയുമ്പോൾ
എൻ സെവന്റീ നിന്നെ ഓർമ്മവരും
എൻസെവന്റീ നിന്നെയോർമ്മ വരും!

ആ കദനകഥ വായിക്കാത്തവർ താഴെ ക്ലിക്കുക!