Thursday, April 8, 2010

ആരാണീ സുന്ദരി?

പോയകാല മലയാള സിനിമാ സുന്ദരിമാർ നൊസ്റ്റാൽജിക്കായൊരോർമ്മയാണ്. അക്കൂട്ടത്തിൽ പെട്ട രണ്ടു പേരാണ് ഉണ്ണിമേരിയും സുപർണയും.

ശാലീന സുന്ദരിമാർ എന്നതിനപ്പുറം സെക്സ് അപ്പീൽ ഉള്ളവർ ആണു രണ്ടു പേരും. കാലാകാലങ്ങളിൽ ഇത്തരം താരങ്ങൾ ഉയർന്നുവരികയും യുവഹൃദയങ്ങളെ പുളകം കൊള്ളിക്കുകയും ചെയ്യാറുണ്ട്.

കോളേജ് ക്യാമ്പസുകളിൽ അവർക്കുള്ള ജനപ്രീതി പല രീതിയിലാണ് പുറത്തുവരിക.

ഞാൻ പഠിച്ച ഡിഗ്രിക്കു തൃപ്പൂണിത്തുറ ആയുർവേദ കോളേജിലെ ബസ്സിന് ഉണ്ണിമേരി എന്നു പേർ ലഭിച്ചത് അതിൽ ഒരു രീതിയിലാണ്.

വാഹനങ്ങളുമായി ബന്ധപ്പെട്ടും, വ്യക്തികളുമായി ബന്ധപ്പെട്ടും ഒക്കെ ഇത്തരം ധാരാളം പേരുകൾ ക്യാമ്പസുകളിൽ ഹരമാകാറുണ്ട്.

അവയെക്കുറിച്ചൊക്കെ ഈ കുറിപ്പു വായിക്കുന്ന ബൂലോകർ എഴുതും എന്നു പ്രതീക്ഷിക്കട്ടെ.

ഇത്രയൊക്കെയായിട്ടും ഉണ്ണിമേരിയുടെയും വൈശാലിയുടെയും ചിത്രങ്ങൾ കണ്ടില്ലല്ലോ എന്നു ചിന്തിച്ചിരിക്കുന്നവർക്കായി ആ ചിത്രങ്ങൾ ദാ ഇവിടെ.



ആസ്വദിക്കൂ!


ആദ്യം ഉണ്ണിമേരിയും കാമുകന്മാരും, അവരുടെ കൂട്ടുകാരികളും!





 ഇതാണു വൈശാലി.... വൈശാലി റീ പൈന്റെഡ് ! (കട: വാഴക്കോടൻ)
നിറയെ കുട്ടികളുമായി പുത്തൻ കുരിശു പാലത്തിൽ നിന്നു ടേക്ക് ഓഫ് ചെയ്തവൾ!


ഇവൾ ആരാണ് എന്നതാണു ചോദ്യം!


 തൃപ്പൂണിത്തുറ നിന്ന് തിരുവനന്തപുരത്തെത്തിയപ്പോൾ ദാ കിടക്കുന്നു പുതിയ ബസ്!

അവൾക്കൊരു പുതിയ പേരു വേണം. നിങ്ങൾ നിർദേശിക്കൂ!

(ഇനി സ്ത്രീ പക്ഷവാദികൾ ഉണ്ടെങ്കിൽ വണ്ടികൾക്കൊക്കെ പുരുഷനാമങ്ങൾ ഇടാൻ അവർക്ക് സ്വാതന്ത്ര്യം ഉണ്ടായിരിക്കുന്നതാണ്!)

ഇത്രയും തിടുക്കപ്പെട്ട് അപ് ലോഡ് ചെയ്യാൻ പ്രചോദനം ചിതലിന്റെ ഈ പോസ്റ്റാണ്!  മൂട്ട